Zeremii 13:9 - LAWA A BOO SONBORE

⁹ «Masɛ Dɛnaa Lawa a da ǹ boo á ke: A din yɔrɔ goon la, man die Zudaa a din koa kɛ ziziɛ̃, kɔnlɛ ka Zeruzalɛmu dɔ a din koa gole kɛ nɛ.

LAWA A BOO SONBORE 2011

⁹ «Masɛ Dɛnaa Lawa a da ǹ boo á ke: A din yɔrɔ goon la, man die Zudaa a din koa kɛ ziziɛ̃, kɔnlɛ ka Zeruzalɛmu dɔ a din koa gole kɛ nɛ.

Zeremii 13:9 ပူးပေါင်းရင်းမြစ်များ

Suusun 16:18

Din gole kɔ n die mɛnaa nɛ. Din koa n die ka bɔ̀n nɛ.

Izayii 16:6

Zudaa minin man pii: Wɔ́ Moabu a din gole kɔ boo ma, a din koa nɛ, a din narɛɛ nɛ, a yiri koa ma din-a nɛ. A bɛ́ boo mɛn yii diɛ, boo fofolo ne.

Izayii 23:9

Dɛnaa Lawa Pàãyiidɛnaa na á golee bɛ li, màn mɛn bɛ́ toɛ a din koa wolen kɛn gisĩ, a kanaa a min dadaraan kɛn yii puusə kɔ.

Zeremii 13:8

Dɛnaa Lawa tɔn boo da ma-n kəni á pɛ:

Zeremii 25:18

A na á n giala kɔ Zeruzalɛmu ganaa, ka Zudaa kiwi kɔsɔn nɛ, ǹ kiin laanka ǹ nyɛɛnaandɛnan nɛ. Bɛa kiwin lɛn nə́ kɛbɔlɔn baa, bǎã bɔbɔnɛɛn lɛa. Kɛ doamaa nɛ a ǹ kaa nyɛ́ɛbaa ǹ lɛ-dɛ gole ganaa, a sii a kɔnboe baa lɛ ǹ baraa bíi a paǹ li. Bɛ lɛ n ke n zɛnɛɛ pelo.

Zeremii 48:29

Wɔ́ Moabu a din gole kɔ boo ma. A din gole kɔ la yii ni, a din narɛ kɛ nɛ, a foo doa a din ganaa nɛ, a yaa wɔ minin ganaa nɛ, ka a din koa nɛ!

Ezekieli 16:50

Maǹ nə́ n dinin saa lon, sii mɛn bɛ́ bɔbɔnɛɛ ma yii li, maǹ nə́ bɛ zɛnaa. Bɛ lɛ na á toa má ǹ dɛ má ǹ bɔ kanaa ka n yii bɛ́ a ganaa lɔn.

Ezekieli 16:56

N din-koa lɛ a waáraa, táa ma nə n goã n dɔɔ̃nlɔ Sodɔmu lɛ piɛ̃ boe.

Lawa a wúlu-bɔlen 26:19

Pàã mɛn lɛ á ke toɛ ka a n dinin koɛ, masɛ á die bɛa pàã kɛ lɛ nyɛɛ. Ma á re lon laɛ ka ganaa ka fɔlɔ bɛ́ lɔn, ma tán laa ka ganaa ka zan bɛ́ lɔn.

Nahumu 2:2

Á ke, sɔraasin nə́ ke die n gialaa Ninivu: N kungɔnɔn lɛduə̃, n doa n ziin gialaa n yɔrɔ bɔ ziabaa taman yii, n pàã tumaa sɔkɔn.

Sofonii 3:11

Bɛa pinaa lɛ nɛ, maa zaman sii baraa mɛn tumaa zɛnaa, ǹ sii woo sii zɛnaa masɛ nɛ, bɛa sìi ba re ǹ kuĩ doo wa. Bɛa biikoo li kəni, min mɛn tumaa bɛ́ ka bii ǹ nə́ n dinin gole koe, ma á re bɛn lui ma ǹ bɔ ka bii, nsɛ, maa zaman, n tɔ nə n din gole kɔ kɛ kaa kəni, n bɔ maa kele sonbore kɛ la.

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»