Zakarii 9:13 - LAWA A BOO SONBORE

¹³ Man die Zudaa gána biɛ maa ziabaa ǹ sa lɛa, ma Efrayimu baa a kiɛ lɛa. Siɔn, man die n nɛnyaanan diɛ Grɛki minin gialaa. Maǹ die goɛ̃ ma gɔn ka zia-baali a gɔya sa bɛ́ lɔn.»

LAWA A BOO SONBORE 2011

¹³ Man die Zudaa gána biɛ maa ziabaa ǹ sa lɛa, ma Efrayimu baa a kiɛ lɛa. Siɔn, man die n nɛnyaanan diɛ Grɛki minin gialaa. Maǹ die goɛ̃ ma gɔn ka zia-baali a gɔya sa bɛ́ lɔn.»

Zakarii 9:13 ပူးပေါင်းရင်းမြစ်များ

Loen 144:1

Davida a loe. Maa barka á Dɛnaa Lawa ganaa. A din nə ma tamaɛ, a din nə ma darɛɛ ziabaa ganaa, a din nə pàã koe ma la zia la.

Loen 149:6

Ka n lɛn saa lon, ka barka da Lawa nɛ, gɔya sa lɛ paanan bɔle kɛ ń ka gɔn.

Loen 45:3

N tá siĩni, ń la minbuiin nɛ tumaa nɛ, boo bǐɛ̃ n boe n lɛ-n. Á ke, Lawa barka da n ganaa yǎa duduu.

Izayii 49:2

Á maa boo baa gɔya sa lɛ-bɔle lɛa, Á ma duru a gɔn wúlu li. Á ma baa kiɛ lɛ pɛpɛnɛ lɛa, á ma duru a kòã nɛ.

Zeremii 51:20

Dɛnaa Lawa pɛ: Baabilonii, ma nə́ n goã yele lɛa ma gɔn, maa zia da ǹ màn lɛa. N din barka nɛ, má tɔrɔn yɔyɔrɛ, má gánan ziziɛ̃.

Busii pɛ 4:2

A n siɛ lɔn, *Siɔn minin kɛn, yii n boe ǹ li ka sana yoreen bɛ́ lɔn, ǹ nə́ ǹ biɛ ka donkolon kooro bɛ́ lɔn fuũn nə́ bɔ.

Amɔɔsi 2:11

Má kaa nɛnyaanan kɔnɔn dɔn dinin bɔ maa boo gii-dalin lɛa, má kaa tɔntɔraa tenən kɔnɔn bɔ, din-kɔlen lɛa, maa dí kɛa lɛa. A n zɛnaa miɛ̃ wa, Izirayeli minin lɛn? Masɛ Dɛnaa Lawa n nɔ̀n diɛ ka la!

Abdiasi 1:21

Min mɛnɛn nə kirisibaa bɛn tá re dii Siɔn kele kɛ la, ǹ giã Ezawu gána mìi la. Kiibaa á die goɛ̃ Dɛnaa Lawa nɛ!

Efɛɛzi minin 6:17

Bɛ din tumaa kio, ka lɛ kɔ Lawa a minin kirisibaa kɛ ganaa, ka bɛ baa ziabaa ǹ bafolo lɛa. Yiri Fu bɛ́ Lawa a boo mɛn diɛ ka nɛ, ka bɛ baa gɔya sa lɛa.

Timote2 4:7

Má n doa má yɔ bɔ sɔnbɔraanɛ. Má dɔ maa baa lɛ dan ganaa. Má bɔlɔgoondɛnaa baa.

Ebrəə 4:12

Sonbore, Lawa a boo lɛ n boo yiikoonaa lɛa, pàã dɔ tá a nɛ, á lɛ boe á la gɔya paǹan paanan lɛbɔle tumaa nɛ. A n we min ni taãn-taãnɛ, yǎa a telenboen laanka yiri toɛ̃ kɔn, yǎa a gù kòròn laanka sɛwɔ toɛ̃ kɔn. A n min dùũ laanka a taasiɛ bǐɛ̃ boe kɔn lɛ ka a baraa nɛ.

Sii-nyaan 1:16

Leere sɔbaa na a gusin a gɔn nɛ, gɔya sa lɛn paanan lɛbɔle n soe a lɛ-n. A yɔrɔ goã tɛ pii ka penleen a wasa bɛ́ lɔn.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 19:15

Gɔya sa lɛbɔle-a n soe a lɛ-n, a n die tɔrɔ din tumaa dii ka bɛ nɛ. A n die ǹ lɛduĩ ka fɔlɔ bàbàla nɛ, a foo-yoo gole kɛ gɔ́ɔ̃ nɛ, a n die tɔrɛ ǹ la, ká ǹ bɛ́ rezɛ̃ tɔrɛ yala-n lɔn.

Sii-nyaan 19:21

Gɔya sa mɛn bɛ́ soe sùi fudɛnaa lɛ lɛ-n, bɛ na á ǹ zia-baali gialakunun kɛn dɛ. Bàanan tumaa nə́ ǹ mui ǹ nə́ kã.

Sii-nyaan 2:12

Sɛ́wɔ kɛ kiɛ̃ n dia Pɛrgamun Lawa a sɔmɔ a lon a dia dí-a wole la: «Masɛ mɛn bɛ́ gɔya sa lɛn paanan lɛbɔle n maa wɔ lɛa, man pii ka nɛ: