Zakarii 7:14 - LAWA A BOO SONBORE

¹⁴ Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»

LAWA A BOO SONBORE 2011

¹⁴ Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»

Zakarii 7:14 ပူးပေါင်းရင်းမြစ်များ

KZS2 36:21

Dɛnaa Lawa goã á boo mɛn da Zeremii ni, mà a pɛ, bɛa yɔrɔ yɛ n ka kɛ nɛ: «Gána lɛ á re n toɛ walan lɛ̀ pɔsɔbaa, yǎa gána lɛ a susu ǹ lɛwaan lɛ piɛ̃, susui biikoo mɛn bɛ́ ǹ kɔ a zii lɛ wa, bɛ lɛ dòo n ka kɛ nɛ.»

Loen 58:9

Toa ǹ sii goã goon ka fɔrɔɔ nɛ, ǹ gã bɛ̀ ǹ mu n kiɛ. Ka nɔ̀ ziziɛ̃ bɛ́ lɔn, n baran toa ǹ yii wasa yɛ wa.

Izayii 17:13

Tɔrɔn gini n ka Yìsi mu gole a ginii bɛ́ lɔn. Bɛ̀ Dɛnaa Lawa paraa ǹ li, maǹ nə n mìi foɛ̃ ǹ wo sɔsɔɔ. Maǹ nə ǹ lui ka kele mìi ni ǹ piɛ̃ bɛ́ buu gere siɛ lɔn, ka la piɛ̃ bɛ́ gusuũ goɛ lɔn.

Izayii 21:1

Diə gole mɛn bɛ́ kunu yìsi mu ganaa, bɛa boo gii: Zɔ́ɔ n boe diə gole ne. Gána mɛn bɛ́ nyɛ́ɛ diɛ, a n boe walan. A n ka piɛ̃ gole bɛ́ lɔn, boe Negɛvu gána nɛ.

Izayii 60:15

Maǹ nə́ goã ǹ nə́ n la bɔ n ganaa, min kɔn ba n narɛ wa, min kɔn ba n yii koe n ganaa wa. Sɛnɛ sisia, man die n bǐɛ̃ koe, màn mɛn bɛ́ toɛ, ǹ foo kɔɔ̃n kɔ n din taman yii, yǎa duduu.

Izayii 66:15

Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Zeremii 12:10

Tɔɔ-lɛduə̃li gigiã maa rezɛ̃ wuru ziziɛ̃. Ǹ nə́ maa wuru tɔtɔrɔ. Maa bǎã kɔɔ̃n ke, ǹ nə́ bɛ bɔyaa ǹ nə́ baa diə gole lɛa.

Zeremii 23:19

Piɛ̃ gole yoo, Dɛnaa Lawa a foo-yoo ne. A n kurunkurun lɛa, min baraan mìi la.

Zeremii 30:23

Dɛnaa Lawa a piɛ̃ gole n die, a foo yoo baraa puru. Piɛ̃ gole n boe, kurunkurun gole ne, a n kuĩ zɛ̀rɛdɛnan mìi ni.

Zeremii 36:19

Kii a dí-nyali dadaran lɛn nə́ tɔn pɛ Baruku ni, mà a wo n duru, a laanka Zeremii ni, ǹ nyan toa min nə ǹ duru ǹ bǎã yɛ wa.

Zeremii 44:6

Bɛ lɛ nɛ má maa foo-yoo baraa kaa Zudaa kiwin laanka Zeruzalɛmu a ziin la. Ǹ nə́ kɛbɔlɔn baa, diə bǎã lɛa ka ka yii bɛ́ a ganaa lɔn pelo.»

Zeremii 5:15

Á ke, Izirayeli minin, tɔrɔ mɛn bɛ́ boe sɔsɔɔ, man die bɛ diɛ ka ganaa. Dɛnaa Lawa a da ǹ boo ne. Tɔrɔ nɛ pàã ná a lon, Tɔrɔ zizi ni, tɔrɔ lɛa, ka a ǹ bɔlɔ miɛ̃ wa, ka a ǹ boo a woo ǹ bǎã yii wa.

Zeremii 52:30

Lɛ̀ fuəweensɔɔbaa ǹ wɔ li, kii-lɛduə̃lin goledɛnaa Nebuzaradan Zudaa min biɛsɔbaa ka pusiwensooro (745) goa á woo ǹ ne. Ǹ tumaa a kaa kun ni min duu sii ka biɛsɔrɔ (4 600).

Ezekieli 12:19

Bɛ kio, n pɛ gána lɛ a minin manɛ: «Dɛnaa Lawa n kɛ pii Zeruzalɛmu minin wɔ paǹ li, ǹ mɛnɛn bɛ́ Izirayeli gána nɛ: Ǹ tá re ǹ màn bii ka gɔ́ɔ̃-bii ni, ǹ nə ǹ mu mi ka sùsù ni. A giala, gána lɛ á re ziziɛ̃ kun ka a gɔ́ɔ̃gɔ́ɔ̃ ǹ màn tumaa nɛ, gána minin lɛn tumaa a kakaarɛbaa taman yii.

