Zeremii 12:12 - LAWA A BOO SONBORE

¹² Diə gole a kele mìi kooro-an kɛn tumaa la, basaã-kɔlen man die. Dɛnaa Lawa màn tumaa ziziɛ̃ a kũ gána paǹ goon kɛ ganaa a wo a paǹ kɔsɔ kɛ yaa. Yii-nyɛɛ banban min kɔn wɔ lɛa wa.

LAWA A BOO SONBORE 2011

¹² Diə gole a kele mìi kooro-an kɛn tumaa la, basaã-kɔlen man die. Dɛnaa Lawa màn tumaa ziziɛ̃ a kũ gána paǹ goon kɛ ganaa a wo a paǹ kɔsɔ kɛ yaa. Yii-nyɛɛ banban min kɔn wɔ lɛa wa.

Zeremii 12:12 ပူးပေါင်းရင်းမြစ်များ

Izayii 34:6

Dɛnaa Lawa a gɔya sa n mà lɛa, a n nyɔɔ lɛa, sère ten laanka butumun mà lɛa, sère gɔ̀lɔ̀ dɔ̀ɔ̃ koron nyɔɔ lɛa. Bosraa kiwi gole kɛ nɛ, Dɛnaa Lawa *wúlu màn yɔrɔ bɔ: Basaã gole-n Edɔmu gána wɔ lɛa.

Izayii 57:21

Maa Lawa pɛ: «Yii-nyɛɛ goon din banban min baraan wɔ lɛa wa.»

Zeremii 15:2

Bɛ̀ minin nə́ nɔ̀n da n la mà ǹsɛn doamaa nɛ ǹ wo maa, n die nə ǹ lɛ si kɛnɛn: «Dɛnaa Lawa n kɛ pii: Min mɛnɛn doamaa bɛ nɛ ǹ gã ka piɛ̃ busu ni, bɛn man die giɛ̃ ka piɛ̃ busu ni. Min mɛnɛn doamaa bɛ nɛ ǹ gã zia la, zia n die bɛn dii. Min mɛnɛn doamaa bɛ nɛ ǹ gã bòo ne, bɛn man die giɛ̃ bòo gɔn. Min mɛnɛn doamaa bɛ nɛ ǹ wo bɛ̀rɛbaa ǹ bǎã nɛ, ǹ tá re bɛn dɔn goɛ ǹ wo ǹ ne.»

Zeremii 16:5

Dɛnaa Lawa wusoo á boo da ma-n doo á pɛ: «Minin bɛ́ ń soekɔn gɛ̀ koɛ kion mɛn nɛ, n nyan wɔ bɛ-n wa. N nyan gɛ̀ wuu pɛ wa. N nyan gɛ̀ fòo da wa. A giala, má maa là nyantoro laanka maa kɔn-narɛɛ ka maa makara doɛ̃ lɛ si maa zaman la. Masɛ Dɛnaa Lawa a da ǹ boo ne.

Zeremii 25:11

Gána lɛ din kuturu á re kɛbɔlɔ biɛ, bǎã bɔbɔnɛɛ lɛa. Tɔrɔn kɛn tumaa n die goɛ̃ Baabiloniin kii a pàã giulun yǎa lɛ̀ pɔsɔbaa.»

Zeremii 3:2

N yii saa lon, n nə n yɔrɔ dia tentenen kɛn la n ga. Tenten goon din tá yii ǹ bii mà n nə n naarɛbaa zɛnaa la wa? Ka diə gole a mu gòo-kɔlin bɛ́ lɔn, N nə́ n goã giã-n tán zii lɛkoro-a, n yii diɛ n sanan la. Ń gána lɛ gɔgɔrɛ kɔ ka n kɔrɔbaa kɛ nɛ, ka n giã ǹ gɔn baraa nɛ.

Zeremii 3:21

Lɛ-dɛ n boe kele mìi ni, Izirayeli minin manɛ. Maǹ wuu pii ǹ nə́ gú diɛ. A giala, maǹ nə́ zii baraa saa, ǹ yiri bɔ ka Dɛnaa Lawa, ǹ Lawa nɛ.

Zeremii 30:5

«Dɛnaa Lawa n kɛ pii: Wɔ́ nyɛ́ɛ baa ǹ lɛ-dɛ ma, nyɛ́ɛ gole ne, bǐɛ̃ bie wa.

Zeremii 34:17

Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

Zeremii 4:27

Dɛnaa Lawa bɛ́ boo mɛn diɛ, á ke: Gána lɛ tumaa á re n bɔyɛɛ a diə gole baa, sɛnɛ, ma a re ziziɛ̃ lenlen wa.

Zeremii 46:10

Sɛnɛ, bɛa lɛawaa lɛ n dɔlɔ lɛawaa lɛa Dɛnaa Lawa Pàãyiidɛnaa din yii li. A n die a gɛ̀ dòo boe a zɔ́ɔn ganaa. Gɔya sa n gɛ̀ dii, yǎa a kã kiɛ̃ ka mà nɛ. Bɛ n *wúlu màn lɛa Dɛnaa Lawa Pàãyiidɛnaa wɔ lɛa, gɔsɛ a lɛ̀gɔn la ǹ gána nɛ, Efrati tà lɛ-a.

