Zakarii 9:8 - LAWA A BOO SONBORE

⁸ Ma á re maa gána lɛ lɛduĩ, ma a kirisibaa zɔ́ɔ woo a daa wolen ganaa. Tiin kiã kɔn ba re die boe maa zaman yii-n doo wa. A giala, má n yiin doa ǹ la kanna.»

LAWA A BOO SONBORE 2011

⁸ Ma á re maa gána lɛ lɛduĩ, ma a kirisibaa zɔ́ɔ woo a daa wolen ganaa. Tiin kiã kɔn ba re die boe maa zaman yii-n doo wa. A giala, má n yiin doa ǹ la kanna.»

Zakarii 9:8 ပူးပေါင်းရင်းမြစ်များ

Samayeli2 16:12

Kɔntan, Dɛnaa Lawa á re giɛ maa nɔmaa kɛ ganaa, a wusoo a yii-nyɛɛ kɔ ma la, Simeyii a lɛn babaraa bíi kɛ lɛ bǎã nɛ.»

Kiin2 19:34

Man die kiwi kɛ tamɛɛ, ma a kanbaa ma din laanka maa dí-nyali Davida taman yii.

Kiin2 23:29

Zoziasi a kiibaa biikoo li, Ezipti gána a kii Nekoo woo ziabaa Asiirii gána a kii-a, dia-n woe Efrati tà ganaa. Kii Zoziasi lɛ woo a gialaa, sɛnɛ Ezipti gána a kii lɛ yii mɛ Zoziasi ganaa lɔn gɔrɔ, á dɛ á gã Megidoo kiwi.

Kiin2 24:1

Zoakiimu a biikoo li, *Baabilonii gána a kii Nebukadenezɔɔrɔ soo á woo ziabaa kɔn ka Zoakiimu ni. Zoakiimu ná a wɔ da Nebukadenezɔɔrɔ wɔ gɔ́ɔ̃ nɛ lɛ̀ sɔɔ. Bɛ kio, Zoakiimu nə́ n bɔlɔ bɔyaa, á n gòãn dii Nebukadenezɔɔrɔ ganaa.

Loen 34:7

Masɛ n koe-yɛle goon lɛa. Ma bɛ́ má Dɛnaa Lawa bíi, á ma lɛ ma, á ma kirisibaa maa fuu-yɛ tumaa gɔ́ɔ̃ nɛ.

Loen 72:4

Toa kii lɛ sii sonbore zɛnaa, n din a tɔrɔ lɛ a doobaan manɛ, a n baa ǹ kirisibaali lɛa. Sɛnɛ, min mɛnɛn bɛ́ mɛnɛɛ doobaan la, toa a bɛn dɛ.

Bɔ bɛ̀rɛbaa nɛ 3:7

Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Bɔ bɛ̀rɛbaa nɛ 3:9

Kanna kəni, Izirayeli nɛnyaanan lɛn lɛ-dɛ dɔ ma ganaa. Ezipti minin bɛ́ nɔmaa mɛn diɛ ǹ mìi ni, má bɛ dɔ yɛ.

Suusun 3:25

Nyɛ́ɛ a re kirii n la tán bǎã goon ne wa. Min baraan ba re yui n gialaa wa.

Izayii 26:1

Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Izayii 31:5

Ka bàan bɛ́ n nyàa nyoɛ̃ a nɛnyaanan la lɔn, Dɛnaa Lawa Pàãyiidɛnaa n die Zeruzalɛmu tamɛɛ miɛ̃. Á re a zia gii diɛ, a na a kanbaa. Á re tamɛɛ, a na a kirisibaa.

Izayii 4:5

Bɛa waáraa, Siɔn kele la, ka zaman mɛn tumaa bɛ́ soe-n kɔn, á re labara boe penleen, a tɛmaa laanka tɛ buə̃ bɔ tèlò-n. Dɛnaa Lawa a gugurubaa n die n koe ǹ tumaa lɛ ka zìã gole bɛ́ lɔn,

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Izayii 52:12

Sɛnɛ ka nyan soo kiwi lɛ nɛ ká baafuubaa nɛ ká maǹ ka lui wa. A giala, Dɛnaa Lawa din nə tɔ we ka nyɛɛnɛ, Izirayeli a Lawa n tɔ we ka kio.

