Zakarii 7:5 - LAWA A BOO SONBORE

⁵ «Boo da zaman tumaa nɛ ka Lawa a wúlu-bɔlen ne n pɛ ǹ nɛ: A lɛ̀ pɔsɔbaa n ka kɛ nɛ, ka nə n lɛ-sɔɔ, ka n gɛ̀ loen loe, mui sooro laanka a sɔbaabaa ǹ wɔ li. Taãn nə n pɛ, ka n bɛa lɛ soɛ lɛ zɛnɛɛ masɛ tɔ la?

LAWA A BOO SONBORE 2011

⁵ «Boo da zaman tumaa nɛ ka Lawa a wúlu-bɔlen ne n pɛ ǹ nɛ: A lɛ̀ pɔsɔbaa n ka kɛ nɛ, ka nə n lɛ-sɔɔ, ka n gɛ̀ loen loe, mui sooro laanka a sɔbaabaa ǹ wɔ li. Taãn nə n pɛ, ka n bɛa lɛ soɛ lɛ zɛnɛɛ masɛ tɔ la?

Zakarii 7:5 ပူးပေါင်းရင်းမြစ်များ

Kiin2 25:23

Zudaa gána a sɔraasin mìilandɛnaa tumaa laanka ǹ kiodɛnan bɛ́ ǹ nə́ ma, mà Baabilonii gána a kii lɛ Gedalia koa pàãdɛnaa lɛa, ǹ nə́ daa Gedalia yaa Misipaa kiwi. Bɛa kiodɛnan lɛn man ka kɛn nɛ: Netania a nɛgiĩ Isimayeli ni, Kareya a nɛgiĩ Zoanan nɛ, Netofaa kiwi min Tamewumɛti a nɛgiĩ Seraya nɛ, ka Yazania kɛ nɛ Maakaa tɔrɔ goon a nɛ lɛa.

Kiin2 25:25

Sɛnɛ, lɛ̀ a mui sɔbaabaa ǹ wɔ li, Isimayeli, Elisamaa a nɔ̀ɔn ke Netania a nɛ lɛa, kii tɔrɔ lɛa, bɛ daa kun ka giĩ fù ni, ǹ nə́ Geladia dɛ á gã kɔnlɛ ka Zudaa minin laanka Kalde minin kɛn nɛ ǹ nə́ goã kun ni Misipaa.

Izayii 43:23

A da yaa n bie n goã tɔɔ bisin koe masɛ la *wúlu màn tiɛ̃ lɛa wa. N masɛ guguru kɔ ka wúlu mànan nɛ wa. Ma n baa bɛ̀rɛ lɛa má gɔn màn liɛ n la wa. Ma n nɔmaa má màn gìĩ kɔɔ̃n sii n la wa.

Izayii 58:3

Sɛnɛ, maǹ pii: Wɔ n siɛ lɔn wɔ n lɛ sɔɔ n yii ná a ba a ganaa wa. Wɔ n siɛ lɔn wɔ n dinin gisĩ n nə́ n ba n yiri koɛ li wa. Má ǹ lɛ si kɛnɛn kəni: Sɛnɛ, ta ka n lɛ sɔɔ ǹ mɛn pinaa, ka n ka dinin gɔn tɔ dí nyɛɛ, ka n kaa dí-nyalin kuĩ baraa!

Zeremii 25:11

Gána lɛ din kuturu á re kɛbɔlɔ biɛ, bǎã bɔbɔnɛɛ lɛa. Tɔrɔn kɛn tumaa n die goɛ̃ Baabiloniin kii a pàã giulun yǎa lɛ̀ pɔsɔbaa.»

Zeremii 29:10

Dɛnaa Lawa n kɛ pii: – Bɛ̀ Baabiloniin kii a pàã kɛ dɔ lɛ̀ pɔsɔbaa, ma á re die kaa gú ganaa. Ma á re maa lɛ kɔ kɛ lɛ piɛ̃: Ma á re soe ka-n kànaa ma wo ka nɛ Zeruzalɛmu.

