Zeremii 14:15 - LAWA A BOO SONBORE

¹⁵ Bɛ lɛ nɛ, masɛ Dɛnaa Lawa n kɛ pii Lawa a boo gii-dalin kɛn wɔ paǹ li: «Bɛa minin kɛn lɛn mà ǹsɛn man boo diɛ ka masɛ tɔ nɛ, a da yaa ma ǹ dia wa. Maǹ pii mà zia laanka bòo á re yii gána kɛ-n wa. A da yaa, zia laanka bòo n die ǹ tumaa papaɛ̃ lenlen!

LAWA A BOO SONBORE 2011

¹⁵ Bɛ lɛ nɛ, masɛ Dɛnaa Lawa n kɛ pii Lawa a boo gii-dalin kɛn wɔ paǹ li: «Bɛa minin kɛn lɛn mà ǹsɛn man boo diɛ ka masɛ tɔ nɛ, a da yaa ma ǹ dia wa. Maǹ pii mà zia laanka bòo á re yii gána kɛ-n wa. A da yaa, zia laanka bòo n die ǹ tumaa papaɛ̃ lenlen!

Zeremii 14:15 ပူးပေါင်းရင်းမြစ်များ

Kiin1 22:25

Misee ná a lɛ si: «Hayaa le! N bɛ́ re kion gialan kiɛ kɔn la ǹ mɛn pinaa, n nə́ n duri, n tá re doɛ̃ bɛa pinaa.»

Zeremii 20:6

Nsɛ Pasewuru, n laanka min mɛn tumaa bɛ́ kion kun, ǹ tá re ka goɛ. Bɛ̀ n dɔ Baabilonii, n tá re giɛ̃. Ǹ tá re n biĩ walan, kun ka n giaáran kɛn tumaa nɛ, ń Lawa a boo gii-dali soɛ-bɔle baa ǹ nɛ.»

Zeremii 23:30

Lawa a boo gii-dalin kɛn maa da ǹ boon koɛ̃ kɔn lɛ-n, man die yui ǹ gialaa. Dɛnaa Lawa a da ǹ boo ne.

Zeremii 27:15

Masɛ bie má ǹ dia wa. Maǹ pii mà ǹsɛn man boo diɛ ka masɛ tɔ nɛ, sɛnɛ, soɛ nɛ. Bɛ̀ ka n too kɔ ǹ lon, ka ǹ die giɛ̃, man die ka lui ma ka bɔ kànaa, ka dinin ni ka kaa Lawa a boo gii-dalin kɛn nɛ bɛa boon lɛn pii ka nɛ. Dɛnaa Lawa a da ǹ boo ne.

Zeremii 6:15

Ǹ sii bɔbɔnɛɛn mɛnɛn zɛnaa, bɛa sìi tá ǹ ganaa? Kɛnɛn dinin wa! A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 8:13

Ka boo taãn nɛ, man die ǹ sàabiɛ lenlen. Dɛnaa Lawa a da ǹ boo ne, rezɛ̃ ba re goɛ̃ *rezɛ̃ da la wa, gɔ́rɔ ba re goɛ̃ gɔ́rɔ da la wa. Ǹ luu á re laɛ. Man die ǹ we kiɛ̃ wolen gɔn.

Busii pɛ 1:19

Min mɛnɛn nə goã ma narɛ, má lɛ dia ǹ la, sɛnɛ, ǹ nə́ ma tii. Maa Lawa a wúlu-bɔlen laanka maa min golen nə́ gã kiwi lɛ gɔ́ɔ̃ nɛ, ǹ bɛ́ giɛ màn-bii li ǹ mɛn waáraa, mà ǹ yii boo la a goã koo.

Busii pɛ 2:20

E! Dɛnaa Lawa, n yii bũ n ga minin kɛn ganaa n nə́ ǹ kũ ka yɔrɔ kɛ nɛ! Lɔn manə ǹ nɛnyaanan soɛ̃! Maǹ Lawa a wúlu-bɔlen laanka Lawa a boo gii-dalin dii Lawa a kion!