Zeremii 47:6

Ka n pii: «E! Dɛnaa Lawa a gɔya sa, yǎa biĩ kəni n tɔ nə n susui? N dɔ n kii ni, n giã kiĩni, n nyan sii kɔn zɛnaa doo wa.»

Zeremii 48:2

Màn mɛn bɛ́ Moabu diɛ din koa ganaa, bɛ́ papaã. Minin man koe yɔrɔ boe Ɛsibɔn ganaa, ǹ nə́ pii: «Ka daa wɔ kiwi kɛ yu, wɔ bɔ tɔrɔn bii!» Nsɛ dɔ Madmɛn, ǹ tá re n diɛ lɛ tã ganaa, ǹ tá re n bɔ̀n biɛ ka zia nɛ.

Zeremii 8:15

Wɔ nə n yii diɛ là nyantoro la, sɛnɛ, sii sonbore kɔn ba n zɛnɛɛ wa. Wɔ nə n yii diɛ busu á nya la, sɛnɛ, nyɛ́ɛ n die.

Busii pɛ 3:17

Á yii-nyɛɛ si ma la. Ma yiri bɔ ka là nyantoro ne.

Ezekieli 14:17

«Ma á boe la dɔn ma zia yiɛ ma kaa gána lɛ a minin ganaa, ma pɛ zia nɛn lɛn manɛ, máa ǹ wɔ gána lɛ nɛ, ǹ minbuiinin laanka tɔɔn dɛ.

Ezekieli 21:28

Zeruzalɛmu minin man die bɛa dí kɛ lɛ biɛ soɛ lɛa. A giala, minin nə́ goã ǹ nə́ n lɛ kɔ ǹ la, mà ǹsɛn tá re n doe ǹ lɛ. Sɛnɛ, mà ǹ tá re woe bɛ̀rɛbaa ǹ bǎã nɛ, mà bɛ á re ǹ yiri diɛ ǹ sii baraa lɛ nɛ.

Ezekieli 21:4

Min tumaa á re doɛ̃ kəni, mà masɛ Dɛnaa Lawa din ni ma tɛ lɛ da, min kɔn dɔ a re boe la a nimi wa.»

Ezekieli 21:8

A pɛ Izirayeli gána nɛ, mà masɛ Dɛnaa Lawa a da ǹ boo á ke: «Masɛ Dɛnaa Lawa n die n gialaa. Ma á re maa gɔya sa woɛ̃, ma min peperen laanka min baraan waa, ma ǹ bɔ gána lɛ nɛ.

Ezekieli 21:9

Ma bɛ́ re min peperen laanka min baraan wɛɛ ma ǹ bɔ a nɛ, bɛ lɛ na á toa ma á re maa gɔya sa lɛ woɛ̃ min tumaa li, a saa gusin a lɛ̀gɔn la ganaa, a wo gɔsɛ a lɛ̀gɔn la yaa.

Ezekieli 5:2

Bɛ̀ Zeruzalɛmu nə n kũ biikoo mɛn li, n ka lɛ a talakɔn sɔɔ goon tã kiwi lɛ bii. A talakɔn sɔɔ lɛ a paabaa ǹ wɔ ke, n bɛ yawaa ka gɔya sa nɛ, n kiwi lɛ lɛnpɛnɛ nɛ. A talakɔn lɛ a sɔɔbaa ǹ wɔ ke, n die n bɛ pɛsɛ̃ piɛ̃ li, ma á re a kio lui ka maa gɔya sa nɛ.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Amɔɔsi 9:4

Ta ǹ nə́ woo bɛ̀rɛ baa ǹ zɔ́ɔn li, ma á re yui zia nɛ ǹ ganaa walan, ǹ nə ǹ dɛ. Man die n yii soe ǹ ganaa, ǹ ba re yii-nyɛɛ goon yii wa, yǎa bɔ́n!»

Sofonii 2:12

Kasɛn dɔn Etiopii minin lɛn man die ka bɔ̀n biɛ zia la!

Timəə dí-pɛn 32:42

Bɛ̀ maa gɔya sa kɛ tá ǹ siĩ gialaa ǹ mɛn waáraa, ma á re maa kiɛn kɛn goe ka mà nɛ ǹ mi, ǹ yii tii. Ma á re maa zɔ́ɔn lɛn goledɛnan mìi wɔsɛ kɔn. Gɔn nə min mɛnɛn kũ, ka kòso nɛn nɛ, ma á re bɛn mà kiɛ.»

Sii-nyaan 6:4

Sùi kɔsɔ soo gɔrɔ, a gɔ̀nɔn nə́ tã ka bonbon. Min mɛn bɛ́ á dii la, ǹ nə́ gɔya sa gole kɔ la, mà a boo la a wo zia pɛsɛ̃ tán la, ń giɛ minbuiinin tá kɔn dii ǹ gã.