Zeremii 13:14 - LAWA A BOO SONBORE

¹⁴ Man die ǹ totoe kɔn nɛ, díi laanka nɛ, Dɛnaa Lawa a da ǹ boo ne. Sabarabaa ba a-n wa. Min kɔn makara á re ma kuĩ wa. Sàabaa ba la wa, man die ǹ bɔ̀n biɛ.»

LAWA A BOO SONBORE 2011

¹⁴ Man die ǹ totoe kɔn nɛ, díi laanka nɛ, Dɛnaa Lawa a da ǹ boo ne. Sabarabaa ba a-n wa. Min kɔn makara á re ma kuĩ wa. Sàabaa ba la wa, man die ǹ bɔ̀n biɛ.»

Zeremii 13:14 ပူးပေါင်းရင်းမြစ်များ

KZS2 20:23

Amɔn minin laanka Moabu minin nə́ yiɛ Seyiri kele yii minin gialaa, ǹ nə́ ǹ dɛ yǎa á woo ǹ giala nyɔmiɛ̃ yaa. Bɛ kio, ǹ dinin nə́ n bɔyaa kɔn li ǹ tá kɔn dii.

Zɔbu 27:22

A n kiɛ diɛ a din lɛ la, makara din ba a-n wa. A dɔ nə n doɛ á baa sii, mà kiɛ baran asɛ kũ wa.

Loen 2:9

Pàã mɛn bɛ́ kaka ka fɔlɔ nɛ, n tá re bɛ nyɛɛ ǹ nɛ, n tá re ǹ yɔyɔrɛ ka gì donkolon bɛ́ lɔn.

Izayii 27:11

Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Zeremii 15:5

Dɛnaa Lawa pɛ: Die n die makara boe n ganaa doo Zeruzalɛmu? N sii n die busi die ganaa? Die n die n din nɔmɛɛ a nɔ̀n da n li? Min kɔn!

Zeremii 15:6

N din nə n ma toa walan, Dɛnaa Lawa a da ǹ boo ne, n nə n dɔ̀ɔ̃ wɔ ma nɛ. Bɛ lɛ nɛ, ma yoo n gialaa, ma n ziziɛ̃. Má makara bɔ n ganaa ma nɔmaa.

Zeremii 16:5

Dɛnaa Lawa wusoo á boo da ma-n doo á pɛ: «Minin bɛ́ ń soekɔn gɛ̀ koɛ kion mɛn nɛ, n nyan wɔ bɛ-n wa. N nyan gɛ̀ wuu pɛ wa. N nyan gɛ̀ fòo da wa. A giala, má maa là nyantoro laanka maa kɔn-narɛɛ ka maa makara doɛ̃ lɛ si maa zaman la. Masɛ Dɛnaa Lawa a da ǹ boo ne.

Zeremii 21:7

Bɛ kio, ma á re Zudaan kii Sedekiasi we Baabiloniin kii gɔn, ka a gána nyɛɛnaandɛnan nɛ. Kiwi lɛ a minin mɛnɛn yii goã koo piɛ̃ busu laanka zia ka bòo kɛ kio, ma á re bɛn dɔn we a gɔn. Ma á re ǹ kiɛ ǹ zɔ́ɔn pàã giulun, ǹ mɛnɛn lɛn bɛ́ zoɛ̃ ǹ gɛ̀ li. Nebukadenezɔɔrɔ á re ǹ dii ǹ gã. A re ǹ makara doɛ̃ wa, a re sabara biɛ wa, a re min kɔn toɛ a yii n koo wa.» Dɛnaa Lawa a da ǹ boo ne.

Zeremii 25:16

Ǹ tá re mii, ǹ bɔ ǹ mɛnaa. Ma bɛ́ re basaã mɛn koe ǹ bii, bɛ̀ ǹ yii bɛ yɛ, gàãn tá re yui ǹ li.»

Zeremii 47:3

Sùin gòã wuu n boe, ziabaa ǹ wotoron wuu n boe, Ǹ gòã wuu n nyɛ́ɛ diɛ. Díin foo ziziɛ̃, ǹ ba giɛ ǹ nɛnyaanan walan doo wa.

Zeremii 48:12

Dɛnaa Lawa pɛ: – Bɛ lɛ nɛ, biikoo á die, man die minin diɛ, ǹ da saa n da màn kɔsɔ nɛ. A bɛ́ doon mɛnɛn nɛ, ǹ tá re binyii ǹ bɔ walan, ǹ bɛa doon lɛn yuyu. Dɛnaa Lawa a da ǹ boo ne.

Zeremii 6:21

Dɛnaa Lawa bɛ́ boo mɛn diɛ, á ke: Man die màn koɛ tán zaman kɛ nyɛɛnɛ, a ǹ bɔ a ǹ kaa. Ǹ tumaa á re giɛ̃ kun, díin laanka nɛnyaanan nɛ, miãkɛn laanka giaáran nɛ.

Busii pɛ 2:21

Nɛnyaanan laanka min zizin tá nyɔmaa-n tán zii mìi ni. Ǹ nə́ maa nɛ tenən laanka maa nɛlɔn dɛ ka gɔya sa nɛ. N foo yoo baraa kɛa pinaa, ma n nə́ ǹ dɛ, n nə́ ǹ nyin bɔ, ǹ makara ná a bɔ n ganaa wa.

