Zeremii 10:25 - LAWA A BOO SONBORE

²⁵ Tɔrɔn mɛnɛn bɛ ǹ ba n doɛ̃ wa, ka min mɛnɛn bɛ́ ǹ ba n tɔ bíi wa, n foo n siĩni a yoo bɛn li. A giala, ǹ nə́ n zaman lɛ kokoo, Zakɔba ǹ nə́ n ziziɛ̃ lenlen. Ǹ nə́ ǹ gána lɛ ziziɛ̃.

LAWA A BOO SONBORE 2011

²⁵ Tɔrɔn mɛnɛn bɛ ǹ ba n doɛ̃ wa, ka min mɛnɛn bɛ́ ǹ ba n tɔ bíi wa, n foo n siĩni a yoo bɛn li. A giala, ǹ nə́ n zaman lɛ kokoo, Zakɔba ǹ nə́ n ziziɛ̃ lenlen. Ǹ nə́ ǹ gána lɛ ziziɛ̃.

Zeremii 10:25 ပူးပေါင်းရင်းမြစ်များ

Zɔbu 18:21

Min baraan giã ǹ bǎã á ke. Min mɛnɛn bɛ́ ǹ ba Lawa doɛ̃ wa bɛn bǎã á ke.»

Loen 14:4

Dɛnaa Lawa pɛ: Min kɔn na a ba min baraan kɛn bii, á boo giala miɛ duduu wa? Ǹsɛn mɛnɛn bɛ́ bɔ̀n diɛ maa minin ganaa, ǹ nə́ n dinin toe ne, ǹ nə́ ǹ ba n yɔrɔ diɛ ma dinmaa la duduu wa.

Loen 147:20

A kɛ miã zɛnaa tɔrɔ kɔsɔ kɔn nɛ wa, Tɔrɔn mɛnɛn bɛ́ ǹ ba a dí-pɛn doɛ̃ wa. Aleluya, ka Dɛnaa Lawa tɔ bɔ!

Loen 27:2

Bɛ̀ min baraan nə́ yoo ma gialaa, ǹ nə́ zoɛ̃ mà ǹ ma nyin bɔ, maa zɔ́ɔ babaraan kɛn lɛn, ǹ dinin manə n gòã niɛ̃ ǹ mɛnaa.

Loen 69:24

Toa ǹ yiin nə tã, ǹ baran wɔlɔ yɛ wa, ǹ gɔ̀nɔn nə bìn da biikoo tumaa li.

Izayii 43:22

Dɛnaa Lawa pɛ: Zakɔba, n lɛ dia ma la wa. Izirayeli, ma nə n nɔmaa ka ma nɛ.

Izayii 64:7

A da yaa Dɛnaa Lawa, n din ni wɔa díi lɛa. Wɔsɛn man gì lɛa, nsɛ n dɔn-bɔle lɛa. N din nə n wɔ tumaa zɛnaa.

Izayii 9:12

Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.

Zeremii 11:1

Dɛnaa Lawa boon mɛnɛn pɛ Zeremii ni, ǹ nə́ ke:

Zeremii 30:16

Sɛnɛ, min mɛn tumaa basaã kɔ n nɛ, ma á re basaã koe ǹ dɔn manɛ. Ń zɔ́ɔn tumaa á re woe bɛ̀rɛbaa ǹ bǎã nɛ. Min mɛnɛn bɛ́ koɛɛn we n ne, ǹ tá re koɛɛɛn we ǹ dɔn manɛ. Min mɛnɛn bɛ́ mɛnɛɛ n la, ǹ tá re mɛnɛɛ ǹ dɔn la.

Zeremii 50:17

Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Zeremii 50:7

Bɛ̀ min woo min kaa ǹ lɛ, a n basaã koe ǹ bii. Ǹ zɔ́ɔn man nə́ goã pii: Wɔ sii kɔn la ǹ la baraa wa! Ǹ dinin maǹ nə́ wɔ Dɛnaa Lawa lon, ke, ǹ kiri pepere-wɔle lɛa, ǹ digolon nə goã n foo doɛ ǹ mɛn lɛ ganaa.

Zeremii 8:16

Zɔ́ɔ nə́ n toa Dan á die. Ǹ sùin lɛ baa wuu n boe. Tán tumaa n bìn diɛ ǹ lɛ baa nyɛɛnɛ. Ǹ nə́ ke yii die, maǹ die gána lɛ ziziɛ̃, kɔnlɛ ka a gɔ́ɔ̃gɔ́ɔ̃ ǹ màn tumaa nɛ, ka kiwi lɛ laanka a minin ni.

Busii pɛ 2:22

Ka zɔ́n pinaa bɛ́ lɔn, ń ma miãkɛn babaraan kɛn bíi wɔ. N foo-yoo baraa kɛa pinaa Dɛnaa Lawa, min kɔn nə n bɔ-a n wa. Min kɔn yii goã koo wa. Ma goã má min mɛnɛn too má ǹ gɔ̀nɔn kũ, maa zɔ́ɔ lɛ bɛn tumaa bɔ̀n baa.

Sofonii 1:6

Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Zakarii 1:15

Sɛnɛ, tɔrɔn mɛnɛn bɛ́ ǹ nə́ waa ǹ dinin la taãn-taãnɛ, ma foo n yoo ne bɛn li parsiini. A giala, maa foo-yoo bɛ́ a tɔn gole kɔ Izirayeli li ǹ mɛn waáraa wa, bɛa tɔrɔn kɛn lɛn ná a koe mìi saa lon.

Zaã a sɛ́wɔ 17:25

Maa Díi pepere, kanaa minin ba doɛ̃ wa, sɛnɛ, masɛ á doɛ̃, kɛn lɛn dɔn tá doɛ̃, mà n din ni n masɛ dia.

Nya ǹ dín 17:23

Bɛ̀ masɛ á koe kaa ziin lɛ, ma tá kaa dì wúlu-bɔ ǹ bǎãn yii. Má bǎã lɛ kɔ́n din yɛ á n kiɛ̃ nɛ a ganaa kɛnɛn: «Min bɛ́ a ba dì mɛn doɛ̃ wa.» Ka bɛ́ ka a màn mɛn doɛ̃ wa ka ná a guguru koe dɔn, masɛ Pooli n má daa bɛ lɛ boo da ka nɛ.

Korɛnti1 15:34

Ka toa ka wusoo ka sii giala ma, ka sii baraa zɛnaa lɛ da. A n kaa sìi boo lɛa ma á diɛ ka nɛ: Ka tɛnɛn ba Lawa doɛ̃ wa.

Tesaloniki1 4:5

A nyan toa a n saa taasiɛ naarɛ li, ka tɔrɔ kɔsɔ Lawa doɛ̃baã wolen bɛ́ zɛnɛɛ lɔn wa.

Tesaloniki2 1:8

A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.

Sii-nyaan 16:1

Má lɛn gole ma boe Lawa a kion, a n pii lon a dia dí-a wole sɔbaa kɛ nɛ: «Ka wo Lawa a foo-yoo paan sɔbaa kɛ binyəə tán la.»