Zeremii 14:14 - LAWA A BOO SONBORE

¹⁴ Dɛnaa Lawa ma lɛ si á pɛ: – Lawa a boo gii-dalin kɛn bɛ́ boo mɛn diɛ ka ma tɔ nɛ, soɛ nɛ. Ma ǹ dia wa. Ma boo goon din da ǹ nɛ wa. Ǹ sii yɛn lɛn man soɛ lɛa. Ǹ bɛ́ boo mɛn diɛ, boo kooron manɛ. Ǹ dinin taasiɛ boon manɛ.

LAWA A BOO SONBORE 2011

¹⁴ Dɛnaa Lawa ma lɛ si á pɛ: – Lawa a boo gii-dalin kɛn bɛ́ boo mɛn diɛ ka ma tɔ nɛ, soɛ nɛ. Ma ǹ dia wa. Ma boo goon din da ǹ nɛ wa. Ǹ sii yɛn lɛn man soɛ lɛa. Ǹ bɛ́ boo mɛn diɛ, boo kooron manɛ. Ǹ dinin taasiɛ boon manɛ.

Zeremii 14:14 ပူးပေါင်းရင်းမြစ်များ

Izayii 56:10

Izirayeli a wɔlɔ-lɛduə̃lin tumaa n yii tere-an lɛa. Ǹ ba sii kɔn doɛ̃ wa. Ǹ tumaa n gin lɛ tere-an lɛa, ǹ ba boe la ǹ tá gisĩ dinin wa. Maǹ waa-n tán ǹ nə́ n narɛ. Nyuù n kɔɔ̃nɛ ǹ ganaa.

Izayii 9:15

Gána lɛ a nyɛɛnaandɛnan nə́ ǹ zaman sã, ǹ bɛ́ min mɛnɛn nyɛɛnɛ, ǹ nə́ bɛn bɔ̀n baa.

Zeremii 20:6

Nsɛ Pasewuru, n laanka min mɛn tumaa bɛ́ kion kun, ǹ tá re ka goɛ. Bɛ̀ n dɔ Baabilonii, n tá re giɛ̃. Ǹ tá re n biĩ walan, kun ka n giaáran kɛn tumaa nɛ, ń Lawa a boo gii-dali soɛ-bɔle baa ǹ nɛ.»

Zeremii 28:11

Bɛ kio, á pɛ zaman tumaa yɔrɔ-a mà Dɛnaa Lawa n kɛ pii: «Kànaa ka lɛ̀ paa ka te, Baabiloniin kii Nebukadenezɔɔrɔ a pàã ke tɔrɔn tumaa wìi li ka zǔu bɛ́ lɔn, man die bɛ yiɛ kɛnɛn.» Bɛ kio, Lawa a boo gii-dali Zeremii kiɛ̃.

Zeremii 28:13

– Wo pɛ Anania nɛ mà Dɛnaa Lawa n kɛ pii: «Zǔu gɔndɛnaa ke ń yiɛ, ń tá re zǔu fɔlɔdɛnaa diɛ a bǎã nɛ!»

Zeremii 28:15

Lawa a boo gii-dali Zeremii wusoo doo á pɛ Lawa a boo gii-dali Anania-n kɛnɛn: – Anania, n too kɔ taãn nɛ! Soɛ boon manɛ n tá zaman lɛ foo taɛ̃ nɛ. Dɛnaa Lawa bie á n dia wa.

Zeremii 29:21

Dɛnaa Lawa Pàãyiidɛnaa Izirayeli a Lawa n kɛ pii, Kolaya a nɛgiĩ Akaabu a paǹ li ka Maseya a nɛgiĩ Sedekiasi ni. Ǹ dinin min paa mà ǹsɛn man Dɛnaa Lawa a boo gii diɛ, sɛnɛ soɛ nɛ. Á bǐɛ̃ kɔ, man die ǹ we Baabiloniin kii Nebukadenezɔɔrɔ gɔn, a ǹ dɛ ka yii giulun.

Zeremii 29:31

– Boo kɛ dia wo bɛ̀rɛbaa ǹ bǎã-n wolen kɛn tumaa la: «Dɛnaa Lawa n kɛ pii Nehelamu min Semayia a paǹ li: Semayia boo da ka nɛ ka ma tɔ nɛ, sɛnɛ masɛ dia wa. Á soɛ boon da ka nɛ.

Zeremii 37:19

Kaa Lawa a boo gii-dalin mɛnɛn nə pɛ mà Baabiloniin kii ba re yui ka gialaa ka zia-n wa, mà a re yui kaa gána dɔ gialaa wa, bɛn maǹ maa pelo?»

