Zakarii 6:14 - LAWA A BOO SONBORE

¹⁴ «Kii bafolo lɛ n die goɛ̃ Dɛnaa Lawa a kion lɛ nɛ a minin yiri gisĩ Ɛldayii ni, Tobia ni ka Yedayaa nɛ ka Sefania a nɛgiĩ a bǐɛ̃ kɛ nɛ.»

LAWA A BOO SONBORE 2011

¹⁴ Kii bafolo lɛ n die goɛ̃ Dɛnaa Lawa a kion lɛ nɛ a minin yiri gisĩ Ɛldayii ni, Tobia ni ka Yedayaa nɛ ka Sefania a nɛgiĩ a bǐɛ̃ kɛ nɛ.»

Zakarii 6:14 ပူးပေါင်းရင်းမြစ်များ

Kiin2 25:18

Bɛ kio, minin-lɛduə̃lin mìilandɛnaa Nebuzaradan lɛ Lawa a wúlu-bɔlen kiã Seraya kũ, ka a koamala wole Sefania laanka kiɛnlɛ-lɛduə̃li min sɔɔ kɛ nɛ.

Bɔ bɛ̀rɛbaa nɛ 12:14

«Lɛ̀ woo lɛ̀, ka die ka n yiri gisĩ bɛa sii kɛ lɛ nɛ, ka baa zɔ́n gole lɛa, ka masɛ guguru kɔ nɛ. A n sii lɛa, màn mɛn ná a sàabiɛ doo duduu wa.»

Bɔ bɛ̀rɛbaa nɛ 28:12

Bɛa kɔlɔ màn paa kɛ lɛ da dí nya ǹ mɔnaa lɛ a kũ ǹ biɛn kɛn lɛn ganaa. Kɔlɔ màn paa kɛ lɛ n die goɛ̃ yiri gisĩ sii ni ǹ mànan lɛa, Izirayeli nɛnyaanan taman yii. Aarɔn dɔ n die woe ka ǹ tɔn kɛn nɛ Dɛnaa yɔrɔ-a, a mɔnaa kũ ǹ biɛn kɛn ganaa, bɛ n nyɛɛ mà Dɛnaa yiri a re boe ǹ ne duduu wa.

Bɔ bɛ̀rɛbaa nɛ 28:29

«Bɛ̀ Aarɔn tá woe bǎã sonbore lɛ nɛ, Izirayeli nɛnyaanan tɔn lɛn man die goɛ̃ bɛa tìãbii zéwo lɛ lalan. Bɛ n yiri gisĩ sii ni ǹ màn lɛa, Dɛnaa yɔrɔ-a biikoo tumaa li.

Zakarii 6:10

«Wo bɛ̀rɛbaa ǹ bǎã wolen nə bǐɛ̃baa ǹ mànan mɛnɛn kɔ Ɛldayii laanka Tobia ka Yedayaa la, lɛ kɔ bɛn ganaa. Maǹ boe *Baabilonii ǹ nə́ daa. Pelo dinin, n tá re woe Sefania a nɛgiĩ Zozia li, ǹ dɔn nə goã ǹ nə́ woo maa lɛn.

Zakarii 6:11

Sana laanka wɔrɔ bɔ, n kii bafolo zɛnaa nɛ, n wɔ Zozadaaki a nɛgiĩ Lawa a wúlu-bɔle gole Yesuwa mìi ganaa.

Minin nimi 31:54

Sɔraasin goledɛnan lɛn nə da ka sanan mànan mɛnɛn lɛn nɛ, Muizu laanka Lawa a wúlu bole Eleyazaara bɛn tumaa si, ǹ nə́ woo ǹ ne kɔn yɛ ka Lawa nɛ ǹ kion kɛ nɛ, màn mɛn bɛ́ toɛ a n baa Izirayeli minin lɛn yiri gisĩ sii ni ǹ màn lɛa, Dɛnaa Lawa yɔrɔ-a.

Matiə 26:13

Man pii ka nɛ, sonbore, ka bɛ́ re Boo Tii Kɔɔ̃n pii kanaa paǹ mɛn tumaa nɛ, lɔ kɛ sii mɛn zɛnaa, ǹ tá re bɛ dɔ laakalɛɛ walan, ǹ minin yiri da a zɛnaa ǹ sii ni.»

Marki 14:9

Masɛ n pii ka nɛ sonbore, ka bɛ́ re Boo Tii Kɔɔ̃n pii kanaa paǹ mɛn tumaa nɛ, lɔ kɛ sii mɛn zɛnaa, ǹ tá re bɛ dɔ laakalɛɛ walan, ǹ minin yiri da a sii ni.»

Nya ǹ dín 10:4

Kɔrnɛyi nə́ n yiin doa la ka gongon. Nyɛ́ɛ bɛ́ a ganaa, a ná a lɛ si: «Wàa mɛn nɛ, Dɛnaa?» Lon a dia dí-a wole lɛ pɛ: «Lawa nə́ n yiri kɔ n nyankɔ lɛ li, ka n bǐɛ̃n kɛn nɛ n nə́ ǹ zɛnaa doobaan manɛ.

Zozoe 4:7

Ka pɛ ǹ nɛ kɛnɛn: «Zurdɛ̃ tà a mu na á goã á n na kɔn Dɛnaa Lawa a *lɛ kɔ kɔn la ǹ goo lɛ nyɛɛn lɛlɛ. Ǹ bɛ́ Zurdɛ̃ tà lɛ kuri ni, Zurdɛ̃ tà a mu lɛ na á n na kɔn. Kɔlɔn kɛn lɛn man die Izirayeli minin yiri gisĩ bɛa sii lɛ nɛ yǎa duduu.»

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.