Zeremii 11:13 - LAWA A BOO SONBORE

¹³ Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃. Zeruzalɛmu a ziin bɛ mɔnaa-n lɔn kaa wúlu bɔ ǹ bǎãn kɛn sìi diɛ, bɛn dɔn man mɔnaa-n miɛ̃, kɛn lɛn ka n da yon gìĩ kɔɔ̃n tiɛ̃ ǹ ganaa dì *Baali wɔ lɛa.

LAWA A BOO SONBORE 2011

¹³ Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃. Zeruzalɛmu a ziin bɛ mɔnaa-n lɔn kaa wúlu bɔ ǹ bǎãn kɛn sìi diɛ, bɛn dɔn man mɔnaa-n miɛ̃, kɛn lɛn ka n da yon gìĩ kɔɔ̃n tiɛ̃ ǹ ganaa dì *Baali wɔ lɛa.

Zeremii 11:13 ပူးပေါင်းရင်းမြစ်များ

Kiin2 23:13

Wúlu bɔ ǹ bǎãn mɛnɛn nə goã Zeruzalɛmu yɔrɔ-a, *olivie kele a gusin a lɛ̀gɔn la, ke ǹ nə́ bii basaã kɔ ǹ bǎã, kii lɛ bɛn soɛ̃ yiɛ. Izirayeli gána a kii Salomɔn na á goã á bɛa wúlu bɔ ǹ bǎãn kɛn lɛn dɔ, Sidɔn minin dì bɔbɔnɛɛ Astartee kɛ wɔ lɛa, ka Moabu gána a dì bɔbɔnɛɛ Kemɔɔsi kɛ nɛ, ka Amɔn tɔrɔn dì bɔbɔnɛɛ Milkɔmu kɛ nɛ.

KZS2 28:25

Á wúlu bɔ ǹ bǎãn dɔ Zudaa ganaa lɛ a kiwi gogoonmaa tumaa nɛ. Walan a n da yon gìĩ kɔɔ̃n tiɛ̃ lawa kɔsɔn wɔ lɛa. Ka bɛa yɔrɔ kɛ nɛ, a na á Dɛnaa Lawa, n digolon Lawa foo yoo.

Izayii 2:8

Gána lɛ piɛ̃maa-n ka dìn ni, minbuiin nɛ mànan mɛnɛn zɛnaa ka a gɔn nɛ, a mànan mɛnɛn zɛnaa ka a din gòonən ne. Min tumaa nə n musin koɛ tán bɛn yɔrɔ-a, ǹ nə́ ǹ guguru koe.

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 17:1

Zudaa minin siɛ̃n man ka sɛ́wɔ kiɛ̃ bɛ́ lɔn, ǹ nə́ kiɛ̃ ka fɔlɔ lɛ pɛpɛnaa nɛ hinlaa ka lunluun ni. Maǹ kiɛ̃ nɛ ǹ foo la ka ǹ *wúlu bɔ ǹ bǎã karan nɛ.

Zeremii 18:15

A da yaa maa zaman yiri bɔ ma nɛ. Maǹ wúlu boe màn kooron ganaa. Bɛa màn kooron lɛn manə ǹ boe ǹ daɛ zii la, ǹ goã koe ziin mɛnɛn lɛ lɛlɛ, maǹ nə n boe n boe bɛn la, ǹ nə́ koe ziin kɔsɔn lɛ ǹ nə́ ǹ ba ǹ doɛ̃ wa.

Zeremii 19:4

A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 19:5

Ǹ nə́ *wúlu bɔ ǹ bǎã dɔ dì *Baali wɔ lɛa. Maǹ nə ǹ nɛnyaanan tiɛ̃ wúlu màn lɛa walan. A da yaa, ma bɛa zii kɔ ǹ la wa, a taasiɛ dɔ bin da ma yiri-n wa.»

Zeremii 2:28

Ka dìn mɛnɛn zɛnaa ka dinin wɔ lɛa, bɛn tá maa? Bɛ̀ koe ka yɛ, bɛ̀ ǹ tá boe la, ǹ da ka kirisibaa! Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃!

