Zeremii 11:11 - LAWA A BOO SONBORE

¹¹ Bɛ lɛ nɛ, masɛ Dɛnaa Lawa á kɛ pii: «Á ke, man die koe diɛ ǹ la, ǹ bɛ́ ǹ ba re n boe ǹ mɛn nɛ wa. Bɛ̀ ǹ tá gú diɛ, ma a re n too koe ǹ lon wa.

LAWA A BOO SONBORE 2011

¹¹ Bɛ lɛ nɛ, masɛ Dɛnaa Lawa á kɛ pii: «Á ke, man die koe diɛ ǹ la, ǹ bɛ́ ǹ ba re n boe ǹ mɛn nɛ wa. Bɛ̀ ǹ tá gú diɛ, ma a re n too koe ǹ lon wa.

Zeremii 11:11 ပူးပေါင်းရင်းမြစ်များ

Kiin2 22:16

mà man die koe boe bǎã kɛ lɛ laanka a minin ganaa, sɛ́wɔ ke Zudaa gána a kii pɛ, a kɔnpɛ ka bɛa boon tumaa nɛ.

KZS2 34:24

mà Dɛnaa Lawa a da ǹ boo á ke: «Á ke, man die koe boe Zeruzalɛmu ganaa ka a minin ni. Lɛn baraa bíi mɛn tumaa bɛ́ kiɛ̃ nɛ sɛ́wɔ kɛ nɛ, á pɛ Zudaan kii yii ni, man die toɛ a tumaa yɔrɔ yɛ.

Zɔbu 35:13

Maǹ nə́ n lɛ dii kooro, Lawa a n too koe bɛ li wa. Pàãyiidɛnaa a bɛ miɛ wa.

Loen 18:41

N din nə toɛ maa zɔ́ɔn lɛn tá baa sii ma nyɛɛnɛ. Min mɛnɛn bɛ́ ma biɛ zɔ́ɔ, ma á re bɔ̀n diɛ bɛn-a.

Loen 66:18

Bɛ̀ taasiɛ baraan man nə́ goã ma nɛ, bɛ̀ Dɛnaa Lawa a re n too koe ma lon wa.

Suusun 1:28

Ka á re ma bíi, sɛnɛ, ma a re ka lɛ sii wa. Ka á re giɛ ma li, sɛnɛ ka a re ma yii wa.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Izayii 1:15

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Izayii 24:17

Kanaa minin, nyɛ́ɛ nɛ, yala zuzulu ni, ka kan nɛ, bɛn tumaa n kaa wɔ lɛa.

Zeremii 11:14

Nsɛ Zeremii, n nyan nyankɔ wɔ zaman kɛa lɛa wa. N nyan gú da hinlaa n gòã kũ da ma ganaa ǹ lɛa wa. Koe biikoo li, ta ǹ nə́ n lɛ dɛ ma ganaa, ma a re n too koe ǹ lon wa.»

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Zeremii 14:2

Zudaa zaman nə gɛ̀ koɛ, ǹ kiwin pàã nya. Min tumaa foo n zizɛ̃ nɛ. Zeruzalɛmu a lɛ-dɛ n dii lon.

Zeremii 15:2

Bɛ̀ minin nə́ nɔ̀n da n la mà ǹsɛn doamaa nɛ ǹ wo maa, n die nə ǹ lɛ si kɛnɛn: «Dɛnaa Lawa n kɛ pii: Min mɛnɛn doamaa bɛ nɛ ǹ gã ka piɛ̃ busu ni, bɛn man die giɛ̃ ka piɛ̃ busu ni. Min mɛnɛn doamaa bɛ nɛ ǹ gã zia la, zia n die bɛn dii. Min mɛnɛn doamaa bɛ nɛ ǹ gã bòo ne, bɛn man die giɛ̃ bòo gɔn. Min mɛnɛn doamaa bɛ nɛ ǹ wo bɛ̀rɛbaa ǹ bǎã nɛ, ǹ tá re bɛn dɔn goɛ ǹ wo ǹ ne.»

Zeremii 18:11

Kanna kəni Zeremii, boo da Zudaa minin laanka Zeruzalɛmu minin ni n pɛ ǹ nɛ: – Dɛnaa Lawa n kɛ pii: «Á ke, man dɔlɔ yɔrɔ boe kaa wɔ lɛa. Man koe lɛ boe die-n ka ganaa. Didie doamaa nɛ a na a taasiɛ baraan kaa. Hiĩ, ka kaa giã ǹ gɔn laanka kaa zɛnaa ǹ siin bɔyaa.»

Zeremii 19:15

– Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ma dɔlɔn mɛnɛn boo da kiwi kɛ wɔ paǹ li ka a lɛkoro-a kiwin ni, man die yui ǹ gialaa ka bɛn nɛ. A giala, kiwi minin lɛn mìi n laa nɛ. Maǹ nə n piɛ̃ ǹ ba n too koe maa da ǹ boon li wa.»

