Zeremii 10:5 - LAWA A BOO SONBORE

⁵ Bɛa dìn lɛn man ka nyɛ́ɛ da ǹ mànan bɛ́ lɔn, gì wuru-n. Ǹ ba boo diɛ doɛ̃ wa, maǹ nə ǹ guĩ, a giala, ǹ ba boe tɔ we la wa. Ka nyan nyɛ́ɛ baa ǹ nɛ wa. Ǹ ba boe baraa zɛnaa la wa, ǹ ba boe bǐɛ̃ dɔ din la ǹ zɛnaa wa.»

LAWA A BOO SONBORE 2011

⁵ Bɛa dìn lɛn man ka nyɛ́ɛ da ǹ mànan bɛ́ lɔn, gì wuru-n. Ǹ ba boo diɛ doɛ̃ wa, maǹ nə ǹ guĩ, a giala, ǹ ba boe tɔ we la wa. Ka nyan nyɛ́ɛ baa ǹ nɛ wa. Ǹ ba boe baraa zɛnaa la wa, ǹ ba boe bǐɛ̃ dɔ din la ǹ zɛnaa wa.»

Zeremii 10:5 ပူးပေါင်းရင်းမြစ်များ

Kiin1 18:26

Ǹ dii gɔ̀lɔ̀ mɛn lɛ kɔ ǹ la, ǹ nə́ dɛ ǹ nə́ zɛnaa. A saa baayɛlɛ ganaa a wo penleen yaa, ǹ nə́ Baali nyankɔ bɛ̀ ǹ tá pii: «Baali, wɔ lɛ si!» Sɛnɛ boo bɔ wa, lɛ sii yɛ wa. Ǹ goã ǹ nə́ *wúlu bɔ ǹ bǎã mɛn lɛ dɔ, maǹ nə́ goã bɛ̀ biɛ bɛ genli.

KZS2 25:15

Bɛ lɛ nɛ, Dɛnaa Lawa foo yoo Amasiya li, á tɔn na a boo gii-dali dia, á pɛ nɛ: «Ma nə́ n bɔyaa ń nə́ n yɔrɔ da Edɔmu minin dìn la, ǹ mɛnɛn lɛn dinin bɛ́ ǹ boo la ǹ nə́ ǹ zaman kirisibaa n ganaa wa. Bɛ mìi kəni?»

Izayii 16:12

Moabu minin manə n dinin nɔmɛɛ, ǹ nə́ woe wúlu bɔ ǹ bǎãn nɛ, woe gòã-kũ diɛ ǹ dì kionən ne, sɛnɛ, bɛ là banban.

Izayii 45:20

Kasɛn mɛnɛn yii goã koo tɔrɔn bii, ka n sɔkɔn ka daa, ka n zɔ̃ ka dɔ. Min mɛnɛn bɛ́ dì nyín guĩ ǹ gɔn, gɔn sɛlɛɛ lɛa, ǹ nə́ ǹ guguru koe, dìn mɛnɛn bɛ́ ǹ ba boe la ǹ tá ǹ kirisibiɛ wa, bɛn man yiriwɛɛnaan lɛa.

Izayii 46:1

Dì Bɛɛli musi mɛ, dì Neboo nə́ n pusu, ǹ nə́ ǹ nyínin kaa diin la, ǹ nə́ ǹ kaa tɔɔn la. Ka bɛ́ mànan mɛnɛn guĩ, bɛn man guĩ lɛa tɔɔ nɔmaa wolen kɛn ganaa.

Izayii 46:7

Bɛ kio, maǹ siɛ ǹ da ǹ kɔrɔn, ǹ wo koa bǎã kɔn nɛ. Maǹ koɛ tán, a ná a bìn diɛ doo wa. Ta min nə n lɛ dɛ a ganaa, a ba n dɛnaa lɛ sii wa. Koe biikoo li, a min kɔn kirisibiɛ wa.

Zeremii 10:14

Bɛ lɛ nɛ, minin tá bii-a baãnaan lɛa, ǹ ba sii kɔn giala miɛ wa. Sìi n zan-kaalin kɛn tumaa ganaa, ǹ dìn kɛn taman yii. Bɛa nyínin lɛn man yiri siɛ̃: Yiikoonaabaa goon din ba ǹ nɛ wa.

Abakuku 2:19

Kaa wɔ n ka koe ne! Ka ǹ pii gɔn lɛkoro ne: «N yii bũ!» Ka ǹ pii màn nyín ni kɔlɔ lɛa a ná a boo diɛ wa: «N nyan nyuù wɔ wa!» A da yaa ǹ ba boe la ǹ tá sii kɔn nyɛɛ ka-n wa. Sonbore, maǹ nə́ sana laanka wɔrɔ kaa bɛa màn nyínin lɛn la. Sɛnɛ, yiikoonaabaa ǹ piɛ̃ goon din ba ǹ nɛ wa!

Korɛnti1 12:2

Ka á doɛ̃ mà ka bɛ́ ká goã min kooron lɛa, ka n ká goã baa sii ka mìi gialaa dì lɛ tere-an ganaa.

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Timəə dí-pɛn 4:28

Ka bɛ́ re lawan mɛnɛn guguru koe walan, minbuiin nɛ gɔn na á ǹ zɛnaa ka gɔn nɛ, ka kɔlɔ nɛ. Ǹ yii a wɔlɔ yii wa, ǹ ba boo miɛ wa, ǹ ba boe la ǹ màn bii wa, ǹ ba màn gìĩ miɛ̃ wa.