Zakarii 9:16 - LAWA A BOO SONBORE

¹⁶ Bɛa pinaa, Dɛnaa Lawa, ǹ Lawa á re ǹ kirisibiɛ ka tɔɔn-lɛduə̃li bɛ́ a tɔɔn kirisibiɛ lɔn. Maǹ die tɛ pii ǹ gána nɛ ka kɔlɔ giɔ̀mɔ kaka bɛ́ lɔn, kii bafolo ganaa.

LAWA A BOO SONBORE 2011

¹⁶ Bɛa pinaa, Dɛnaa Lawa, ǹ Lawa á re ǹ kirisibiɛ ka tɔɔn-lɛduə̃li bɛ́ a tɔɔn kirisibiɛ lɔn. Maǹ die tɛ pii ǹ gána nɛ ka kɔlɔ giɔ̀mɔ kaka bɛ́ lɔn, kii bafolo ganaa.

Zakarii 9:16 ပူးပေါင်းရင်းမြစ်များ

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Bɔ bɛ̀rɛbaa nɛ 28:21

Kɔlɔn lɛn man die kɔn siɛ ka Zakɔba a nɛgiĩn tɔn lɛn nɛ: kɔlɔ fulupaa ka ǹ dɔn tɔn lɛn bɛ́ lɔn. Maǹ die goɛ̃ Izirayeli nɛnyaanan tɔrɔgiala basa fulupaa kɛ a sii nyaa ǹ sii lɛa.

Bɔ bɛ̀rɛbaa nɛ 28:9

N kɔlɔ sonbore màn paa saa, n Zakɔba a nɛgiĩ fulupaa kɛ tɔ kiɛ̃ ǹ ganaa.

Izayii 40:10

Á ke, kaa Dɛnaa Lawa n die ka pàã gole ne. Pàã tá a lon, a giã minin mìi la. Á ke, a màn mɛn yɛ, a n die ka bɛ nɛ. A n die ka a dí a saraa nɛ.

Izayii 54:12

N kungɔn lalan nə die goɛ̃ kɔlɔ giɔ̀mɔ kakaa tã lɛa. N kiɛnlɛn man die goɛ̃ kɔlɔ tɛ-pɛlen lɛa ǹ nə́ la damalen ne. Kungɔn mɛn tumaa bɛ́ kiwi lɛ lɛnpɛnɛ, a yii n die n doe ka kɔlɔ giɔ̀mɔ kakaa nɛ.

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Izayii 60:3

Tɔrɔn tá re die n wɔlɔ fúlu kɛ ganaa. N baayɛlɛ a tɛ fúlu kɛ á re kiin baɛ̃.

Izayii 62:3

Ma n die goɛ̃ ka kii bafolo bɛ́ lɔn Dɛnaa Lawa gɔn, ka kii mɔnaa gɔn siĩn-siĩn bɛ́ lɔn n Lawa gɔn.

Zeremii 23:3

Bɛ kio, má maa zaman gialakun kɛ loo má ǹ pɛsɛ̃ gánan mɛnɛn nɛ, ma dinmaa á re ǹ soekɔn ma bɔ ǹ nɛ walan, ma da ǹ nɛ ǹ lɛduə̃ ǹ bǎã nɛ. Ǹ tá re buluboe walan, ǹ mɔnaa.

Zeremii 31:10

Kasɛn, tɔrɔ kɔsɔn lɛn, ka n too kɔ Dɛnaa Lawa a boo li. Ka a boo da bǎã sɔsɔɔ dɛnan kɛn manɛ, ka pɛ: Dɛnaa Lawa din na á Izirayeli minin pɛsɛ̃ bǎã tumaa nɛ. Sisia, a nə ǹ soekɔn, á ǹ tamɛɛ, ká tɔɔn-lɛduə̃li á ke a tɔɔn lɛduĩ lɔn.

Zeremii 31:11

Dɛnaa Lawa Zakɔba a minin kirisibaa. Zɔ́ɔ mɛn pàã bɛ́ á la ǹ nɛ, á ǹ si bɛ la, á ǹ kaa.

Ezekieli 34:11

Masɛ Dɛnaa Lawa n kɛ pii: «Á ke, kanna kəni, ma dinmaa n die ma a sèren lɛn basa boe, ma ga ǹ walan.

Ezekieli 34:12

Bɛ̀ tɔɔn-lɛduəli a tɔɔn nə́ papaã ǹ mɛn pinaa, a bɛ́ giɛ ǹ li lɔn, ma dɔ n die woe giɛ maa wɔn lɛn li miɛ̃. Ǹ sasawaa ǹ nə́ woo bǎã mɛn tumaa nɛ furumə gole ka wɔlɔ tì pinaa kɛ nɛ, ma á re ǹ wɛɛ, ma ǹ bɔ walan.

Ezekieli 34:31

«Ka n maa sèren lɛa, ka n maa tɔɔ kuru lɛa, ma ń giɛ ka walan, ka n minbuiinin lɛa, masɛ n kaa Lawa lɛa. Ma din Dɛnaa Lawa a da ǹ boo ne.»

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Misee 7:14

Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Sofonii 3:20

Bɛa biikoo li, ma á re die ka ka nɛ. Bɛa biikoo li, ma á re ka lɛ soekɔn. Kanna kəni, ka tɔ á re boe, ka tɔ á re gole koe a là tɔrɔ tumaa nɛ tán la, ma wusoo ma bǐɛ̃ kɔ ka ganaa ka gɔn-nyɔmiɛ̃ sonbore ne. Dɛnaa Lawa mà miɛ̃.

Azee 2:23

Dɛnaa Lawa Pàãyiidɛnaa pɛ: «Bɛa pinaa kɛ lɛ nɛ, man die n kuĩ, nsɛ Zorobabeli, Salatieli a nɛ maa kialandɛnaa, hiĩ, Dɛnaa Lawa na á pɛ, man die n biɛ ka kaaran bɛ́ lɔn ǹ tá we góon ganaa, n tá re sii zɛnɛɛ ka ma tɔ nɛ. A giala ma din ni má n bɔ. Dɛnaa Lawa Pàãyiidɛnaa a da ǹ boo n ka kɛ nɛ.»

Zakarii 10:6

Ma á re Zudaa a zaman foo kaka koe, ma Zozɛfu a zaman kirisibaa. Ma á re wusii ma da ǹ nɛ piɛ, a giala, ǹ makara ma kũ. Maǹ die n biɛ ka ma bie má goã má n la bɔ ǹ ganaa wa. Hiĩ, ma din nə Dɛnaa Lawa, ǹ Lawa lɛa, ma á re ǹ nyankɔ lɛ sii.

Zakarii 8:23

Masɛ Dɛnaa Lawa Pàãyiidɛnaa n kɛ pii ka nɛ: Bɛa waáraa, tii tɔrɔ fù, ǹ tumaa n bɔlɔ totoro pii, bɛn tá re n gɔn parɛɛ *Zuifu min a mɔnaa lɛkoro ganaa, ǹ pɛ nɛ: «Wɔ n li wɔ wo kunun n ni. A giala, wɔ ma mà Lawa n kun ka nɛ.»

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Zaã a sɛ́wɔ 10:27

Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.