Zeremii 11:14 - LAWA A BOO SONBORE

¹⁴ Nsɛ Zeremii, n nyan nyankɔ wɔ zaman kɛa lɛa wa. N nyan gú da hinlaa n gòã kũ da ma ganaa ǹ lɛa wa. Koe biikoo li, ta ǹ nə́ n lɛ dɛ ma ganaa, ma a re n too koe ǹ lon wa.»

LAWA A BOO SONBORE 2011

¹⁴ Nsɛ Zeremii, n nyan nyankɔ wɔ zaman kɛa lɛa wa. N nyan gú da hinlaa n gòã kũ da ma ganaa ǹ lɛa wa. Koe biikoo li, ta ǹ nə́ n lɛ dɛ ma ganaa, ma a re n too koe ǹ lon wa.»

Zeremii 11:14 ပူးပေါင်းရင်းမြစ်များ

Loen 66:18

Bɛ̀ taasiɛ baraan man nə́ goã ma nɛ, bɛ̀ Dɛnaa Lawa a re n too koe ma lon wa.

Bɔ bɛ̀rɛbaa nɛ 32:10

Sisia kəni, a toa ma daa. Maa foo-yoo gɔ́ɔ̃ nɛ, man die ǹ dii ma ǹ nya. Bɛ kio, ma á re zɛnɛɛ, zaman gole bɔ Muizu din ni.

Zeremii 11:11

Bɛ lɛ nɛ, masɛ Dɛnaa Lawa á kɛ pii: «Á ke, man die koe diɛ ǹ la, ǹ bɛ́ ǹ ba re n boe ǹ mɛn nɛ wa. Bɛ̀ ǹ tá gú diɛ, ma a re n too koe ǹ lon wa.

Zeremii 14:11

Dɛnaa Lawa pɛ ma nɛ: «N nyan màn kɔn nyankɔ ma la zaman kɛa yii-nyɛɛ taman yii wa!

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 7:16

«Nsɛ Zeremii, n nyan nɔ̀n da ma la ka màn kɔn nɛ zaman kɛ wɔ lɛa wa. N nyan Lawa nyankɔ ǹ lɛa wa. N nyan nə n lɛ dɛ ma ganaa n nə n din nɔmaa wa. Ma a re n too koe n lon wa.

Ozee 5:6

Ǹ tá re die ka ǹ tɔɔ dadaran laanka ǹ tɔɔ bisinin ni mà maǹ giɛ Dɛnaa Lawa li. Sɛnɛ, ǹ ba re yii wa. A giala á soo á n bɔ ǹ bii.

Zakarii 7:13

á pɛ: «Ma bɛ́ máa ǹ ma bɔlɔ si, ǹ nə n too kɔ wa. A din yii goon ne, bɛ̀ ǹ tá gú diɛ, ma dɔ ba n too koe ǹ lon wa.

Malakii 2:13

Ka bɛ́ sii mɛn kɔsɔ zɛnɛɛ doo bɛ á ke: Ka yii mu Dɛnaa Lawa a *wúlu bɔ ǹ bǎã si á n kɔ lɛ, wuu pɛ nɛ, ka ginii ni, a giala mà a ba n too koe ka lon doo wa. Ka bɛ́ die wúlu bɔ ǹ mànan mɛnɛn koe la, a ba ǹ sii ka gɔn wa.

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.