Zakarii 8:7 - LAWA A BOO SONBORE

⁷ «Dɛnaa Lawa bɛ́ boo mɛn pii á ke: Taãn nɛ, má n pii, man die maa zaman lɛ kirisibiɛ ma bɔ-n lɛ̀nyɛɛn laanka lɛ̀giala gánan nɛ.

LAWA A BOO SONBORE 2011

⁷ Dɛnaa Lawa bɛ́ boo mɛn pii á ke: Taãn nɛ, má n pii, man die maa zaman lɛ kirisibiɛ ma bɔ-n lɛ̀nyɛɛn laanka lɛ̀giala gánan nɛ.

Zakarii 8:7 ပူးပေါင်းရင်းမြစ်များ

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Loen 113:3

A kũ wasa a bɔ tán ganaa, a wo a yii-sã yaa, min tumaa Dɛnaa Lawa tɔ bɔ.

Loen 147:2

Dɛnaa Lawa n wusii Zeruzalɛmu doe. A n Izirayeli nɛnyaanan boe bɛ̀rɛbaa nɛ, ǹ soekɔn.

Loen 50:1

Asaafu a loe. Dɛnaa Lawa Pàãyiidɛnaa boo da. Á kanaa minin tumaa bíi wɔ, a saa lɛ̀ nyɛɛnɛ, yǎa lɛ̀giala-n.

Izayii 49:12

Ǹ nə́ ke yii! Maǹ boe sɔsɔɔ die. Ǹ tɛnɛn man boe gɔsɛ a lɛ̀gɔn la, gialakunun man boe lɛ̀nyɛɛnɛ, kɔsɔn man boe Ezipti gána nɛ, gusin a lɛ̀gɔn la.

Izayii 59:19

A kũ lɛ̀nyɛɛn ganaa min tumaa á re Dɛnaa Lawa tɔ guguru koe, a wo lɛ̀giala yaa, ǹ tumaa á re a tɔ a gugurubaa doɛ̃. Dɛnaa Lawa n die die ka mu tii bɛ́ lɔn nyankɔrɔ basa nɛ, piɛ̃ n noɛ̃ die ne.

Zeremii 31:8

A giala, man die boe ǹ ne gɔsɛ a lɛ̀gɔn la, ka gána sɔsɔɔn nɛ, ma ǹ sɔkɔn. Yii tere-an ne, bɔlɔkan nɛ, haalɛ lɔ nɔnɔan dinin laanka lɔn mɛnɛn nə nɛ yɛ sisia. Kɛ n zaman gole lɛa wusii die kànaa.

Ezekieli 11:17

Bɛ lɛ nɛ, á pɛ ǹ nɛ mà masɛ Dɛnaa Lawa n kɛ pii: Ma ka pɛsɛ̃ tɔrɔn mɛnɛn bii ka gána kɔsɔn nɛ, ma á re ka wɛɛ walan, ma ka sɔkɔn, ma Izirayeli gána lɛ kɔ ka la.

Ezekieli 36:33

Masɛ Dɛnaa Lawa n kɛ pii: «Bɛ̀ má kaa sii baraan tumaa pii má ǹ bɔ ka ganaa ǹ mɛn pinaa, kɛbɔlɔ bǎãn tá re wusii ǹ nə n dɔ, ma á re zaman mɔnɛɛ kiwin lɛn nɛ.

Zakarii 10:6

Ma á re Zudaa a zaman foo kaka koe, ma Zozɛfu a zaman kirisibaa. Ma á re wusii ma da ǹ nɛ piɛ, a giala, ǹ makara ma kũ. Maǹ die n biɛ ka ma bie má goã má n la bɔ ǹ ganaa wa. Hiĩ, ma din nə Dɛnaa Lawa, ǹ Lawa lɛa, ma á re ǹ nyankɔ lɛ sii.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Timəə dí-pɛn 30:3

Bɛ̀ á n baa miɛ̃, kaa Lawa, Dɛnaa Lawa lɛ á re makara boe ka ganaa. A ka pɛsɛ̃ tɔrɔn mɛnɛn tumaa bii ka nə́ ǹ bɛ̀rɛn lɛa, á re wusii a ka waa walan doo a ka sɔkɔn.