Zeremii 19:3

A pɛ kɛnɛn: «Zudaan kii laanka Zeruzalɛmu minin, ka n too kɔ Dɛnaa Lawa a boon li. Dɛnaa Lawa Pàãyiidɛnaa, Izirayeli a Lawa a boo á ke: Man die koe gole boe bǎã kɛ ganaa. Min mɛnɛn bɛ́ re a boo miɛ, nyɛ́ɛ gole á re bɛn kuĩ.

Zeremii 23:12

Bɛ lɛ nɛ, ǹ zii á re wɔrɔnzɔrɔn biɛ ǹ ganaa. Tèlò-n, ǹ tá re n tɔtoe kɔn nɛ, ǹ bɔ ǹ kaa. Taãn nɛ, bɛ̀ ma yoo ǹ gialaa lɛ̀ mɛn-a, man die koe diɛ ǹ mìi ni. Dɛnaa Lawa a da ǹ boo ne.

Zeremii 25:35

Mìi duru ǹ bǎã ba maa zaman-lɛduə̃lin kɛn la wa. Baa si á woo ǹ bǎã ba tɔɔn-lɛduə̃lin kɛn la wa.

Zeremii 35:17

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Zudaa minin ka Zeruzalɛmu minin, ma goã má koe mɛn boo da, man die bɛ lɛ boe ka ganaa. A giala, má boo da ka nɛ, sɛnɛ ka n too kɔ ma lon wa. Ma lɛ dia ka la, sɛnɛ ka n nyəə wa.»

Zeremii 36:31

Ma á re yui a gialaa, a nɛnyaanan nɛ, ka a nɔ̀ɔnɔn nɛ. Ma á re yui a gána nyɛɛnaandɛnan dɔn gialaa. Ma á re ǹ sãn lɛn dɔlɔ boe ǹ ganaa. Ma koen mɛnɛn boo da ǹ nɛ ǹ nə́ ǹ golee li wa, man die bɛn lɛn diɛ ǹ mìi ni, Zeruzalɛmu minin ni ka Zudaa minin ni.»

Zeremii 6:19

Ka n too kɔ kanaa tumaa a tɔrɔn: Man die koe boe minin kɛn ganaa. Ǹ dí mɛn lɛ bɔ, bɛ lɛ a binyəə ne. Ma boo mɛn da ǹ nɛ, ǹ yiri bɔ bɛ li wa. Ǹ nə́ n piã ka maa dí-pɛn nɛ.

Busii pɛ 2:22

Ka zɔ́n pinaa bɛ́ lɔn, ń ma miãkɛn babaraan kɛn bíi wɔ. N foo-yoo baraa kɛa pinaa Dɛnaa Lawa, min kɔn nə n bɔ-a n wa. Min kɔn yii goã koo wa. Ma goã má min mɛnɛn too má ǹ gɔ̀nɔn kũ, maa zɔ́ɔ lɛ bɛn tumaa bɔ̀n baa.

Ezekieli 14:3

– Nsɛ minbuiin a nɛ, minin kɛn lɛn dìn sii tá kaka ǹ ganaa. A din dìn lɛn manə ǹ kiɛ sii baraa zɛnaa ganaa. Ma á re toɛ bɛa minin lɛn nə nɔ̀n da ma la ka sii ni sonbore?

Ezekieli 7:5

Masɛ Dɛnaa Lawa n kɛ pii: Koe n ka kɛ nɛ die, koe gole! Min bin nə ǹ miã yɛ wa.

Ezekieli 8:18

A bɛ́ miɛ̃, ma dɔ n die dɔlɔ boe ǹ ganaa ka ma foo ne. Ǹ makara a die ma kuĩ, ma ǹ toa walan wa. Ta ǹ nə́ n lɛ dɛ ma kio kɔsɛkɔsɛ, masɛ a re n too koe ǹ lon wa.»

Amɔɔsi 5:19

A n die giĩ kɔn wɔ biɛ baa sii yàra nyɛɛnɛ, yǎa a wo n da gòon màn gole kɔsɔ lɛ. A n die giĩ kɔn wɔ biɛ, á woo n dɔ a kion, mà a nə n gɔn doɛ kigiala ganaa, yǎa miɛ̃ sɔn dɔ a ganaa.

Misee 3:4

Min mɛnɛn bɛ́ bɛ lɛ zɛnɛɛ, ta ǹ nə́ n lɛ dɛ Dɛnaa Lawa ganaa ǹ mɛn pinaa, a re n nyii ǹ la wa. A n die n yɔrɔ din bɔyɛɛ a bɔ ǹ la bɛa pinaa, ǹ zɛnaa ǹ sii babaraan lɛn taman yii.

Zakarii 7:13

á pɛ: «Ma bɛ́ máa ǹ ma bɔlɔ si, ǹ nə n too kɔ wa. A din yii goon ne, bɛ̀ ǹ tá gú diɛ, ma dɔ ba n too koe ǹ lon wa.

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.