Zakarii 9:9 - LAWA A BOO SONBORE

⁹ *Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

LAWA A BOO SONBORE 2011

⁹ *Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Zakarii 9:9 ပူးပေါင်းရင်းမြစ်များ

Kiin1 1:38

Bɛ kio, Lawa a wúlu-bɔle Sadɔki ni, Lawa a boo gii-dali Natan nɛ, ka Zozadaa a nɛgiĩ Benaazaa woo kun ka Kerɛti minin laanka Pereti minin ni, ǹ nə́ Salomɔn da kii Davida a dundunsùi lɛ la, ǹ nə́ woo ne Giyɔn mu yala lɛa.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.

Loen 45:1

Koore a minin loe. A n boe loe-saalin goledɛnaa a sɛ́wɔ nɛ. A nə n loe tùtu wuu li. Kɔn narɛ ǹ loe ne.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 30:6

Negɛvu gána a boo gii: Koe gána nɛ, a foo ziziɛ̃ n gɔ̀nɔn bìn diɛ. Yàra san nɛ ka yàra daanan nɛ, kɔrɔkanan nɛ ka tɔɔ babaraa piɛ̃ wolen giã ǹ bǎã nɛ. Kaa dia dí-a wolen manə ǹ naforon goɛ dudunun la, ǹ nə́ ǹ gɔn mànan kiɛ nyɔɔmaan dɔ́ɔ̃ nɛ. Bǐɛ̃baa ǹ mànan manɛ ǹ tá woe koe Ezipti minin la, a da yaa ǹ ba re boe sii kɔn dɔ la ǹ zɛnaa ǹ nɛ wa.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 40:9

*Siɔn boo tii kɔɔ̃n pɛle, dii kele sasa la, Zeruzalɛmu, boo tii kɔɔ̃n pɛle, n lɛn saa ka pàã nɛ, n lɛn saa lon, nyɛ́ɛ nyan nə n kũ wa. A pɛ Zudaa kiwin manɛ: «Kaa Lawa á ke!

Izayii 43:11

Ma din, ma dinsɔɔ̃ n Dɛnaa Lawa lɛa. Bɛ̀ á n bɔ masɛ nɛ, kirisibaali kɔsɔ banban.

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Izayii 52:7

Kɛ n foo kɔɔ̃n lɛa, dia dí-a wole mɛn bɛ́ boe kelen mìi ni, a n là nyantoro boo diɛ, a n boo tii kɔɔ̃n pii, a n kirisibaa boo diɛ. A n pii Siɔn nɛ: «N Lawa lɛ n kii lɛa.»

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 62:11

Á ke, Dɛnaa Lawa lɛ n boe yǎa tán lɛ dan ganaa. Ka pɛ Siɔn kiwi ni: «N kirisibaa wole á ke yii die. A màn mɛn yɛ a n die ka bɛ nɛ. A n die ka a dí a saraa nɛ.»

Zeremii 30:9

Sɛnɛ, maǹ die dí nyɛɛ masɛ din Dɛnaa Lawa, ǹ Lawa nɛ. Ǹ tá re dí nyɛɛ ǹ kii Davida a kion min kɛ nɛ, ma á re koɛ ǹ mìi la.»

Ezekieli 21:32

Basaã woo basaã, man die basaã din taãn kɛ koe Zeruzalɛmu ni! Bɛa basaã lɛ miã din tɔn yɛ duduu wa. A n die goɛ̃ miɛ̃ yǎa bɛa sii lɛ a zɛnaali wole die.»

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Misee 4:8

Nsɛ Siɔn kele lɛ, maa zaman kɛa daa ǹ bǎã, Zeruzalɛmu kiwi a lɛduə̃ ǹ bǎã, n lɛlɛ a pàã lɛ á re wusii a dɔ n-a, kiibaa lɛ á re wusii a da Zeruzalɛmu kiwi.»

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Zakarii 2:10

Dɛnaa Lawa pɛ: «Haya, ka baa si, ka baa si. Ka soo ka n bɔ gɔsɛ a lɛ̀gɔn la gána kɛ nɛ, Dɛnaa Lawa a da ǹ boo ne. Kasɛn manɛ má ka pɛsɛ̃ kanaa gùrù sii tumaa ganaa. Dɛnaa Lawa a da ǹ boo ne.

Matiə 1:21

A tá re nɛgiĩ yii, nsɛ Zozɛfu na a tɔ kɔ Yezu, bɛ giala mà "Lawa n wɔ boe", a din nə die a tɔrɔn kirisibiɛ ǹ sii baraan ganaa.»

Matiə 11:29

Ma a kakaarɛ wa, ma a min puusə koe wa. Ma bɛ́ guĩ mɛn koe ka la ka bɛ lɛ si, ka maa doroo ma, piɛ̃ á re kiɛ ka ganaa.

Matiə 2:2

Ǹ nə́ nɔ̀n da ǹ nə́ pɛ: «Nɛnyaan mɛn bɛ́ á yɛ, a n die Zuifun kii biɛ, a n maa? Wɔ́ n toa wɔa gána nɛ, wɔ́ a leere yɛ á bɔ lɛ̀giala-n, wɔ n wɔ́ daa a guguru kɔ.»

Marki 11:7

Ǹ nə́ daa ka dundun banɛɛ lɛ nɛ Yezu li, ǹ nə́ ǹ mɔnaan kaa a dɔ̀ɔ̃ nɛ, Yezu dii á giã la.

Luku 24:27

Bɛ kio á boo saa doo, Lawa a boo á màn mɛn tumaa diɛ a wɔ gɔn la, á bɛ giala pɛ ǹ nɛ. A ná a giala kɔ Muizu a sɛ́wɔn ganaa, á daa Lawa a boo gii-dalin gialakunun kɛn wɔn yaa.

Zaã a sɛ́wɔ 1:49

Bɛ kio, Natanayeli tɔ́n pɛ Yezu ni: «Mìinaa, masɛ dɔ̃ sisia, máa ma n Lawa a Nɛ lɛa, máa ma n Izirayeli minin kii lɛa.»

Zaã a sɛ́wɔ 19:15

Sɛnɛ, ǹ nə́ kaa lɛ-dɛ nɛ: «A dɛ a gã! A dɛ a gã! A dere gɔn ganaa!» Pilati wusoo á pɛ: «Ká mà ma kaa kii lɛ dere gɔn ganaa?» Wúlu-bɔlen goledɛnan mà a ganaa mà ǹsɛn kii kɔsɔ banban á kiɛ̃ Rɔmun kii gole gole la wa.

Sii yɔrɔ-bɔlen 10:4

Nɛgiĩ pɔsɔɔ na á goã a lon, ǹ nə́ goã bɛ̀ ǹ dii dundun pɔsɔɔ la. Kiwi dadara pɔsɔɔ dɔ na á goã ǹ lon. Haalɛ tɔn pelo, maǹ tɔn bɛa bǎãn lɛn bíi mà "Zayiiri a kiwin", Galaati gána nɛ.