Zakarii 7:11 - LAWA A BOO SONBORE

¹¹ Sɛnɛ, minin nə́ n piã ǹ nə n too kɔ wa. Ǹ nə́ n dɔ̀ɔ̃ wɔ, ǹ nə́ n toon tã màn mɛn bɛ́ toɛ ǹ nyan màn kɔn ma wa.

LAWA A BOO SONBORE 2011

¹¹ Sɛnɛ, minin nə́ n piã ǹ nə n too kɔ wa. Ǹ nə́ n dɔ̀ɔ̃ wɔ, ǹ nə́ n toon tã màn mɛn bɛ́ toɛ ǹ nyan màn kɔn ma wa.

Zakarii 7:11 ပူးပေါင်းရင်းမြစ်များ

KZS2 33:10

Dɛnaa Lawa na á goã boo diɛ Manaasee ne kun ká a zaman nɛ, sɛnɛ ǹ goà n yiri koɛ li wa.

Nehemii 9:17

Ǹ nə́ n piã ǹ nə n too kɔ wa, n goã ń kaãbaa ǹ sii mɛnɛn zɛnaa ǹ nɛ, ǹ nə n yiri kɔ ka bɛn nɛ wa, ǹ nə́ n too laa. Ǹ gòãn dii lɛ gɔ́ɔ̃ nɛ, á wɔ ǹ mìi ni, mà ǹsɛn manə n lɛ goɛ ǹ wo bɛ̀rɛbaa ǹ bǎã lɛ-n doo. Sɛnɛ n nə ǹ toa walan wa, a giala n nə Lawa lɛa, Lawa mɛn nə́ ke minin sii baraan toɛ ǹ nɛ, bǐɛ̃ zɛnɛɛ, min makara doɛ̃, a foo ná a ba yui fufuu wa, a bǐɛ̃baa á gole taãn-taãnɛ.

Nehemii 9:26

Sɛnɛ, ǹ nə́ n kurəə ǹ nə́ n gòãn dii n ganaa, ǹ nə́ n dí-pɛ lɛ da ǹ gɔn dɔ̀ɔ̃ nɛ. N boo gii-dalin mɛnɛn dɔn nə goã miɛ ǹ ganaa mà ǹ wusoo ǹ da n ganaa, ǹ nə́ bɛn dɛ, ǹ nə́ sã dadaran wɔ.

Nehemii 9:29

Ń goã miɛ ǹ ganaa mà ǹ wusoo ǹ nə n dí-pɛ lɛ wɔ ǹ gɔn lɛ, sɛnɛ ǹsɛn nə́ ń dinin gole kɔ, ǹ nə n too kɔ n gɔn waa ǹ boon lɛn ganaa wa. N sii yɔrɔ bɔ ǹ boon mɛnɛn bɛ́, bɛ̀ min mɛn nə́ ǹ si, ǹ nə́ toɛ ǹ dɛnaa n liɛ, ǹ nə́ n piã ka bɛn nɛ. Ǹ nə́ n kɔkɔrɔ suĩ, ǹ nə́ n too laa, ǹ nə n too kɔ wa.

Bɔ bɛ̀rɛbaa nɛ 10:3

Muizu laanka Aarɔn woo wɔ Faarahɔn li, ǹ nə́ pɛ-n kɛnɛn: – Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ.

Izayii 28:12

A da yaa, á pɛ ǹ nɛ: «Kànaa n bǎã kiĩn lɛa. Min mɛn nɔmaa, ka toa bɛa dɛnaa nə n susu. Kànaa n bǎã kiĩn lɛa.» Sɛnɛ, ǹ lɛ kɔ ǹ nə́ n too kɔ wa.

Izayii 46:12

Mìi laa wolen lɛn, kasɛn mɛnɛn wɔlɔ bɛ́ sɔsɔɔ peperebaa ganaa, ka n too kɔ ma lon!

