Zeremii 1:15 - LAWA A BOO SONBORE

¹⁵ Man die lɛ diɛ gɔsɛ a lɛ̀gɔn la gána tɔrɔn kɛn tumaa la. Masɛ din Dɛnaa Lawa a da ǹ boo ne. Ǹ tá re die, ǹ kiin lɛn gogoomaa á re kii dankan koɛ tán Zeruzalɛmu a kiɛnlɛ yɔrɔ-a. Ǹ tá re a kungɔnɔn lɛnpɛnɛ, ǹ yoo Zudaa kiwin tumaa gialaa.

LAWA A BOO SONBORE 2011

¹⁵ Man die lɛ diɛ gɔsɛ a lɛ̀gɔn la gána tɔrɔn kɛn tumaa la. Masɛ din Dɛnaa Lawa a da ǹ boo ne. Ǹ tá re die, ǹ kiin lɛn gogoomaa á re kii dankan koɛ tán Zeruzalɛmu a kiɛnlɛ yɔrɔ-a. Ǹ tá re a kungɔnɔn lɛnpɛnɛ, ǹ yoo Zudaa kiwin tumaa gialaa.

Zeremii 1:15 ပူးပေါင်းရင်းမြစ်များ

Izayii 22:7

Zeruzalɛmu, n nyankɔrɔ basan kɛn tumaa piɛ̃maa-n ka n zɔ́ɔn ziabaa ǹ wotoron ne. Ǹ sùidɛnan kɛn yɔrɔ bɔmaa nɛ, maǹ doa nɛ n kiɛnlɛn lɛ-a.

Zeremii 10:22

Ka n too kɔ màn wuu kɛ-a die. Sii lɔlɔkɔn gole ne boe gɔsɛ a lɛ̀gɔn la. A n die Zudaa kiwin biɛ kɛbɔlɔ lɛa, tolokan susu ǹ bǎã lɛa.

Zeremii 10:25

Tɔrɔn mɛnɛn bɛ ǹ ba n doɛ̃ wa, ka min mɛnɛn bɛ́ ǹ ba n tɔ bíi wa, n foo n siĩni a yoo bɛn li. A giala, ǹ nə́ n zaman lɛ kokoo, Zakɔba ǹ nə́ n ziziɛ̃ lenlen. Ǹ nə́ ǹ gána lɛ ziziɛ̃.

Zeremii 13:20

Zeruzalɛmu, n yii saa n ga: Zɔ́ɔn man boe gɔsɛ a lɛ̀gɔn li. Ma tɔɔ kuru mɛn koa n li, bɛ á maa? Sèren mɛnɛn nə goã n foo kɔɔ̃n koe, ǹ tá maa?

Zeremii 25:28

Á pɛ doo: – Kɔntan, min tɛnɛn tá re n piɛ̃ mà ǹ ba re paan lɛ a mu sii n gɔn ǹ mi wa. N die n pɛ ǹ nɛ kɛnɛn: «Yǎa ka mii, Dɛnaa Lawa Pàãyiidɛnaa a da ǹ boo ne.»

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 33:10

Dɛnaa Lawa n kɛ pii: – Kasɛn Zudaa minin, ka ǹ pii: «Gána lɛ n diə lɛa, minbuiin nɛn ba a-n wa, tɔɔn ba a-n wa. Sonbore ne, Zudaa laanka Zeruzalɛmu, kaa kiwin lɛn kooromaa nɛ. Min goon din ba kaa ziin la wa. Haalɛ tɔɔ din.

Zeremii 34:1

Nebukadenezɔɔrɔ na á goã *Baabilonii gána a kii lɛa. Á yoo zia-n Zeruzalɛmu laanka Zudaa a kiwin gialaa, kun ka a zia kurun ni ka kanaa tumaa a sɔraasin ni ka gánan mɛnɛn bɛ́ a pàã giulun. Bɛa waáraa lɛ nɛ, Dɛnaa Lawa boo da Zeremii ni á pɛ-n kɛnɛn:

Zeremii 34:22

Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.

Zeremii 39:3

Baabiloniin kii a gána nyɛɛnaandɛnan tumaa wɔ, ǹ nə́ giã kiwi lɛ a kiɛnlɛ kɛ lɛ-a bii. Min mɛnɛn nə goã ǹ tan, ǹ nə́ ke: Negali-Saresɛɛrɛ nɛ, Sangaara-Neboo ne, kii a dí-nyalin goledɛnaa Saaraa-Sekimu ni, sɔraasin goledɛnaa Negali-Saresɛɛrɛ nɛ ka Baabiloniin kii a sɔraasin nyɛɛnaandɛnan kɔsɔn dɔn nɛ.

