Zeremii 13:23 - LAWA A BOO SONBORE

²³ Etiopii min tá boe la a n gɔ̀nɔn ki bɔyaa? Goe á boe la a na a sisiabaa kɛ bɔ a din ganaa? Haayii! Kasɛn mɛnɛn dɔn lɛ mui ka sii baraa zɛnaa nɛ, ka ǹ siɛ lɔn ka boo sii bǐɛ̃ zɛnaa la.

LAWA A BOO SONBORE 2011

²³ Etiopii min tá boe la a n gɔ̀nɔn ki bɔyaa? Goe á boe la a na a sisiabaa kɛ bɔ a din ganaa? Haayii! Kasɛn mɛnɛn dɔn lɛ mui ka sii baraa zɛnaa nɛ, ka ǹ siɛ lɔn ka boo sii bǐɛ̃ zɛnaa la.

Zeremii 13:23 ပူးပေါင်းရင်းမြစ်များ

Kiin2 17:40

Sɛnɛ ǹ nə n too kɔ wa. Ǹ nə́ woo nyɛɛnɛ ka ǹ lɛlɛ a sii zɛnaa ǹ gɔn nɛ.

Suusun 27:22

Ta n baãnaa zũ ka ǹ bɛ́ wii zuĩ lɔn, a baãnaabaa lɛ n damaɛ a ki ganaa.

Boo-laakalaali 1:15

Màn mɛn bɛ́ pusii ni, bɛ ba boe la a n tele wa. Màn mɛn bɛ́ a banban, bɛ ba boe la a n nimi wa.

Izayii 1:5

N mìi tumaa n busulɛ lɛa, n foo tumaa zɔzɔɔ. Man die boe la ma n dɛ n paǹ mɛn kɔsɔ-a doo nsɛ mɛn bɛ́ tɔn nə n gòãn dii gɔ́ɔ̃ nɛ?

Zeremii 17:9

Màn kɔn ba baraa á dɔ minbuiin nɛ foo li wa. Min kɔn ba boe la a na a kaka kɔ wa, min kɔn ba doɛ̃ a nya wa.

Zeremii 2:22

Haalɛ ta n nə́ n zoo ka sɔmaa nɛ, ta n nə́ n zoo ka sɔmaa gigiã nɛ, n sii baraa kɛ n ma yɔrɔ kɛnɛn, ka *gɔ̀ bɛ́ lɔn. Dɛnaa Lawa a da ǹ boo ne.

Zeremii 2:30

Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Zeremii 9:5

Kakaarɛbaa woo kakaarɛbaa. Soɛ woo soɛ. Maǹ nə n piɛ̃ ǹ ba ma doɛ̃ wa. Dɛnaa Lawa a da ǹ boo ne.

Samayeli1 19:21

Ǹ ná a boo da Sayulu ni, á min kɔsɔn dia, ǹ dɔn nə́ bɔ ǹ nə́ kaa Lawa a boo gii-dali baa ǹ siin la ǹ nə́ ǹ zɛnaa. Sayulu minin dia, a sɔɔbaa ǹ wɔ; ǹ dɔn nə́ kaa la, ǹ nə́ Lawa a boo gii-dalibaa ǹ siin zɛnɛɛ.