Zeremii 13:21 - LAWA A BOO SONBORE

²¹ Ń giaárabaa zɛnaa ka ǹ tɛnɛn nɛ ǹ lɛ mui ni. Ǹ mɛn pinaa bɛ̀ ǹ nə́ n bɔyaa, maǹ die n diɛ ǹ pàã giulun, n nə n die wàa boo diɛ? N nə n die fuu yii ka lɔ nɔɔrɔ kɔle bɛ́ lɔn.

LAWA A BOO SONBORE 2011

²¹ Ń giaárabaa zɛnaa ka ǹ tɛnɛn nɛ ǹ lɛ mui ni. Ǹ mɛn pinaa bɛ̀ ǹ nə́ n bɔyaa, maǹ die n diɛ ǹ pàã giulun, n nə n die wàa boo diɛ? N nə n die fuu yii ka lɔ nɔɔrɔ kɔle bɛ́ lɔn.

Zeremii 13:21 ပူးပေါင်းရင်းမြစ်များ

Kiin2 16:7

Ahaazi minin dia woe pii Asiirii gána a kii Tiglati-Falasaara-n kɛnɛn: «Masɛ nə n dí-nyali lɛa, ma nə n nɛ lɛa. Siirii gána a kii laanka Izirayeli gána kii ke, ǹ nə́ yoo masɛ gialaa, da ma si ǹ la.»

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Izayii 13:8

Nyɛ́ɛ nə ǹ ganaa. Busii tɔrɔ tumaa nə ǹ ganaa. Maǹ nə n birikəĩ tán, ka lɔ nɔɔrɔ-kɔle bɛ́ lɔn. Maǹ giɛ kɔn-a, ǹ gɔ́ɔ̃ n wɛɛ̃ nɛ, ǹ yɔrɔ n tɛ lɛa.

Izayii 21:3

Bɛ lɛ nɛ, ma kii á busi, ma nɔmaa maa nɛ, ka lɔ bɛ́ lɔn nɔɔrɔ koe. Là paparɛɛ la ma yii ni ma too a màn kɔn miɛ wa, nyɛ́ɛ la ma yii ni ma yii a màn kɔn yii wa.

Zeremii 2:25

Izirayeli, yiri bɔ. N bɛ baa sii n dìn mɛnɛn kio ke, n tá re nɔmɛɛ, n bɔlɔ gɔ́ɔ̃ laa. Sɛnɛ, ń pɛ: «Sàabaa ba la wa, dì kɔsɔn man kɔɔ̃n ma ganaa. Man zoɛ̃ li ma wo ǹ kio.»

Zeremii 22:23

Sisia, ma n giã-n Liban daã nɛ, ń kii dɔ sɛdrə dan la. Sɛnɛ, bɛ̀ là paparɛɛ daa n tɔwaa, n tá re gini, ka lɔ bɛ́ lɔn nɔɔrɔ koe.

Zeremii 30:6

Ka nɔ̀n da minin la, ka ga a ganaa: Giĩ á boe la a nɛ yɛ? A da yaa, ma yii n giĩn tumaa ganaa, ǹ gɔnɔn nə́ ǹ kii la ka lɔ bɛ́ lɔn a nɛ yɛ waáraa, ǹ yɔrɔ n ziziɛ̃ nɛ.

Zeremii 38:22

Lɔn mɛnɛn tumaa bɛ́ re goɛ̃ kii kion lɛ nɛ, ǹ tá re ǹ tumaa goɛ ǹ wo ǹ ne Baabilonii gána nyɛɛnaandɛnan yɔrɔ-a, ǹ loe lɔ bɛ̀ ǹ tá n tɔ pii: Ǹ nə́ n sã taãn-taãnɛ, n giaára sonboren lɛn! Ń bɛ́ ń paraa bɛrɛɛ li ǹ mɛn waáraa, ǹ nə́ n la bɔ n ganaa!

Zeremii 4:30

Sɛnɛ, nsɛ Zeruzalɛmu ke ń ziziɛ̃, ma n wàa zɛnɛɛ? Ń mɔnaa sonbore wɔ, ka nyaǹ mànan nɛ sana lɛa. Ń kala lɔ n yii li n nə́ n din siĩn koe ne. Sɛnɛ, n din zɛnaa kɛa là banban. N sanan manə n pɔpɔsɛ, maǹ giɛ n gɛ̀ li.

Zeremii 4:31

Sonbore, ma á lɛ-dɛ miɛ̃, ka lɔ nɛ-yɛli bɛ́ lɔn, lɔ ten a lɛ-dɛ lɛa, a gɔ́ɔ̃ yii bibinaa nɛ yii. Siɔn kiwi a lɛ-dɛn manɛ. A n gini, á n gɔnɔn lɛ boe: «Aba! Man giɛ̃ gɛ̀-dɛlin mandɛ gɔn.»

Zeremii 48:41

Ǹ nə́ Keriyɔti kiwi kũ, Bǎãn mɛnɛn bɛ́ tamaa nɛ, ǹ nə́ bɛn si la. Nyɛ́ɛ n Moabu a zia-baali foo-taãn-an ganaa ka lɔ bɛ́ lɔn a nɛ yɛ biikoo li.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Zeremii 6:24

Wɔ bɛ́ wɔ bɛa kibərə lɛ ma, wɔ foo ziziɛ̃, nyɛ́ɛ wɔ kũ, wɔ n nɔmaa nɛ ka lɔ bɛ́ lɔn a nɛ yɛ biikoo li.

Ezekieli 28:9

Min mɛn lɛ bɛ́ re n dii, n yii a we n pɛ mà nsɛ n Lawa lɛa? N nə n minbuiin nɛ lɛa, n bie Lawa lɛa min kɛ lɛ gɔn die n foɛ̃ wa.

Matiə 24:8

Bɛ din tumaa ná a giala kɔ ǹ gɔn lɛa, ka lɔ a nɔɔ̀rɔ kɔ ǹ gɔn bɛ́ lɔn.

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.