Zakarii 8:9 - LAWA A BOO SONBORE

⁹ Dɛnaa Lawa bɛ́ boo mɛn pii á ke: «Ka n foo taã. Ka bɛ́ boon mɛnɛn miɛ pelo, a din boon lɛn manɛ ka ǹ ma Lawa a boo gii-dalin lɛ-n Lawa a kion lɛ a gòã daa li a doe waáraa.

LAWA A BOO SONBORE 2011

⁹ Dɛnaa Lawa bɛ́ boo mɛn pii á ke: Ka n foo taã. Ka bɛ́ boon mɛnɛn miɛ pelo, a din boon lɛn manɛ ka ǹ ma Lawa a boo gii-dalin lɛ-n Lawa a kion lɛ a gòã daa li a doe waáraa.

Zakarii 8:9 ပူးပေါင်းရင်းမြစ်များ

KZS1 22:13

N wɔ á re bǐɛ̃ koe bɛ̀ n kɔ dí-pɛn kɛn lɛ ka landa boon kɛn nɛ Dɛnaa nə́ n kɔ Muizu la Izirayeli wɔ lɛa. Toa n goã kaka n foo tã, nyɛ́ɛ nyan nə n kũ wa, n nyan nə n foo ziziɛ̃ wa.

KZS2 15:7

Sɛnɛ kasɛn, kanna kəni, ka toa ka goã kaka. Foo-ziziɛ̃ nyan ka kũ wa. Ka á re kaa nɔmaa lɛ a saraa yii.»

Ɛsidrasi 6:14

Zuifun min golen lɛn nə́ boo la ǹ nə́ woo nyɛɛnɛ ka kion lɛ a doe ne, ka Lawa goã á ná a boo gii-dali Azee laanka Idoo a nɛgiĩ Zakarii da a pɛ ganaa lɔn. Ǹ nə́ kion lɛ a dɔ gɔn nyɔmɔɔ á kɔnpɛ Izirayeli a Lawa a gɔn-waa nɛ, ka Pɛrsi gána a kiin kɛn dɔn gɔn-waa nɛ, Siirusu ni, Dariusu ni ka Artagizɛrɛsɛɛsi ni.

Izayii 35:3

Ka pàã kɔ nyàa busulən la, ka kakabaa kɔ musi busulən la.

Izayii 35:4

Foo ziziɛ̃ bɛ́ min mɛnɛn ganaa, ka pɛ bɛn manɛ: «Ka n foo taã, nyɛ́ɛ nyan ka kũ wa. Kaa Lawa á ke. A n die kaa gɛ̀ dòo boe, kaa zɔ́ɔn nə sii baraa mɛn zɛnaa ka nɛ, a n bɛ dòo sarɛɛ ǹ la. A dinmaa n die ka kirisibiɛ.»

Azee 1:1

Dariyusu a koa kii lɛa lɛ̀ paabaa ǹ wɔ a mui sɔrɔbaa ǹ wɔ a lɛawaa bibinaa, Lawa a boo gii-dali Azee Dɛnaa Lawa a boo kɛ da Salatieli a nɛgiĩ Zudaan gánadɛnaa Zorobabeli ni ka Lawa a wúlu bɔlen goleedɛnaa Zozoe, Zozadaaki a nɛgiĩ ni, á pɛ:

Azee 1:12

Salatieli a nɛ Zorobabeli, ka Zozadaaki Lawa a wúlu-bɔlen goledɛnaa a nɛ Zozoe, ka zaman gialakun kɛ nə́ ǹ too da Dɛnaa Lawa, ǹ Lawa bɔlɔ li. Ǹ nə́ n too kɔ Lawa a boo gii-dali Azee lon, Dɛnaa Lawa bɛ́ á n mɛn lɛ dia ǹ la, zaman lɛ tɔ́n nyɛ́ɛ baa Dɛnaa Lawa yii ni.

Azee 2:18

A saa pelo ganaa ka lɛawaa kɔsɔn kɛn nɛ die, sii mɛn bɛ̀ re n zɛnɛɛ, ka n yiri koa li parasii ni. Mui manangɔrɔbaa ǹ wɔ a lɛawaa fuəwensii n Lawa a kion lɛ a gòã daa pinaa lɛa, ka n yiri koa li taãn-taãnɛ.

Azee 2:21

– A pɛ Zudaan gánadɛnaa Zorobabeli ni: «Ma á re bìn diɛ lon ganaa, ma á re bìn diɛ tán ganaa.

Zakarii 8:13

Zudaa laanka Izirayeli zaman, ka bɛ́ ka goã sii a kɔnboe lɛa, liɛ baraa we a paǹ li tɔrɔn bii, kanna kəni, man die ka kirisibiɛ ma barka da ka ganaa. Nyɛ́ɛ nyan ka kũ doo wa, ka n foo taã!»

Zakarii 8:18

Dɛnaa Lawa Pàãyiidɛnaa pɛ ma-n kɛnɛn:

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Timote2 2:1

N din wɔ paǹ li, nsɛ mɛn bɛ́ maa nɛ lɛa, wɔ bɛ́ Lawa a bǐɛ̃ mɛn giulun, wɔa tá kun ka Yezu *Krita-n lɛ gɔ́ɔ̃ nɛ, n dɔ nə n gɔn paraa bɛ lɛ ganaa, n nə n gù we yii.

Zozoe 1:6

N gù we yii, n nə n foo taã. A giala, man lɛ kɔ ka digolon la ka gána mɛn a sii ni, n din lɛ n die woe bɛ tatalɛ n kɔ zaman kɛ lɛ la.

Zozoe 1:8

N nyan toa dí-pɛn sɛ́wɔ kɛa boon nə n na n lɛ-a wa. N taasɛ bɛn lɛn ganaa penleen laanka tèlò ne, màn mɛn bɛ́ toɛ, boo mɛn tumaa bɛ́ kiɛ̃ nɛ a nɛ, n toa n zɛnaa ǹ sii tumaa kɔnpɛ ka bɛn nɛ. Bɛ̀ ń zɛnaa miɛ̃, n sii á re woe nyɛɛnɛ, á re bǐɛ̃ dɔ koe.