Zakarii 8:23 - LAWA A BOO SONBORE

²³ Masɛ Dɛnaa Lawa Pàãyiidɛnaa n kɛ pii ka nɛ: Bɛa waáraa, tii tɔrɔ fù, ǹ tumaa n bɔlɔ totoro pii, bɛn tá re n gɔn parɛɛ *Zuifu min a mɔnaa lɛkoro ganaa, ǹ pɛ nɛ: «Wɔ n li wɔ wo kunun n ni. A giala, wɔ ma mà Lawa n kun ka nɛ.»

LAWA A BOO SONBORE 2011

²³ Masɛ Dɛnaa Lawa Pàãyiidɛnaa n kɛ pii ka nɛ: Bɛa waáraa, tii tɔrɔ fù, ǹ tumaa n bɔlɔ totoro pii, bɛn tá re n gɔn parɛɛ *Zuifu min a mɔnaa lɛkoro ganaa, ǹ pɛ nɛ: «Wɔ n li wɔ wo kunun n ni. A giala, wɔ ma mà Lawa n kun ka nɛ.»

Zakarii 8:23 ပူးပေါင်းရင်းမြစ်များ

Siin Giala 31:41

Ma lɛ̀ fuə n ke n kion. Má dí nya n nɛ lɛ̀ fulusii gɔ́ɔ̃ nɛ, n nɛlɔ min paa kɛn lɛa. Ma dí nya n nɛ lɛ̀ sɔrɔ gɔ́ɔ̃ nɛ, màn mɛn bɛ́ toɛ, ma tɔɔn yɛ. Sɛnɛ, ń maa saraa bɔyaa gunyin fù.

Siin Giala 31:7

Kaa díi ma bebele, á maa saraa bɔyaa gunyin fù. Sɛnɛ, Lawa na a lɛ kɔ mà a mɛnaa ma la wa.

Kiin2 2:6

Yilii wusoo á pɛ Yiliizee ne: «Bǐɛ̃ kɔ n golee kànaa a giala Dɛnaa Lawa n ma diɛ Zurdɛ̃ tà lɛ-a.» Yiliizee ná a lɛ si: «N bɛ́ nə n tan, Dɛnaa Lawa Yiikoonaa lɛ tɔ nɛ, ma ba n niɛ̃ n ganaa wa.» Ǹ dinin min paa kiɛ̃ ǹ nə́ woo.

KZS1 12:18

Davida soo á n da ǹ lɛ, á boo da ǹ nɛ á pɛ: «Bɛ̀ là nyantoro a lɛa nɛ ka daa ma li ka n die n doe ma lɛ, ma á kun ka nɛ ka ma foo tumaa nɛ. Sɛnɛ, bɛ̀ ka n ka daa ka n die ma mìi doe li, ka ma kɔ maa zɔ́ɔn la, a da yaa maán ma sii kɔn dɔ la wa, wɔ digolon Lawa lɛ die a n baa bɛa siére lɛa a dɔlɔ bɔ ka ganaa!»

KZS2 15:9

Á Zudaa laanka Bɛnzamɛn minin sɔkɔn, ka Efrayimu, Manaasee ka Simiɔn tɔrɔn kɛn nɛ gùlin lɛa ǹ bii. Izirayeli min gigiã daa n duwəə la, a gialaa, ǹ nə́ yɛ mà Dɛnaa Lawa tá kun ni.

Zɔbu 19:3

Á ke, ká dɔ gunyin fù gɔrɔ sɔ koe ma ganaa. Ka n nyɛɛ ma yii-n miɛ̃, a sìi diɛ ka-a wa?

Boo-laakalaali 11:2

Ka bɛ dɔ nɛ, n gɔn màn gii kɔn ka min gigiã nɛ, a giala, koe sii mɛn bɛ́ boe la, a n zɛnaa kanaa kɛ nɛ, n ba bɛ doɛ̃ wa.

Izayii 3:6

Min tá re ǹ dɔɔ̃n kuĩ ǹ di a kion, a pɛ nɛ: «Mɔnaa bɛ́ nsɛ lon, wɔa kiã baa, n giã kɛbɔlɔn kɛn mìi la!»

Izayii 4:1

Bɛa pinaa kɛ nɛ, lɔ sɔbaa n die n parɛɛ giĩ goon ganaa, ǹ pɛ nɛ: «Wɔ saa lɔ lɛa, wɔ dinin tá re n toɛ̃ wɔa màn-bii laanka wɔa wɔ ǹ mɔnaa sii ni, laa n wɔa sìi kɛ saa n bɔ wɔ la.»

Izayii 45:14

Dɛnaa Lawa n kɛ pii: Izirayeli, Ezipti minin dí a là ke, Etiopii pii-kɔlen naforo ne, Sebaa min sɔsɔrɔn kɛn nɛ, bɛn tumaa n die die n li, ǹ nə n wɔ baa. Bɛa tɔrɔn lɛn tá re koe n lɛ, ǹ nə́ yii ni ka fɔlɔ biɛn nɛ. Ǹ tá re n musin koɛ tán-a n yɔrɔ-a. Ǹ tá re pii ka ǹ we ne n yɔrɔ-a: «Lawa nə n dinsɔɔ̃ li, lawa kɔsɔn kɛn man màn kooron lɛa.»

Izayii 45:24

«Peperebaa laanka pàã n yii Dɛnaa Lawa dinsɔɔ̃ li.» Min mɛn tumaa yɔ bɔ ma ganaa, ǹ tá re wusii ǹ da ma li, sìi nə ǹ ganaa.

Izayii 55:5

Á ke, n tá re tɔrɔn bíi, n nə́ n ba ǹ doɛ̃ wa. Bɛa tiin kɛn n nə́ n ba ǹ doɛ̃ wa, ǹ tá re n nanaɛ ǹ da n li. Maǹ die die masɛ Dɛnaa Lawa taman yii, n Lawa, Izirayeli a Lawa sonbore kɛa lɛa, asɛ mɛn bɛ́ li a n saa lon.»

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Izayii 60:3

Tɔrɔn tá re die n wɔlɔ fúlu kɛ ganaa. N baayɛlɛ a tɛ fúlu kɛ á re kiin baɛ̃.

Izayii 66:18

Dɛnaa Lawa pɛ: «Ma tá ǹ zɛnaa ǹ siin laanka ǹ taasiɛ doɛ̃. Man die bɔlɔ tumaa a tɔrɔn soekɔn. Ǹ tá re die, ǹ maa gugurubaa yɛ.

Misee 5:5

Ǹ tá re Asiirii gána kɛ lɛduĩ ka ziabaa ǹ gɔya nɛ, Nimɔrɔdi a gána kɛ lɛ, ǹ tá re a minin lui ka sɛmiɛ̃ nɛ, bɛ̀ ǹ wo ǹ koa ǹ kiɛnlɛ-a. Bɛ̀ Asiirii minin lɛn nə́ wɔ wɔa wɔ lɛ nɛ, bɛ̀ ǹ nə́ wɔ wɔa gána nɛ, a din lɛ á re wɔ sii ǹ la.

Sofonii 3:19

Bɛa biikoo li, min mɛnɛn nə bɔ n yii ni ka mɛnaa ma la siin ni, ma á re yui bɛn gialaa. Ma á re kaa busulən kaka koe. Ǹ wo ka min mɛnɛn nɛ gùli kɔ ǹ bàã nɛ, ma á re die bɛn nɛ piɛ. Kaa tɔ golebaa á re n diɛ wɔlɔ la, sìi ka kũ gánan mɛnɛn tumaa nɛ.

Minin nimi 14:22

Masɛ máa minin kɛn lɛn min kɔn ba re we gána lɛ-n wa. Ǹ nə́ maa gugurubaa yɛ, ka kaãbaa sii dadaran kɛn nɛ má ǹ zɛnaa Ezipti gána laanka diə gole gɔ́ɔ̃ nɛ. A laanka bɛ yii ni, ǹ nə n da ma gɔ́ɔ̃ li lɛ da wa. Ǹ nə́ ma bɔlɔ dɔ tii. Bɛ lɛ n ke, ma n lɛ kɔ ǹ digolon la ka gána mɛn lɛ nɛ, ǹ min kɔn yii ba re miɛ bɛ-a wa, a giala ǹ nə́ ma daa.

Luku 8:44

Bɛa lɔ lɛ nə́ n zɔ̃ á dɔ Yezu li, á golee a kio á n gɔn da a mɔnaan lɛkoro ganaa. A din bǎã lɛ-n gɔrɔ, a mà kaa lɛ golee.

Nya ǹ dín 19:12

Bɛ lɛ gɔ́ɔ̃ nɛ, minin man nə́ goã giɛ, patara laanka mɔnaa lɛkoron mɛnɛn nə n lɔ Pooli gɔ̀nɔn ganaa, ǹ bɛn goa ǹ nə ǹ da busulən ganaa. Bɛa busulən lɛn dɔn man nə́ goã kaka koe, nɔ̀ɔn baraa dɛnan nɔ̀ɔnɔn nə́ goã n boe ǹ ganaa.

Korɛnti1 14:25

Sii-durii mɛn bɛ́ a foo ne, bɛ á re yii kanaa. Á re n mìi kumii tán, a Lawa guguru kɔ, a pɛ: «Lawa á ka bii taãn-taãnɛ.»

Zozoe 8:35

Muizu boon mɛnɛn tumaa pɛ Zozoe ne, bɛa boo lɛ a goon goã, mà Zozoe na á pɛ Izirayeli zaman lɛ yii-n wa. Ǹ lɔn nɛ, ǹ nɛnyaanan nɛ, tɔrɔ kɔsɔn mɛnɛn dɔn dinin bɛ́ ǹ bii, á pɛ ǹ tumaa yii ni.