Zeremii 11:17 - LAWA A BOO SONBORE

¹⁷ Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

LAWA A BOO SONBORE 2011

¹⁷ Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 11:17 ပူးပေါင်းရင်းမြစ်များ

Samayeli2 7:10

Ma din ni má bǎã kɔ maa zaman Izirayeli minin lɛn la. Ma á re ǹ gòãn woe tán walan, màn mɛn bɛ́ toɛ ǹ giã a nɛ, sii kɔn ná a nyɛ́ɛ diɛ ǹ ganaa wa. Min baraan kɛn ba re wusii doo ǹ fuu nyaa ǹ nɛ ka lɛlɛ wɔ kɛ bɛ́ lɔn wa,

KZS2 28:25

Á wúlu bɔ ǹ bǎãn dɔ Zudaa ganaa lɛ a kiwi gogoonmaa tumaa nɛ. Walan a n da yon gìĩ kɔɔ̃n tiɛ̃ lawa kɔsɔn wɔ lɛa. Ka bɛa yɔrɔ kɛ nɛ, a na á Dɛnaa Lawa, n digolon Lawa foo yoo.

Loen 44:2

Ee Lawa, n sii dadaran mɛnɛn zɛnaa lɛlɛ, wɔ digolon wɔa biikoo li, wɔ din ná a laakalaa wɔ nɛ, wɔ́ ma ka wɔ too ne.

Loen 80:15

Lawa Pàãyiidɛnaa, wusoo n daa kəni, sii mɛn bɛ́ n zɛnɛɛ, n toa lon, n ga n bɛ yɛ. N din sii kɔn zɛnaa, n da nɛ-kɔle kɛa lɛa.

Loen 80:8

Lawa Pàãyiidɛnaa, wusoo n barka wɔ wɔ nɛ, n wɔ kũ doɛ̃, wɔ á re kirisibiɛ.

Izayii 5:2

Á wuru lɛ kɔsɔ. Kɔlɔn mɛnɛn bɛ́ a nɛ, á bɛn waa, á da tɔrɔ sonboren zumu a nɛ. Á sanabolo dɔ a nɛ, bǎã-lɛduəlin wɔ lɛa, á rezɛ̃ mu bɔ ǹ bǎã fɔ̃. A na á goã n yii diɛ rezɛ̃ nɛ sonbore la. Sɛnɛ, *rezɛ̃ da lɛ nɛ mɛn kɔ, nɛ pipiã nɛ.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Zeremii 1:14

Dɛnaa Lawa tɔn pɛ ma-n kəni: Sonbore ne, koe n die n toɛ gɔsɛ a lɛ gɔn la, a da n kɔ gána lɛa zaman tumaa lɛ.

Zeremii 11:11

Bɛ lɛ nɛ, masɛ Dɛnaa Lawa á kɛ pii: «Á ke, man die koe diɛ ǹ la, ǹ bɛ́ ǹ ba re n boe ǹ mɛn nɛ wa. Bɛ̀ ǹ tá gú diɛ, ma a re n too koe ǹ lon wa.

Zeremii 11:13

Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃. Zeruzalɛmu a ziin bɛ mɔnaa-n lɔn kaa wúlu bɔ ǹ bǎãn kɛn sìi diɛ, bɛn dɔn man mɔnaa-n miɛ̃, kɛn lɛn ka n da yon gìĩ kɔɔ̃n tiɛ̃ ǹ ganaa dì *Baali wɔ lɛa.

Zeremii 12:2

Ń nə́ ǹ zumu, ǹ gòonən nə́ wɔ tán, ǹ nə́ gole kɔ ǹ nə́ nɛ kɔ. Ń tɔ nə ǹ lɛ-n biikoo yii li, sɛnɛ, ǹ foo wɔlɔ n sɔsɔɔ n ganaa.

Zeremii 18:15

A da yaa maa zaman yiri bɔ ma nɛ. Maǹ wúlu boe màn kooron ganaa. Bɛa màn kooron lɛn manə ǹ boe ǹ daɛ zii la, ǹ goã koe ziin mɛnɛn lɛ lɛlɛ, maǹ nə n boe n boe bɛn la, ǹ nə́ koe ziin kɔsɔn lɛ ǹ nə́ ǹ ba ǹ doɛ̃ wa.

Zeremii 18:8

Sɛnɛ, ma boo da sii baraan mɛnɛn paǹ li, bɛ̀ zaman lɛ bɛn kaa, ma goã má dɔlɔ mɛn boo da, ma dɔ á re bɛ toɛ walan.

Zeremii 19:15

– Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ma dɔlɔn mɛnɛn boo da kiwi kɛ wɔ paǹ li ka a lɛkoro-a kiwin ni, man die yui ǹ gialaa ka bɛn nɛ. A giala, kiwi minin lɛn mìi n laa nɛ. Maǹ nə n piɛ̃ ǹ ba n too koe maa da ǹ boon li wa.»

Zeremii 2:21

Sɛnɛ, man má goã má n zumu, ka *rezɛ̃ da sonbore bɛ́ lɔn, ka da mɛn bɛ́, da tɔrɔ sonbore lɛa. A na á saa lɔn, n nə́ n bɔyaa, ń don gɔ́ɔ̃ da baa, n nɛ n bɔnɛɛ?

Zeremii 24:6

Hiĩ, man giɛ ǹ ganaa ka yɔrɔ bǐɛ̃ nɛ. Man die wusii ma da ǹ nɛ gána kɛ nɛ. Ma ba re ǹ wurii doo wa, man die ǹ doe. Ma ba re ǹ woɛ̃ doo wa, man die ǹ zumi.