Izayii 6:10

Ǹ yiri lɔlɔkɔn, n nə ǹ too tã, n nə ǹ yii tã màn mɛn bɛ́ toɛ, ǹ yii nyan wɔlɔ yɛ wa, ǹ too nyan boo ma wa, ǹ yiri tã. Ka bɛ-n kəni, ǹ ba re wusii ǹ da ma li wa, ǹ ba re kaka koe wa.

Izayii 65:12

Sisia kəni, man die ka we kaa zɔ́ɔn gɔn. Ka tumaa n die n musin koɛ tán, ǹ ka bɔlɔ kuru. A giala, má lɛ dia, sɛnɛ ka n nyəə wa. Má boo da ka nɛ, sɛnɛ ka n too kɔ wa. Sii mɛn bɛ́ a kɔɔ̃n ma ganaa wa, ka n bɛ zɛnɛɛ. Sii mɛn bɛ́ a ma foo sii wa, ka n bɛ zɛnɛɛ.

Zeremii 11:10

Maǹ nə́ timəə ǹ digolon siɛ̃n la, ǹ mɛnɛn lɛn nə n piã mà ǹ ba n too koe maa boon ganaa wa. Maǹ nə́ kɔ lawa kɔsɔn lɛ ǹ nə́ ǹ guguru kɔ. Izirayeli minin laanka Zudaa minin nə́ maa lɛ kɔ kɔn la kɛ ziziɛ̃ má doa kɔn ka ǹ digolon ne.

Zeremii 13:10

Tɔrɔ baraan manɛ. Ǹ ba n too koe maa da ǹ boon li wa. Maǹ nə n dinin foo kaka koe, ǹ paraamaa-n lawa kɔsɔn ganaa ǹ tá ǹ guguru koe. Ǹ tá re n biɛ ka maabɛlɛ kɛ bɛ́ lɔn, a na a màn kɔn bǐɛ̃ koe doo wa!»

Zeremii 17:23

Ǹsɛn nə n too kɔ wa, ǹ nə n too da wa. Ǹ nə́ n mìi laa, ǹ nə́ n piã ka maa gɔn waa nɛ, ǹ lɛ kɔ a ganaa wa.»

Zeremii 17:27

Sɛnɛ, bɛ̀ ka n too kɔ ma lon wa, bɛ̀ ka susu ǹ pii koa maa wɔ lɛa wa, bɛ̀ ka guĩ da ka mìi ni, bɛ̀ ka bɔ ka Zeruzalɛmu a kiɛnlɛn nɛ, bɛ̀ á n baa miɛ̃, man die tɛ diɛ kiwi lɛ ganaa. Á re Zeruzalɛmu a kion sonboren kɛn kuĩ, a ná a nimi wa.»

Zeremii 19:15

– Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ma dɔlɔn mɛnɛn boo da kiwi kɛ wɔ paǹ li ka a lɛkoro-a kiwin ni, man die yui ǹ gialaa ka bɛn nɛ. A giala, kiwi minin lɛn mìi n laa nɛ. Maǹ nə n piɛ̃ ǹ ba n too koe maa da ǹ boon li wa.»

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 36:31

Ma á re yui a gialaa, a nɛnyaanan nɛ, ka a nɔ̀ɔnɔn nɛ. Ma á re yui a gána nyɛɛnaandɛnan dɔn gialaa. Ma á re ǹ sãn lɛn dɔlɔ boe ǹ ganaa. Ma koen mɛnɛn boo da ǹ nɛ ǹ nə́ ǹ golee li wa, man die bɛn lɛn diɛ ǹ mìi ni, Zeruzalɛmu minin ni ka Zudaa minin ni.»

Zeremii 42:21

Sɛnɛ pelo, man Dɛnaa Lawa, wɔa Lawa a boo binyəə koe ka la. Sɛnɛ, a boo mɛn yii da ma nɛ, ka a n too koe ǹ kɔn li wa.

Zeremii 44:16

«Ń bɛ́ mà n man boo diɛ wɔ nɛ ka Dɛnaa Lawa tɔ nɛ, wɔsɛn ba re n too koe n lon wa.

