Zakarii 9:6 - LAWA A BOO SONBORE

⁶ Minbuiinin man die goɛ̃ lɔloɛ-n kɔn Asidɔdi kiwi. Dɛnaa Lawa pɛ: «Kɛa yɔrɔ kɛ lɛ la, man die Filisiti minin din gole kɔ kɛ nyɛɛ.

LAWA A BOO SONBORE 2011

⁶ Minbuiinin man die goɛ̃ lɔloɛ-n kɔn Asidɔdi kiwi. Dɛnaa Lawa pɛ: «Kɛa yɔrɔ kɛ lɛ la, man die Filisiti minin din gole kɔ kɛ nyɛɛ.

Zakarii 9:6 ပူးပေါင်းရင်းမြစ်များ

Boo-laakalaali 6:2

Min nə ke, Lawa naforo kɔ la, ka gɔn màn laanka yii gugurubaa nɛ. Màn woo màn sii tá a ganaa, bɛ kɔn wɛɛ̃ ba a ganaa wa. Sɛnɛ, Lawa na a bii ǹ lɛ kɔ la wa, a giala min kɔsɔ n die bii. Bɛ dɔ giala banban, a n koe sii kaka lɛa.

Izayii 23:9

Dɛnaa Lawa Pàãyiidɛnaa na á golee bɛ li, màn mɛn bɛ́ toɛ a din koa wolen kɛn gisĩ, a kanaa a min dadaraan kɛn yii puusə kɔ.

Izayii 28:1

Wàa koe-n ka kɛ nɛ Samarii ganaa! Efrayimu a yɔ-milin man nə n dinin koɛ kiwi k a lɛa. Ǹ dinin yii li a n ka kii bafolo bɛ́ lɔn tenten mìi ni nyankɔrɔ basa sonbore kɛ nɛ. Sɛnɛ, ka da buũ gere bɛ́ lɔn yɔ-milin mìi ni, kiwi lɛ dɔ n die n biɛ miɛ̃.

Zeremii 47:1

Dɛnaa Lawa boo da Lawa a boo gii-dali Zeremii ni, Filisiti minin wɔ paǹ li. A bɛ́ n zɛnɛɛ, bɛ̀ Eziptin kii tɔn yoo Gaazaa gialaa wa.

Amɔɔsi 1:8

Min mɛn lɛ á ke pàã la Asidɔdi kiwi, ma á re bɛ dii ma bɔ walan kiibaa lɛ bɛ́ min mɛn gɔn Asikalɔn, ma á re bɛ dii ma bɔ walan. Ma á re sii nyɛɛ Ekrɔn minin kɛn yii ni, Filisiti minin mɛnɛn bɛ́ re goɛ̃, ma á re bɛn dɔn dii lenlen. Dɛnaa Lawa na á pɛ miɛ̃.

Sofonii 2:10

Ǹ bɛ́ re màn mɛn yii ǹ din gole kɔ lɛ taman yii bɛ n ka kɛ lɛ nɛ. A giala, maǹ nə́ sɔ kɔ kanaa tumaa a Dɛnaa Lawa Pàãyiidɛnaa a zaman ganaa, ǹ nə́ yaa wɔ ǹ ganaa, ǹ nə́ ǹ dinin gána gole kɔ bɛ̀ ǹ tá maa zaman a bǎãn sii ǹ la.

Sofonii 2:4

Gaazaa kiwi kɛ gɔ́ɔ̃ kooro n die goɛ̃. Asikalɔn sɛ n die n bɔ̀n biɛ. Asidɔdi minin tá re n lui penleen tã. Ekrɔn kiwi kɛ sɛ n die n wurii.

Zakarii 9:5

Bɛ̀ ǹ nə́ bɛ yɛ, nyɛ́ɛ á re Asikalɔn kiwi kuĩ, Gaazaa gɔ̀nɔn tá re bìn diɛ nyɛ́ɛ gɔn. Foo doa ǹ bǎã ba Ekrɔn la wa, kii ba re yii Gaazaa doo wa, min ba re goɛ̃ Asikalɔn kiwi-n wa.

Zakarii 9:7

Siĩ gɔ̀dɛnaa ke ǹ lɛ-n, ma á re bɛ boe ma bɔ a nɛ. Mà bɔbɔnɛɛ ke a ganaa, ma á re bɛ pii ma bɔ a ganaa. Min mɛnɛn yii bɛ́ re goɛ̃ koo ǹ bii, bɛn tá re maa wɔn biɛ ka Zudaa a kiã bɛ́ lɔn, Ekrɔn minin tá re goɛ̃ ka Zebuzu tɔrɔn bɛ́ lɔn.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»