Zeremii 26:13

Kanna kəni, ka kaa giã ǹ gɔn laanka kaa zɛnaa ǹ sii bɔyaa, ka n too kɔ Dɛnaa Lawa, kaa Lawa a bíi wɔ li. Ka bɛ-n kəni, á re a taasiɛn bɔyɛɛ, a koe mɛn boo da, á re bɛ lɛ goɛ a bɔ ka la.

Zeremii 26:19

Kii Ezekiasi laanka Zudaa minin nə Lawa a boo gii-dali Misee dɛ bɛa boon lɛn taman yii? Haayii! Maǹ nə́ nyɛ́ɛ baa Dɛnaa Lawa yii ni, ǹ ná a nyankɔ. Dɛnaa Lawa goã á dɔlɔ mɛn boo da, a ná a taasiɛn bɔyaa, a da ka bɛ nɛ ǹ ganaa doo wa. Sɛnɛ, wɔsɛn, bɛ̀ wɔ dɔlɔ bɔ giĩ kɛ ganaa, wɔ n sii baraa zɛnɛɛ wɔ dinin manɛ.

Zeremii 32:29

Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

Zeremii 32:30

A kũ ǹ tenmaa waáraa ganaa, sii mɛn bɛ́ bɔnɛɛ ma yii li, Izirayeli minin laanka Zudaa minin man nə́ bɛ lɛ zɛnaa. Ǹ zɛnaa ǹ siin tumaa n ma foo yui. Dɛnaa Lawa a da ǹ boo ne.

Zeremii 35:17

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Zudaa minin ka Zeruzalɛmu minin, ma goã má koe mɛn boo da, man die bɛ lɛ boe ka ganaa. A giala, má boo da ka nɛ, sɛnɛ ka n too kɔ ma lon wa. Ma lɛ dia ka la, sɛnɛ ka n nyəə wa.»

Zeremii 36:7

Kɔntan, ǹ tumaa á re Dɛnaa Lawa nyankoe ka ǹ we ne, didie na a sii baraan kaa. A giala, Dɛnaa Lawa pɛ mà asɛ a foo yoo lɛ asɛ a zaman lɛ paǹ li, mà á gole á la yii ni.»

Zeremii 40:2

Zeremii laan bɛ̀ a woo, bǎã-lɛduə̃lin goledɛnaa lɛ lɛ dia la para-a, á boo da nɛ: «N Lawa, Dɛnaa Lawa goã á koe kɛ boo da Zeruzalɛmu ganaa,

Zeremii 40:3

á toa á n zɛnaa dɔn sonbore. A boo mɛn da, bɛ yɔrɔ yɛ. A giala, ka n too kɔ Dɛnaa Lawa lon wa. Zɛ̀rɛ n ka ganaa bɛa paǹ li. Bɛ lɛ nɛ sii kɛ tumaa ka yɛ.

Zeremii 42:10

«Bɛ̀ ka lɛ kɔ ka giã gána lɛ nɛ, ma á re kaa gána lɛ doe ma a re ziziɛ̃ doo wa. Ma á re ka zumi, ma a re ka woɛ̃ doo wa, Ma baraa mɛn zɛnaa ka nɛ, ma á re n gɔ́ɔ̃ dɔn bii ka bɛ nɛ.

Zeremii 44:5

Sɛnɛ, ka n too kɔ wa, ka n too da wa. Ka goã sii baraa mɛn tumaa zɛnɛɛ, ka ǹ kɔn toa walan wa. Ka nə n tiɛ̃ tɔn da yon gìĩ kɔɔ̃n tiɛ̃ dì soreen manɛ.

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Zeremii 45:4

Dɛnaa Lawa boo mɛn da n wɔ paǹ li, bɛ á ke kəni: Ma màn mɛn dɔ, man bɛ wurii, ma màn mɛn zumu, man bɛ wɛ̃, man zɛnɛɛ miɛ̃ gána lɛ tumaa nɛ.

Zeremii 7:18

Nɛnyaanan man gɔn goɛ, díin man tɛ koɛ. Lɔn man wùsu yiɛ ǹ nə́ mɔ̀mɔ diɛ lon a kii lɔ kɛ wɔ lɛa. Maǹ duvɛ̃ zumii lawa kɔsɔn ganaa ǹ tá ma foo yui ni.»

Zeremii 7:9

Ka ǹ wurumu biɛ, ka n gɛ̀ dii, ka n naarɛbaa zɛnɛɛ, ka nə n liɛ soɛ la, ka n da yon gìĩ kɔɔ̃n koe *Baali la, ka bɛ kaa lawa tiin mɛnɛn doɛ̃ wa ka n koe bɛn lɛ.

Ezekieli 17:5

Á wusoo á gána lɛ a da goon gùrù saa, ǹ bǎã mɛn kɔsɔ, á zumu walan, á woo ne mu gigiã bǎã nɛ, á zumu walan ka tàaraa da bɛ́ lɔn.

Ozee 10:1

Izirayeli minin lɛn man nə́ goã ka *rezɛ̃ da bɛ́ lɔn, á n gùrùn nyɔmaa, á goã nɛ gigiã koe. A bɛ́ á goã nɛ gigiã koe lɔn, ǹ dɔn man nə́ goã wúlu bɔ ǹ bǎã gigiã doe miɛ̃. Ǹ gána goã siĩn lɔn, ǹ dɔn man nə́ goã ǹ tíĩn nyaǹ koe miɛ̃.