Ezekieli 24:14

Ma din Dɛnaa Lawa má pɛ. Man die zɛnɛɛ dɔn, màn ná a ba n boe lɛ wa. Ma á re makara boe n ganaa wa, ma a re wusii ka ma kio dɔ-n wa. Ǹ tá re kiri we ka ganaa a kɔnpɛ ka kaa tɔ wɔ ǹ gɔn laanka kaa zɛnaa ǹ siin ni. Ma din Dɛnaa Lawa a da ǹ boo ne.

Ezekieli 7:3

Sisia kəni, kaa wɔ nya. Man die die ka gialaa ka ma foo ne, ma kiri kuru ka la a kɔnpɛ ka kaa zɛnaa ǹ siin ni, ma kaa sii bɔbɔnɛɛn kɛn tumaa a dɔlɔ da ka mìi ni.

Ezekieli 7:4

Ka makara a die ma kuĩ, ma ka toa walan wa. Ka sii mɛn zɛnaa, man die bɛ lɛ a dɔlɔ diɛ ka mìi ni. Kaa sii bɔbɔnɛɛn kɛn lɛn dɔlɔ á re kuĩ ka dinin mìi ni. Ka á re doɛ̃ ka bɛ lɛ-n kəni, mà masɛ din nə Dɛnaa Lawa lɛa.»

Ezekieli 7:9

Ka makara a die ma kuĩ ma ka toa walan wa. Ka sii mɛn zɛnaa, man die bɛ lɛ a dɔlɔ diɛ ka mìi ni. Sii bɔbɔnɛɛn kɛn lɛn dɔlɔ á re kuĩ ka dinin mìi ni, kaa á re doɛ̃ ka bɛ lɛ-n kəni, mà masɛ Dɛnaa Lawa din nə dɔlɔ boe.

Ezekieli 8:18

A bɛ́ miɛ̃, ma dɔ n die dɔlɔ boe ǹ ganaa ka ma foo ne. Ǹ makara a die ma kuĩ, ma ǹ toa walan wa. Ta ǹ nə́ n lɛ dɛ ma kio kɔsɛkɔsɛ, masɛ a re n too koe ǹ lon wa.»

Ezekieli 9:10

A bɛ́ miɛ̃, min makara a die ma kuĩ ma bɛ toa walan wa. Masɛ á die kaa zɛnaa ǹ sii lɛ a dɔlɔ diɛ ka mìi ni.

Ezekieli 9:5

Má Dɛnaa Lawa lɛ ma pii gialakunun kɛn dɔn manɛ: «Ka kiɛ̃ ka kɔ a kio lɛ, ka kiwi minin lɛn dɛ. Ka nyan toa min makara ka kũ, ka toa walan wa.

Ozee 2:4

Ka kiri wɔ kaa náa lɛ ganaa, ka kiri wɔ a ganaa taãn-taãnɛ. A giala, a ba maa wɔ lɛa doo wa, ma dɔ ba a dɔ wɔ lɛa doo wa. A kɔrɔbaa ǹ nyaǹan kɛn a yɔrɔ nɛ, yǎa a bɛn tuturi. A naarɛbaa ǹ mànan kɛn a bɔlɔ-a, yǎa a bɛn wɛɛ.

Zakarii 11:6

Dɛnaa Lawa a da ǹ boo á ke: – Gána lɛ a minbuiin nɛn makara a re ma kuĩ doo wa. Man die didie diɛ ǹ miãkɛn a pàã giulun, ka ǹ kii ni. KIIN tá re ǹ gána ziziɛ̃ lenlen. Min kɔn ba re kanbiɛ ǹ ganaa wa.

Matiə 10:21

Minin tá re ǹ dinin dɔɔ̃nɔn koe pàã gɛ̀ la, díin tá re zɛnɛɛ ǹ nɛnyaanan manɛ miɛ̃, nɛnyaanan tá re n bɔyɛɛ ǹ yɛ wolen li ǹ nə ǹ kɔ pàã gɛ̀ la.

Marki 13:12

Minin tá re ǹ dinin dɔɔ̃nɔn koe pàã gɛ̀ la, díin tá re zɛnɛɛ ǹ nɛnyaanan man miɛ̃. Nɛnyaanan tá re n bɔyɛɛ ǹ yɛ wolen li, ǹ nə ǹ kɔ pàã gɛ̀ la.

Timəə dí-pɛn 29:20

Dɛnaa Lawa á re niɛ a bɔ Izirayeli minin lɛn tumaa ganaa, a dɔlɔ bɔ a ganaa, a kɔnpɛ ka lɛ kɔ kɔn la lɛ a dɔlɔ tumaa nɛ, ǹ mɛnɛn boo bɛ́ kiɛ̃ nɛ dí-pɛn sɛ́wɔ kɛ nɛ.

Samayeli1 14:16

Gibeya kiwi, Bɛnzamɛn tɔrɔn tán la, Sayulu a bǎã-lɛduə̃lin lɛn kɔnɔn nə́ goã walan. Ǹ bɛ́ giɛ, bɛ̀ Filisiti minin lɛn bɛ́ sawɛɛ n lɛ koe bǎã yii ni.