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Zeremii 8:10

Dɛnaa Lawa pɛ: Á bǐɛ̃ kɔ, Man die ǹ lɔn koe min kɔsɔn la, ma ǹ wurun kɔ ǹ kũ wolen la. A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ Lawa a boo gii-dalin ganaa a wo Lawa a wúlu-bɔlen yaa, ǹ tumaa n kɔkɔrɔ.

Zeremii 8:11

Koe mɛn bɛ́ maa zaman yii, ǹ ba bɛ biɛ ǹ parsii lɛa wa. Maǹ pii «sii banban, sii banban», A da yaa sii tan.

Busii pɛ 2:14

Lawa a boo gii-dalin nə sii-nyaa mɛn tumaa yɛ n wɔ lɛa, sii-nyaa kooron manɛ. Maǹ nə n sã pɛ n nɛ wa, màn mɛn bɛ́ toɛ n kanbaa bɛ̀rɛbaa ganaa. Ǹ sii-nyaan mɛnɛn yɛ n wɔ lɛa, soɛ laanka yiri sã ǹ boon manɛ!

Busii pɛ 2:9

Kiwi lɛa kiɛnlɛn nə́ kaa, ǹ nə́ wɔ tán tii li. Dɛnaa Lawa nə́ ǹ kii la ǹ bàlà yiyiɛ. A kii laanka a nyɛɛnaandɛnan man gùlin lɛa tɔrɔ kɔsɔn bii. Dí-pɛ banban doo wa, a boo gii-dalin ba Dɛnaa Lawa a sii-nyaa yii doo wa.

Ezekieli 12:24

Sii-nyaa kooron kɛn, gɔn-nɔɔ siin kɛn nɛ, bɛn kɔn ba re yii Izirayeli minin bii doo wa.

Ezekieli 13:2

– Nsɛ minbuiin a nɛ, min mɛnɛn bɛ́ n dinin biɛ Lawa a boo gii-dalin lɛa Izirayeli gána nɛ, ǹ nə́ boo diɛ ǹ dinin gɔn wìi a lɛa, sɛ̀ pɛ ǹ ganaa. A pɛ ǹ nɛ, maǹ nə n too kɔ masɛ Dɛnaa Lawa a da ǹ boo li.

Ezekieli 13:23

Sisia kəni, ka a re sii-nyaa kooron kɛn yii doo wa, ka a re n gɔn noɛ̃ doo wa. Ma á re maa zaman lɛ kuĩ ma si ka la. Ka á re doɛ̃ kəni, mà masɛ din nə Dɛnaa Lawa lɛa.»

Ezekieli 21:29

Bɛ lɛ na á toa masɛ Dɛnaa Lawa gole á ke pii: «Ka n wusii ma yiri diɛ kaa sii baraan lɛn nɛ, ka n ma bɔlɔ tii woone. Kaa zɛnaa ǹ siin lɛn tumaa n nyɛɛ mà ka dinin zɛ̀rɛ nɛ. Ka bɛ́ ka dinin la nyɛɛ miɛ̃, haya! Ǹ tá re ka kuĩ, ǹ wo ka nɛ bɛ̀rɛbaa ǹ bǎã nɛ.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Zakarii 10:2

Lawa kooron kɛn man soɛ boon diɛ, wɔ-kũlin man soɛ siin yii. Maǹ narɛɛ kooron we, fofolo lɛa. Ǹ foo waa ǹ boon tumaa n piɛ̃ lɛa. Bɛ lɛ nɛ, zaman lɛ woo, ka tɔɔ makaradɛnaa bɛ́ lɔn, a giala, lɛduə̃li ba ǹ la wa.

Zakarii 13:3

Min woo min bɛ́ re yui mà asɛ n Lawa a boo gii diɛ, a din a yɛ ǹ di laanka a yɛ ǹ dan tá re yui a gialaa ǹ pɛ nɛ: «N doamaa-n ka gɛ̀ nɛ, a giala, n nə́ n soɛ bɔ ka Dɛnaa Lawa tɔ nɛ.» A toa a n soɛ boe ka masɛ tɔ nɛ, a din a yɛ ǹ di laanka a yɛ ǹ dan tá re dii a gã.

Timəə dí-pɛn 18:20

Sɛnɛ, ma bɛ́ má pɛ boo gii-dali lɛ nɛ máa a boo mɛn da wa, bɛ̀ á n saa din gole kɔ li yǎa a bɛ da ka masɛ tɔ nɛ, hinlaa ka lawa kɔsɔn tɔ nɛ, boo gii-dali lɛ din doamaa-n ka gɛ̀ nɛ.»

Timote1 4:2

Soɛ-bɔlen mɛnɛn bɛ́, ǹ yiri ná a ba ǹ goe sii-n doo wa, maǹ die n siɛ bɛn lɛn minin yiri sã ǹ boo li ǹ papaã.

Zaã1 4:1

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.