Zeremii 3:24

A kũ wɔa tenmaa waáraa ganaa, wɔa dín nɔmaa a là na á yɛ sìi da ǹ dìn ganaa. N nə́ ǹ sèren si, ǹ bòen ne, ǹ diin ni, ǹ nɛgiĩn laanka ǹ nɛlɔn nɛ.

Zeremii 3:25

Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 32:35

Inɔn nyankɔrɔ basa nɛ, ǹ nə́ *wúlu bɔ ǹ bǎã dɔ dì Baali wɔ lɛa. Ǹ nə́ ǹ nɛgiĩn laanka ǹ nɛlɔn tã *wúlu màn lɛa dì Molɛki ganaa. A da yaa ma bɛa nɔ̀n da ǹ la wa, a taasiɛ din da ma yiri-n wa. Bɛa sii bɔbɔnɛɛn lɛn zɛnaa Zudaa minin dɔn kaa sii baraa zɛnaa nɛ.

Zeremii 44:21

«Taãn nɛ, ká goã *wúlu màn gìĩ kɔɔ̃n tiɛ̃ Zudaa kiwin ni ka Zeruzalɛmu a zii la ǹ nɛ: Ka dinin ni, kaa díin ni, kaa kiin ni, kaa gána nyɛɛnaandɛnan nɛ, ka Zudaa min kɔsɔn nɛ. Dɛnaa Lawa yiri tá a-n parsiini, a yiri bɔ-n wa.

Zeremii 44:5

Sɛnɛ, ka n too kɔ wa, ka n too da wa. Ka goã sii baraa mɛn tumaa zɛnɛɛ, ka ǹ kɔn toa walan wa. Ka nə n tiɛ̃ tɔn da yon gìĩ kɔɔ̃n tiɛ̃ dì soreen manɛ.

Zeremii 48:35

Dɛnaa Lawa a da ǹ boo á ke: «Moabu minin mɛnɛn tumaa bɛ́ woe ǹ wúlu mànan koe ǹ nə́ da yon gìĩ kɔɔ̃n koe ǹ dìn la kelen la, ma á re bɛn tumaa dii.

Zeremii 7:9

Ka ǹ wurumu biɛ, ka n gɛ̀ dii, ka n naarɛbaa zɛnɛɛ, ka nə n liɛ soɛ la, ka n da yon gìĩ kɔɔ̃n koe *Baali la, ka bɛ kaa lawa tiin mɛnɛn doɛ̃ wa ka n koe bɛn lɛ.

Ezekieli 16:24

ń kɔrɔbaa ǹ bǎã dɔ: Bɛ n ka kaa dì wúlu bɔ ǹ bǎãn kɛn nɛ, zaman paã ǹ bǎã tumaa nɛ.

Ozee 10:1

Izirayeli minin lɛn man nə́ goã ka *rezɛ̃ da bɛ́ lɔn, á n gùrùn nyɔmaa, á goã nɛ gigiã koe. A bɛ́ á goã nɛ gigiã koe lɔn, ǹ dɔn man nə́ goã wúlu bɔ ǹ bǎã gigiã doe miɛ̃. Ǹ gána goã siĩn lɔn, ǹ dɔn man nə́ goã ǹ tíĩn nyaǹ koe miɛ̃.

Ozee 12:11

Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Ozee 9:10

Ka *rezɛ̃ da nɛ bɛ́ lɔn, min yɛ don, man má Izirayeli tɔrɔn lɛn yɛ miɛ̃. Ka gɔ́rɔ da ten a nɛ bibinaa bɛ́ lɔn, man má ka digolon kɛn yɛ miɛ̃. Sɛnɛ, ǹsɛn dinin nə dɔ Baali-Pewɔɔrɔ lɔn gɔrɔ, sii mɛn bɛ́ sìi diɛ, bɛ na á goã ǹ dí lɛa. Ǹ goã dì mɛn narɛ, ǹ dininmaan nə́ bɔbɔnɛɛ kɔ ka bɛa dì kɛ lɛ bɛ́ lɔn.