Zeremii 10:18 - LAWA A BOO SONBORE

¹⁸ Taãn nɛ, Dɛnaa Lawa a da ǹ boo á ke: «Kanna kəni, man die gána lɛ a minin zuĩ sɔsɔɔ ma ganaa. Man die dɔlɔ boe ǹ ganaa, ǹ ba re n boe a-n wa.

LAWA A BOO SONBORE 2011

¹⁸ Taãn nɛ, Dɛnaa Lawa a da ǹ boo á ke: «Kanna kəni, man die gána lɛ a minin zuĩ sɔsɔɔ ma ganaa. Man die dɔlɔ boe ǹ ganaa, ǹ ba re n boe a-n wa.

Zeremii 10:18 ပူးပေါင်းရင်းမြစ်များ

Izayii 22:17

Á ke Dɛnaa Lawa á re n zuĩ sɔsɔɔ. Á re n kuĩ kaka,

Zeremii 16:13

Bɛ lɛ nɛ, man die ka lui gána kɛ nɛ. Gána mɛn bɛ́ kaa doɛ̃ wa, ka digolon dɔn dinin nə dɔ̃ wa, ka á re woe walan. Penleen laanka tèlò, ka á re lawa kɔsɔn guguru koe. Ma á re maa bǐɛ̃baa kɛ nyɛɛ ka-n doo wa.»

Zeremii 22:26

N laanka n dan mɛn nə n yɛ, ma á re ka lui ma ka kaa gána nɛ, ka bɛ́ ka yɛ ǹ mɛn nɛ wa. Walan lɛ nɛ ka á re giɛ̃.

Zeremii 23:20

Dɛnaa Lawa sii mɛn yɔrɔ bɔ á koa a yɔrɔ-a, yǎa bɛ lɛ piɛ̃, a foo-yoo baraa kɛ tɔn golee. Bɛ kio, ka á re a giala miɛ.

Ezekieli 6:10

Ka á re doɛ̃ ka bɛ lɛ-n kəni, mà ma din nə Dɛnaa Lawa lɛa, kooro bie má pɛ, máa ma á re bɛa koe kɛ lɛ diɛ ka mìi-n wa.»

Sofonii 1:17

Dɛnaa Lawa pɛ: Minbuiinin man nə́ sii baraa zɛnaa masɛ nɛ. Bɛ lɛ nɛ, man die koe boe ǹ ganaa. Maǹ die tɔ we ǹ nə́ tatalɛ ka yii tere-an bɛ́ lɔn. Maǹ die ǹ mà kiɛ tán bǎã tumaa nɛ ka tii bɛ́ lɔn. Ǹ gere á re boɛ̃ tán ka yisi bɛ́ lɔn.

Zakarii 1:6

A da yaa ma boo laanka gɔn waan mɛnɛn kɔ maa dí-nyalin, Lawa a boo gii-dalin la, máa ǹ pɛ ǹ nɛ, á dɔ ǹ li ǹ nə́ golee li. Ǹ nə́ ǹ giã ǹ gɔn bɔyaa, ǹ nə́ pɛ: Dɛnaa Lawa Pàãyiidɛnaa na á golee li mà a n die wɔ kuĩ wɔa giã ǹ gɔn li ka wɔa sii zɛnaan nɛ. A na á bɛ lɛ zɛnaa.»

Timəə dí-pɛn 28:52

Ǹ tá re die ka lɛnpɛnɛ kaa kiwin lɛn tumaa nɛ. Kaa kungun sasa dadaran kɛn kaa kiwin lɛn lɛnpɛnɛ, ka foo bɛ́ doa nɛ ǹ mɛnɛn lɛn ganaa, yǎa bɛn nə kiɛ kaa gána lɛ nɛ. Kaa Lawa, Dɛnaa Lawa gána mɛn lɛ kɔ ka la, ǹ tá re die koe kaa gána lɛ tumu lɛ, ǹ kaa kiwin kɛn tumaa lɛnpɛnɛ.

Samayeli1 25:29

Min nə́ yoo n gialaa, á n giɛ li a n dɛ, n gã, sɛnɛ n Lawa, Dɛnaa Lawa lɛ á die n tamaɛ, ka min bɛ́ pàãmabaa ǹ màn tamaɛ lɔn, màn kɔn ná a ba toɛ̃ n ganaa wa. N zɔ́ɔn kɛn sɛn, Dɛnaa Lawa á re ǹ lɛ koe, ka min bɛ́ kɔlɔ diɛ baragii ni a zũ lɔn.