Zeremii 12:13 - LAWA A BOO SONBORE

¹³ Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

LAWA A BOO SONBORE 2011

¹³ Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

Zeremii 12:13 ပူးပေါင်းရင်းမြစ်များ

Loen 78:62

A foo yoo a minin lɛn li, á toa ǹ nə́ ǹ dɛ ka gɔya sa nɛ.

Izayii 55:2

Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 4:26

Man giɛ, á ke, gána sonbore lɛ diə gole baa. Ǹ ná a kiwin tumaa ziziɛ̃. Dɛnaa Lawa a lɛa nɛ, ka a foo-yoo baraa kɛ nɛ.

Zeremii 9:5

Kakaarɛbaa woo kakaarɛbaa. Soɛ woo soɛ. Maǹ nə n piɛ̃ ǹ ba ma doɛ̃ wa. Dɛnaa Lawa a da ǹ boo ne.

Ozee 8:7

Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

Lawa a wúlu-bɔlen 26:16

Bɛa biikoo li, masɛ dɔ n die kɛ zɛnɛɛ ka nɛ: Man die toɛ gɔ̀nɔn-woɛ̃ ka kũ, ka pɛrɛ, bɛ lɛ nyɛ́ɛ dɛ a wurəə ka ganaa. Bɛa busun lɛn tá re kaa ga ǹ gɔn ziziɛ̃, ǹ ka pàã nya. Ka màn mɛn da kaa wuru-n, kooro ne. Kaa zɔ́ɔn man die bii.

Lawa a wúlu-bɔlen 26:20

Ka pàã n die nyɛɛ kooro. Ka a re tán dí nyɛɛ ka màn kɔn yɛ a-n doo wa, gána lɛ a dan dɔn ba re nɛ koe doo wa.

Misee 6:15

Kasɛn kɛn, ka á re màn diɛ kaa wuru-n, sɛnɛ, ka n ka a re kuri wa. Kasɛn kɛn, ka á re *olivie nyɔɔ boe, sɛnɛ, ka n ka a re loe ka ganaa wa. Ka á re rezɛ̃ mu boe, sɛnɛ, ka n ka a re a duvɛ̃ mii wa.

Abakuku 2:13

Á ke, minbuiin nɛn dí tumaa n die n gɔn nyɔmiɛ tɛ-n. Minbuiin nɛn man nɔmaa kooro we. Bɛ tumaa bie boe Dɛnaa Lawa Pàãyiidɛnaa din li wa?

Azee 1:6

Kaa màn diɛ mɔnaa, sɛnɛ kaa kaa-piɛ siĩn kɔ wa. Ka n màn bii, sɛnɛ kaa kiɛ̃ wa, ka n màn mii, kaa mu boro dɔ a nyɛɛ wa, ka n mɔnaa we sɛnɛ a kaa nyan nyɛɛ wa, ka n saraa yii, sɛnɛ a n woe zéwo giala koo-a nɛ.

Azee 1:9

Ka yiri na á goã màn gigiã ganaa, sɛnɛ ka n ka màn boɛɛn yɛ. Ka màn mɛn yɛ ka kaa dɔǹ nɛ, má piɛ̃ pɛ a ganaa a yii papaã. Wàa na á baa má bɛ zɛnaa miɛ̃? Dɛnaa Lawa Pàãyiidɛnaa n nɔ̀n diɛ. A giala ka ǹ giɛ ka dinin kionən walan, maa kion lɛ n kɛbɔlɔbaa nɛ.

Rɔmu minin 6:21

Ka ǹ ká wàa là yɛ kəni? Pelo, bɛa siin kɛn lɛn man sìi diɛ ka ganaa, a giala, ǹ giala-nyɔmiɛ n ka gɛ̀ nɛ.

Timəə dí-pɛn 28:38

Ka á re màn tɔrɔ gigiã diɛ wuru-n, sɛnɛ, ka a re màn taãn kuri a-n wa. A giala, bisinin man die a tumaa ziziɛ̃.