Zeremii 12:2 - LAWA A BOO SONBORE

² Ń nə́ ǹ zumu, ǹ gòonən nə́ wɔ tán, ǹ nə́ gole kɔ ǹ nə́ nɛ kɔ. Ń tɔ nə ǹ lɛ-n biikoo yii li, sɛnɛ, ǹ foo wɔlɔ n sɔsɔɔ n ganaa.

LAWA A BOO SONBORE 2011

² Ń nə́ ǹ zumu, ǹ gòonən nə́ wɔ tán, ǹ nə́ gole kɔ ǹ nə́ nɛ kɔ. Ń tɔ nə ǹ lɛ-n biikoo yii li, sɛnɛ, ǹ foo wɔlɔ n sɔsɔɔ n ganaa.

Zeremii 12:2 ပူးပေါင်းရင်းမြစ်များ

Zɔbu 24:12

Kiwi gɔ́ɔ̃ nɛ, minin manə n dinin didii, là paparɛɛ wolen manə n lɛ didii, Lawa dɔ ba n too koe ǹ nyankɔ li wa.

Zɔbu 5:3

Ma bin yiriwɛɛnaa yɛ a gòãn nə́ doa. Bǎã goon ne, má lɛn baraa bíi a kion li.

Loen 37:35

Má min baraa yɛ a din a kakabaa nyɛɛ. N din nyɛɛ lon ka woren ka da gole kɔn nɛ.

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 3:10

Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.

Zeremii 45:4

Dɛnaa Lawa boo mɛn da n wɔ paǹ li, bɛ á ke kəni: Ma màn mɛn dɔ, man bɛ wurii, ma màn mɛn zumu, man bɛ wɛ̃, man zɛnɛɛ miɛ̃ gána lɛ tumaa nɛ.

Ezekieli 33:31

Ǹ tá re die ma li ka zaman kɛa lɛsɔkɔn pinaa bɛ́ lɔn. Maa minin lɛn tá re die giɛ̃ tán ma yɔrɔ-a. Ǹ tá re n too koe maa boon li, sɛnɛ, ǹ ba re ǹ sii wa. A giala, boo kɔɔ̃n nə soe ǹ lɛ-n, sɛnɛ, ǹ foo kɛ nɛ, maǹ nə ǹ dinin là kio.

Ozee 7:14

Ǹ bɛ́ n lɛ mɛn dii ma li ke, bɛ̀ ǹ nə n duduwəə ǹ piìn la, taãn bie wa. Maǹ nə́ n kiɛ kun, màn mɛn bɛ́ toɛ ǹ *belee laanka duvɛ̃ yɛ. Sɛnɛ ǹ nə́ wusoo ǹ nə́ n bɔ ma kio.

Abakuku 1:13

N yii a sonborebaa á gole sii baraa a ga ma-a ganaa. N ba lɛ koe sii baraa ganaa wa. Sɛnɛ, min mɛnɛn bɛ́ ǹ miãn siɛ̃, ma nə n lɛ tiɛ̃ n tá giɛ bɛn ganaa. Bɛ̀ min baraan tá basaã koe min sonboren manɛ, n ba boo diɛ wa.

Matiə 15:8

Lawa pɛ: «Minin kɛn man ma guguru koe ka ǹ lɛ nɛ, sɛnɛ, ǹ gɔ́ɔ̃ wɔlɔ á lui-n ma ganaa.

Marki 7:6

Yezu tɔ́n pɛ ǹ nɛ: – Gɔ́ɔ̃ tì-an kɛn, Izayii lon á Lawa a boo gii da kaa wɔ paǹ li, ka a bɛ á n kiɛ̃ kɛnɛn lɔn: «Lawa mà minin kɛn man ma guguru koe ka ǹ lɛ nɛ, sɛnɛ, ǹ gɔ́ɔ̃ wɔlɔ á lui-n ma ganaa.

Tiitii 1:16

Maǹ pii mà ǹsɛn tá Lawa doɛ̃, sɛnɛ, ǹ sii-zɛnaan man piã ka Lawa nɛ ǹ siin lɛa. Ǹ tìĩ n boe ne, maǹ piã-wɔlen lɛa, ǹ ba boe la ǹ tá sii sonbore kɔ́n zɛnɛɛ wa.