Ezekieli 13:14

Ka kungɔn mɛn lɛ tɔrɔ, ma á re nyɛnɛɛ ma duwəə tán, a gòã daa ǹ bǎã kɛ yɛ kanaa. Kungɔn lɛ á re kiɛ, ka dinin tá re papaɛ̃ a bii walan. Ka á re doɛ̃ ka bɛ lɛ-n kəni, mà ma din nə Dɛnaa Lawa lɛa.

Ezekieli 13:15

Yǎa masɛ nə n foo nyɛɛ kungɔn kɛ laanka a tɔrɛɛ wolen la. Ma á re pii ka nɛ: Maa kungɔn lɛ kaa. A tɔrɛɛ wolen lɛn dɔn dinin banban doo wa.

Ezekieli 13:9

Lawa a boo gii-dalin mɛnɛn bɛ́ sii-nyaa kooron yii, ǹ nə́ soɛ boon didiɛ, masɛ á re goɛ̃ kɔn ka bɛn nɛ. Ǹ ba re goɛ̃ kun ka maa zaman nɛ doo wa. Izirayeli tɔrɔn tɔ bɛ́ kiɛ̃-n sɛ́wɔ mɛn nɛ, ǹ tɔ dɔ a re n kiɛ̃ walan doo wa, ǹ ba re we Izirayeli gána-n doo wa. Ka á re doɛ̃ ka bɛ lɛ-n kəni, mà masɛ din nə Dɛnaa Lawa lɛa.

Ezekieli 14:10

Min mɛn wo nɔ̀n da Lawa a boo gii-dali lɛ la, bɛa dɛnaa lɛ laanka Lawa a boo gii-dali lɛ á re n toɛ̃ ka ǹ sii baraa a guĩ ni.

Ezekieli 14:9

Ta Lawa a boo gii-dali ni, bɛ̀ á toa ǹ nə́ bebele ǹ nə́ da boo-diɛ ganaa, masɛ din Dɛnaa Lawa n má bɛa boo gii-dali kɛ lɛ sã. Ma á re yui bɛa dɛnaa gialaa, ma dɛ ma bɔ maa zaman, Izirayeli minin kɛn bii.

Ezekieli 33:6

Sɛnɛ, bɛ̀ wɔlɔ-lɛduə̃li lɛ zɔ́ɔn yɛ die ka zia nɛ, bɛ̀ a bɛn pɛ á n gɔn waa minin man wa, bɛ̀ zia lɛ daa yǎa a min mɛn dɛ, man die a gɛ̀ lɛ a sii diɛ wɔlɔ-lɛduəli lɛ din mìi ni.»

Amɔɔsi 7:17

Bɛ lɛ na á toa Dɛnaa Lawa á kɛ pii: N lɔ á re kɔrɔbaa zɛnɛɛ kiwi lɛ gɔ́ɔ̃ nɛ, ǹ tá re n nɛgiĩn laanka n nɛlɔn dii zia la, ǹ tá re n tán zoɛ̃ ka biɛ nɛ, ǹ gii min kɔsɔn bii. N dinmaa kɛ á re giɛ̃ Lawa doɛ̃baã wolen gána nɛ. Ǹ tá re Izirayeli minin kɛn goɛ ǹ wo ǹ ne bɛ̀rɛbaa ǹ bǎã nɛ, ǹ wɔlɔ á re lui ǹ gána kɛ ganaa.»

Misee 3:5

Lawa a boo gii-dalin mɛnɛn bɛ́ Dɛnaa Lawa a zaman kɛ yiri siɛ̃, Dɛnaa Lawa na á kɛ pɛ bɛn wɔ paǹ li: «Bɛ̀ min mɛn gɔn màn tá ǹ lɛ-n, maǹ là nyantoro boo diɛ bɛa dɛnaa nɛ. Bɛ̀ min mɛn gɔn màn ba ǹ lɛ-n wa, maǹ zia yɔrɔ diɛ bɛa dɛnaa la.

Timəə dí-pɛn 18:20

Sɛnɛ, ma bɛ́ má pɛ boo gii-dali lɛ nɛ máa a boo mɛn da wa, bɛ̀ á n saa din gole kɔ li yǎa a bɛ da ka masɛ tɔ nɛ, hinlaa ka lawa kɔsɔn tɔ nɛ, boo gii-dali lɛ din doamaa-n ka gɛ̀ nɛ.»

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.