Zeremii 4:16

Ka a giala pɛ tɔrɔn tumaa nɛ, ka a boo da Zeruzalɛmu: Zɔ́ɔn lɛn manə n mɔrɛ, maǹ boe gána sɔsɔɔ nɛ. Maǹ ziabaa ǹ lɛ-dɛ we Zudaa kiwin ganaa.

Zeremii 4:6

Ka sii giala pɛ ǹ màn doa tán *Siɔn, ka n mìi duru, ka nyan golee kaa giã ǹ bǎã-n wa. A giala, masɛ Dɛnaa Lawa n die ka koe ne boe gɔsɛ a lɛ̀gɔn la, koe gole ne.

Zeremii 43:10

Bɛ kio, n tɔn pɛ ǹ nɛ: «Dɛnaa Lawa Pàãyiidɛnaa, Izirayeli a Lawa n kɛ pii: Á ke, man die lɛ diɛ maa dí-nyali Baabiloniin kii Nebukadenezɔɔrɔ la. N kɔlɔn mɛnɛn lɛn wɔ tán, man die a kii dankan koɛ bɛn lɛn la. A n die a kiibaa ǹ zìã doe walan.

Zeremii 44:6

Bɛ lɛ nɛ má maa foo-yoo baraa kaa Zudaa kiwin laanka Zeruzalɛmu a ziin la. Ǹ nə́ kɛbɔlɔn baa, diə bǎã lɛa ka ka yii bɛ́ a ganaa lɔn pelo.»

Zeremii 46:24

Sìi nə́ n kɔ Ezipti gána lɛ: A na á n wɔ tɔrɔ kɛ gɔn, boe gɔsɛ a lɛ̀gɔn la.

Zeremii 5:15

Á ke, Izirayeli minin, tɔrɔ mɛn bɛ́ boe sɔsɔɔ, man die bɛ diɛ ka ganaa. Dɛnaa Lawa a da ǹ boo ne. Tɔrɔ nɛ pàã ná a lon, Tɔrɔ zizi ni, tɔrɔ lɛa, ka a ǹ bɔlɔ miɛ̃ wa, ka a ǹ boo a woo ǹ bǎã yii wa.

Zeremii 6:22

Dɛnaa Lawa bɛ́ boo mɛn pii, á ke: Tɔrɔ goon nə boe gɔsɛ a lɛ̀gɔn li die. Zaman gole kɔ́n nə n toɛ kanaa lɛ dan ganaa die.

Zeremii 9:11

Sii-dɔ̃li tan a n boe la a siin kɛn giala ma? Bɛ̀ Dɛnaa Lawa boo da ǹ dɛnaa nɛ, gána lɛ ziziɛ̃ mìi mɛn ganaa, tɛ kũ ka yɔrɔ mɛn nɛ min ná a kiɛ̃ a-n doɛ̃ dinin wa, a bɛ giala pɛ.

Busii pɛ 5:11

Wɔa zɔ́ɔn nə́ pàã zɛnaa lɔn ganaa *Siɔn kiwi, ka nɛlɔn nɛ Zudaa gána nɛ.

Ezekieli 32:30

Gɔsɛ a lɛ̀gɔn la a goledɛnan kɛn tumaa tan, kun ka Sidɔn minin kɛn tumaa nɛ, ǹ mɛnɛn lɛn nə gã. A laanɛ ǹ nə́ goã nyɛ́ɛ kiɛ minin ganaa ǹ kakabaa kɛa lɛa, ǹ zɛnaa ǹ sii lɛ sìi da ǹ dinin ganaa. Soroman manɛ. Min mɛnɛn nə gã zia la, ǹ nə́ ǹ gere bĩ kun ka bɛn nɛ. Bɛa sìi kɛ nə ǹ ganaa, kun ka wo tii li wolen ne.

Zowɛli 2:20

Kaa zɔ́ɔn mɛnɛn bɛ́ n toɛ gɔsɛ a lɛ̀gɔn li ǹ nə́ die, ma á re bɛn lɛ goɛ ka ganaa, ma ǹ dia sɔsɔɔ, don bǎã gere ne. Ǹ mɛnɛn bɛ́ nyɛɛnɛ, ma á re bɛn nyɛnɛɛ ma ǹ kaa lɛ̀giala a tà mu kɛ li. Ǹ mɛnɛn bɛ́ kio, ma á re bɛn nyɛnɛɛ ma ǹ kaa lɛ̀nyɛɛnɛ a mu kɛ li. Ǹ tá re giɛ̃ walan, ǹ gìĩ bɔ kusi kusi. A giala, ǹ dɔn nə́ basaã gigiã kɔ.

Zakarii 6:6

Sùi tìtìn bɛ́ ziabaa ǹ wotoro mɛn baɛ̃, bɛ n woe gɔsɛ a lɛ̀gɔn la gána kɛ nɛ, sùi fufun nə́ ǹ kio. Sùi tã bababan man woe gusin a lɛ̀gɔn la gána kɛ nɛ.