Zeremii 5:21

Ka n too kɔ kəni, tɔrɔ yiriwɛɛnaan kɛn, baãnaan lɛa. Ka yiin tan sɛnɛ ǹ ba wɔlɔ yii wa, ka toon tan sɛnɛ ǹ ba boo miɛ wa.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Zeremii 7:24

Sɛnɛ, ǹ nə n too kɔ wa, ǹ nə n too da wa. Ǹ nə́ golee li mà ǹsɛn man koe ǹ taasiɛ bɔbɔnɛɛn lɛn lɛ, ka ǹ foo a baraabaa kɛ nɛ. Màn mɛn tá a ganaa ǹ nə n yɔrɔ dia ma la, maǹ nə́ n dɔ̀ɔ̃ wɔ ma nɛ.

Zeremii 7:26

Sɛnɛ, ka n too kɔ ǹ lon wa, ka n too da wa. Ka mìi n laa nɛ, kaa bɔnɛɛbaa la ka digolon wɔ nɛ.

Zeremii 8:5

Wàa na á baa Zeruzalɛmu zaman nə n lɛ goa zii kɛ ganaa, ǹ nə́ tɔn woe nyɛɛnɛ n piɛ̃ ka masɛ nɛ? Maǹ doa-n màn kooron ganaa, manə n piɛ̃ ǹ ba wusii die ma li wa.

Ezekieli 14:5

Man die zɛnɛɛ miɛ̃ màn mɛn bɛ́ toɛ ma Izirayeli minin lɛn kũ ǹ dinin taasiɛ ganaa, a giala, ǹ tumaa nə́ n na ǹ nə́ n bɔ ma ganaa, ǹ dìn lɛn taman yii.

Ezekieli 3:7

Sɛnɛ, Izirayeli tɔrɔn lɛn ba re n too koe n lon wa, a giala, ǹ ba li ǹ nə n too kɔ ma din lon wa. Sonbore ne, Izirayeli tɔrɔn lɛn tumaa too n kaka, n laɛ sii dɔ ganaa.

Ezekieli 5:6

Zeruzalɛmu minin lɛn nə́ n piã ka maa sii yɔrɔ bɔ ǹ boon ne, ǹ nə́ baraa kɔ ǹ nə́ la tɔrɔ kɔsɔn manɛ. Ǹ nə́ n piã ka maa landa boon ne, ǹ nə́ la gánan kɛn manɛ ǹ lɛnpɛnɛ. A giala, ǹ nə́ maa sii yɔrɔ bɔ ǹ boon lɛn tii, ǹ kɔ maa landa boon lɛn lɛ wa.»

Ozee 4:16

Izirayeli minin lɛn man piã-wɔlen lɛa, maǹ ka dii piã-wɔlen bɛ́ lɔn. Sisia kəni Dɛnaa Lawa n die ǹ ne, buu sɔ̃ ǹ bǎã gole ne ka sère tenən bɛ́ lɔn.

Sofonii 3:2

A n too kɔ min kɔn a bii wɔ li wa. A n too kɔ min kɔn a doroo li wa. A n foo doa Dɛnaa Lawa ganaa wa. A n mɔrɔ a Lawa ganaa wa.

Zakarii 1:4

Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

Matiə 13:15

A giala minin kɛn foo laa, ǹ nə́ n too tã, ǹ nə́ n yii tã, bɛ bie wa ǹ yii á die wɔlɔ yii, ǹ too á die boo miɛ, ǹ yiri á die a giala miɛ, ǹ wusoo ǹ da Lawa li, Lawa dɔ á die ǹ busu nyɛɛ ǹ foo ne, sɛnɛ, bɛ bɛ́ a bie ǹ yii li ǹ sii lɛa wa.»

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.

Nya ǹ dín 7:57

Kiri-wɔlen lɛn bɛ́ ǹ nə́ bɛ ma, ǹ nə́ ǹ gɔnɔn kɔ ǹ toon lɛ, ǹ nə́ n lɛ dɛ: «Ebe-be-be!» Bɛ kio, ǹ tumaa yoo kun, ǹ nə́ kaa la.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,