Ezekieli 22:15

«Ma á re ka niniɛ kɔn tɔrɔ kɔsɔn bii, ma ka pɛsɛ̃ gána kɔsɔn nɛ. Gɔgɔrɛbaa ǹ siin kɛn ka tá ǹ zɛnɛɛ, ma á re ka kurii bɛ ganaa.

Ezekieli 5:10

Díin tá re ǹ nɛnyaanan soɛ̃ kiwi lɛ nɛ, nɛnyaanan dɔn tá re ǹ díin soɛ̃. Ma dɔlɔ mɛn boo da, man die bɛ lɛ boe ka ganaa. Kaa min mɛnɛn dɔn bɛ́ re goɛ̃, ma á re bɛn tumaa sasawɛɛ, ma ǹ kaa kanaa paǹ tumaa nɛ.»

Ozee 9:17

Maa Lawa á re n piɛ̃ ka Efrayimu minin kɛn nɛ, a giala, ǹ nə n too kɔ a lon wa. Ǹ tá re n binbirin boe tɔrɔ kɔsɔn bii.

Zowɛli 2:3

Bɛ̀ ǹ nə́ n yɔrɔ dia bǎã mɛn nɛ, ka tɛ n kuĩ die. Bɛ̀ ǹ nə́ bɔ bǎã mɛn nɛ, ka tɛ na á bɔ walan. Ǹ bɛ́ ǹ tɔn daa wa, gána lɛ na á goã ka Edɛn dù gɔrɔ kɛ bɛ́ lɔn. Sɛnɛ ǹ kiɛ̃ kio, á n baa ka maǹ nə́ don dɛ. Màn kɔn ba liɛ ǹ la wa.

Lawa a wúlu-bɔlen 26:22

Ma á re don màn baraan kiɛ ka ganaa, ǹ kaa nɛnyaanan laanka kaa tɔɔn dɛdɛ ǹ nə ǹ nya, ǹ ka dinmaan dɛ ǹ ka kiɛrɛ kɔ, ka min baran min yɛ kiɛ̃ kaa ziin la doo wa.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Amɔɔsi 1:14

Man diɛ tɛ kiɛ Rabaa kiwi a kungɔnɔn kɛn ganaa. Tɛ á re a duru ǹ bǎã kakan kɛn kuĩ, zia nɛn lɛ-dɛ wuu li zia la, piɛ̃ gole wuu li piɛ̃ a bɔ pinaa.

Nahumu 1:3

Dɛnaa Lawa foo a yui fufuu wa. Sɛnɛ a zɛ̀rɛdɛnaa bíi zɛ̀rɛbaãdɛnaa wa. A pàã golebaa miã banban. Piɛ̃ laanka kurunkurun na a kiɛ̃ ǹ zii lɛa. A gòã giulun gusuũ n ka labaran nɛ.

Abakuku 3:14

Ma nə n zɔ́ɔn kiãn mìi foɛ̃ ka ǹ dinin gɔn kiɛ nɛ: Maǹ die ka baa nɛ ka piɛ̃ gole bɛ́ lɔn, ǹ nə́ wɔ lui paǹ yii li. Maǹ nə n lɛ dii ka foo kɔɔ̃nbaa nɛ, ǹ yɔrɔ n boe ne durii a minin dɛ taman yii.

Sofonii 3:6

Dɛnaa Lawa pɛ: Má tɔrɔn papaã, má ǹ lɛduə̃ ǹ kungɔnɔn kɛn wuru, má ǹ kiwi gɔ́ɔ̃ baa ka diə gole bɛ́, min kɔn din ba kiɛ̃ walan doo wa. Ǹ kiwin nə́ bɔ̀n baa lenlen, min goon din ba ǹ nɛ doo wa.

Zakarii 2:6

Má nɔ̀n da la má a n woe maa. Á ma lɛ si mà asɛ n woe Zeruzalɛmu zoɛ̃, asɛ na a pəməbaa laanka a sasabaa dɔ̃.

Zakarii 8:1

Dɛnaa Lawa Pàãyiidɛnaa boo da ma nɛ, á pɛ:

Zakarii 9:14

Ka bɛ-n kəni, Dɛnaa Lawa n die yui lon ǹ mìi la, a kiɛ kɛ wo ka la a tɛ pɛ bɛ́ lɔn. Dɛnaa Lawa n die bɛn pii, a wo nyɛɛnɛ ka labara nɛ, boe gusin a lɛ̀gɔn la.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Timəə dí-pɛn 28:49

Dɛnaa Lawa á re tɔrɔ kɔsɔn diɛ, ǹ bɔ bǎã sɔsɔɔ nɛ kanaa lɛ dàn ganaa ǹ da ka gialaa. Ka a bɛa tɔrɔn lɛn dinin bɔlɔ miɛ̃ wa. Maǹ die die ka gialaa, ka giogialatã-a wɔ bɛ́ lɔn.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Timəə dí-pɛn 4:27

Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.