Zeremii 52:12

Baabiloniin kii Nebukadenezɔɔrɔ a kiibaa lɛ̀ fulumanangɔrɔbaa ǹ wɔ a mui soorobaa ǹ wɔ a lɛawaa fùbaa ǹ wɔ pinaa, Nabuzaradan wɔ Zeruzalɛmu. Baabiloniin kii-lɛduə̃lin goledɛnaa nɛ. A na á goã kun ka kii lɛa min yii guguru-an nɛ.

Ozee 7:14

Ǹ bɛ́ n lɛ mɛn dii ma li ke, bɛ̀ ǹ nə n duduwəə ǹ piìn la, taãn bie wa. Maǹ nə́ n kiɛ kun, màn mɛn bɛ́ toɛ ǹ *belee laanka duvɛ̃ yɛ. Sɛnɛ ǹ nə́ wusoo ǹ nə́ n bɔ ma kio.

Zakarii 1:12

Dɛnaa Lawa a Lon a dia dí-a wole lɛ tɔn pɛ: «Dɛnaa Lawa Pàãyiidɛnaa, a lɛ̀ pɔsɔbaa n ke n foo n yoo ne Zeruzalɛmu li kɔnlɛ ka Zudaa kiwi tɛnɛn nɛ. Yǎa biĩ n tɔn makara bɔ ǹ ganaa?»

Zakarii 7:4

Dɛnaa Lawa Pàãyiidɛnaa boo kɛ da ma nɛ:

Zakarii 7:6

Bɛ̀ kaa màn bii ka n màn mii, ka dinin là taman yii bie wa?»

Zakarii 8:19

Ka bɛ́ nɛn bɛ̀ ka n lɛ sɔɔ lɛ̀ a mui siibaa ǹ wɔ kɛ li, a soorobaa ǹ wɔ nɛ, a sɔbaabaa ǹ wɔ nɛ ka a fùbaa ǹ wɔ nɛ, bɛn tá re n bɔyɛɛ ǹ zɔ́n lɛawaan baa, piɛ̃-n ka nyɛnyaa laanka foo kɔɔ̃n nɛ, Zudaa minin ganaa. «Sɛnɛ, ka sonbore laanka là nyantoro narɛ.»

Matiə 23:5

Ǹ zɛnaa ǹ siin dinin tumaa n din nyaa sii lɛa. Bɛ lɛ na á toa, bɛ̀ ǹ Lawa a boo bǎãn kɔnɔn kiɛ̃, bɛ̀ ǹ kìri dadaran zumu ǹ ganaa a tɔ-a, bɛ̀ ǹ wɔ ǹ mìi-a hinlaa ǹ gɔn ganaa, pàsa mɛn bɛ́ ǹ tá kiɛ ǹ mɔnaa lɛkoron ganaa, bɛn man sɔsɔrɔ taãn-taãnɛ.

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:2

Bɛ̀ ka á doobaan goe ka wɔrɔ nɛ, ka baran n dinin nyaa minin yɔrɔ-a buəbuə, ka gɔ́ɔ̃ tì-an bɛ́ zɛnɛɛ Zuifun lɛsɔkɔn kionən laanka zii giala-an nɛ lɔn wa. Maǹ zɛnɛɛ miɛ̃ mà minin nə ǹsɛn laakalaa. Masɛ n pii ka nɛ, sonbore ne, ká kaa saraa yɛ á nya.

Matiə 6:5

Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

Korɛnti1 10:31

Bɛ lɛ nɛ, ta ka n màn bii, ta ka ǹ màn mii, ta ka n sii mɛn zɛnɛɛ, ka a tumaa zɛnaa Lawa tɔ golebaa a lɛa.

Korɛnti2 5:15

A na á gã min tumaa a lɛa, ń giɛ min mɛnɛn yii bɛ́ koo, bɛn baran ǹ yiikoonaabaa zɛnaa ǹ dinin lɛa doo wa, sɛnɛ, min mɛn bɛ́ á gã a yii kaa ǹ lɛa, ǹ zɛnaa bɛa lɛa.

Kolɔɔsi minin 3:23

Ta dí lɛ n lɔn, ka nya ka foo sonbore ne, ka n pɛ mà ka ǹ nyɛɛ Dɛnaa nɛ, ka bie nyɛɛ minin man wa.