Izayii 54:14

Peperebaa n die pàã koe n la. Giã tìãlɛa mɛnaa ma la ganaa, nyɛ́ɛ ba re n kuĩ doo wa. N wɔlɔ sɔsɔɔ kɔ nyɛ́ɛ ganaa, a ba re n mɔrɛ n ganaa doo wa.

Izayii 60:18

Kakaarɛbaa boo ba re n miɛ n gána-n doo wa. Basaã laanka kɛbɔlɔ boo á re n diɛ n gána gɔ́ɔ̃-n wa. N kungɔnɔn kɛn tɔ n die goɛ̃ "Kirisibaa", n kiɛnlɛn tɔ goã "tɔ bɔ".

Zeremii 31:12

Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Zeremii 46:13

Nebukadenezɔɔrɔ bɛ́ yui Ezipti gána gialaa ǹ mɛn waáraa, Dɛnaa Lawa boo da ka Lawa a boo gii-dali Zeremii-n kɛnɛn:

Zeremii 46:2

Ezipti a paǹ li: Lɛ dia á ke Ezipti ǹ kii *Faarahɔn Nekoo a sɔraasin wɔ paǹ li. Zoziasi a nɛgiĩ Zoakimu a kiibaa lɛ siibaa ǹ wɔ li Zudaa gána mìi la, bɛ̀ Eziptin kii n Karkemisi kunu Efrati tà ganaa. Bɛa biikoo lɛ li, Baabiloniin kii Nebukadenezɔɔrɔ gɔ̀lɔ̀baa yɛ la.

Ezekieli 39:29

Ma á re ma din Yiri kɛ koe Izirayeli tɔrɔn la, ma a re n yɔrɔ bɔyɛɛ ma bɔ ǹ la doo wa. Ma din Dɛnaa Lawa a da ǹ boo ne.»

Amɔɔsi 9:15

Ma á re wusii ma da ǹ nɛ ǹ gána nɛ, ma gána mɛn lɛ kɔ ǹ la. Ǹ gòãn tá re we tán walan, min ná a re boe la a ǹ loo doo wa. Masɛ, kaa Dɛnaa Lawa lɛ a da ǹ boo n ka bɛ nɛ.

Zakarii 12:4

Bɛa waáraa, Dɛnaa Lawa a da ǹ boo ne, man die nyɛ́ɛ kiɛ sùin tumaa ganaa, ǹ da baa-a wolen kɛn, ma gàãn yoo bɛn li. Sɛnɛ ma á re giɛ Zudaa walan, ma a zɔ́ɔn sùin tumaa yiin tã.

Zakarii 12:8

Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

Zakarii 14:11

Minin tá re giɛ̃ kiwi lɛ nɛ, a ba re n yui doo wa. Minin tá re giɛ̃ a nɛ yii-nyɛɛ la.

Zakarii 9:7

Siĩ gɔ̀dɛnaa ke ǹ lɛ-n, ma á re bɛ boe ma bɔ a nɛ. Mà bɔbɔnɛɛ ke a ganaa, ma á re bɛ pii ma bɔ a ganaa. Min mɛnɛn yii bɛ́ re goɛ̃ koo ǹ bii, bɛn tá re maa wɔn biɛ ka Zudaa a kiã bɛ́ lɔn, Ekrɔn minin tá re goɛ̃ ka Zebuzu tɔrɔn bɛ́ lɔn.

Nya ǹ dín 7:34

Sonbore, má maa tɔrɔ lɛ a nɔmaa yɛ Ezipti gána nɛ, má a ginii lɛ dɔ ma, man gisĩ má n die sii sii la. Sisia Muizu, woo. Masɛ n die n diɛ Ezipti gána nɛ.»

Sii-nyaan 20:9

Ǹ nə́ ke ǹ nə́ soo kanaa paǹ tumaa li, ǹ nə́ die, Zeruzalɛmu kiwi mɛn bɛ́ kɔɔ̃n Lawa ganaa, a din a minin giã ǹ bǎã lɛa, ǹ nə́ bɛ lɛnpɛnɛ. Sɛnɛ, tɛ bɔ lon á daa ǹ tumaa kũkũ.