Zakarii 6:12 - LAWA A BOO SONBORE

¹² N pɛ-n kɛnɛn mà Dɛnaa Lawa Pàãyiidɛnaa n kɛ pii: Giĩ goon tan kanaa a tɔ n "Da ten". Á re gole koe. A din nə die wusii a maa kion lɛ dɔ.

LAWA A BOO SONBORE 2011

¹² N pɛ-n kɛnɛn mà Dɛnaa Lawa Pàãyiidɛnaa n kɛ pii: Giĩ goon tan kanaa a tɔ n "Da ten". Á re gole koe. A din nə die wusii a maa kion lɛ dɔ.

Zakarii 6:12 ပူးပေါင်းရင်းမြစ်များ

Samayeli2 7:13

Bɛ lɛ n die kion doe a masɛ tɔ da la. Man die bɛ lɛ koɛ kiibaa la yǎa duduu.

Ɛsidrasi 3:10

Kion-dɔlen lɛn bɛ́ Dɛnaa Lawa a kion lɛ goã daɛ, ǹ nə́ Lawa a wúlu-bɔlen kaa bii-a, wúlu bɔ ǹ mɔnaan nə́ ǹ ganaa, bɛnɛn nə́ ǹ gɔn. Levii tɔrɔn kɛn Azaafu tɔrɔn lɛa, ǹ nə́ bɛn dɔn kaa bii-a, fɔlɔ màn wuu bɔlen nə́ ǹ gɔn ǹ nə́ diɛ loen li, ń giɛ ǹ tá Dɛnaa Lawa guguru koe a kɔnpɛ ka Izirayeli gána a kii Davida a gɔn-waan nɛ.

Ɛsidrasi 3:8

Bɛ kio, ǹ dɔ lɛ̀ paa a mui a paabaa ǹ wɔ Lawa a kion lɛ li Zeruzalɛmu, Salatieli a nɛgiĩ Zorobabeli ni, ka Zozadaaki a nɛgiĩ Zozoe ne, kun ka ǹ dinin miã Lawa a wúlu-bɔle gialakunun ni, *Levii tɔrɔn nɛ, ka min mɛnɛn nə bɔ bɛ̀rɛbaa ǹ bǎã nɛ ǹ nə́ daa Zeruzalɛmu, ǹ nə́ dí lɛ giala kɔ. Levii tɔrɔn min mɛnɛn nə dɔ lɛ̀ fuə, ka lɛ̀ fuə ka kio ne, ǹ nə́ bɛn kaa Dɛnaa Lawa a kion dí lɛ a ga ma walan ganaa.

Izayii 11:1

Nɛgiĩ á re yii Zesee tɔrɔ basa nɛ, ka da giala piri zizi bɛ́ lɔn gɔn ten boe. A gòonən tá re gɔn dii boe.

Izayii 4:2

Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Izayii 53:2

Dɛnaa Lawa yɔrɔ-a, a dí-nyali gole kɔ ka da ten bɛ́ lɔn, ka da gòon bɛ́ lɔn soe tán gere la. Siĩnbaa a paǹ ba a ganaa màn mɛn bɛ́ toɛ yii bɔ li wa. A gama-a sii a min kuĩ wa.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Zeremii 33:15

Bɛa waáraa, bɛ̀ a biikoo dɔ, ma á re toɛ Davida tɔrɔ taãn goon yɛ. Bɛ n die peperebaa laanka sonborebaa zɛnɛɛ gána lɛ nɛ.

Ezekieli 37:25

Ma gána mɛn lɛ kɔ maa dí-nyali Zakɔba la, ka digolon nə goã ǹ nə́ giã gána mɛn lɛ nɛ, ka dɔn tá re giɛ̃ a nɛ, kaa nɛnyaanan laanka kaa nɔ̀ɔnɔn nə giã a nɛ, yǎa duduu. Maa dí-nyali Davida á re goɛ̃ kaa nyɛɛnaandɛnaa lɛa, yǎa duduu.

Ezekieli 41:1

Bɛ kio, giĩ lɛ ma kũ á wɔ ka ma nɛ Lawa a kion lɛ a gɔ́ɔ̃ gole kɛ nɛ, a ná a bìbìn kɛn zɔɔ̃: bɛn didimibaa na á goã gùrù yii sɔsɔrɔ wàãn paanan li.

Amɔɔsi 9:11

Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.

Misee 5:5

Ǹ tá re Asiirii gána kɛ lɛduĩ ka ziabaa ǹ gɔya nɛ, Nimɔrɔdi a gána kɛ lɛ, ǹ tá re a minin lui ka sɛmiɛ̃ nɛ, bɛ̀ ǹ wo ǹ koa ǹ kiɛnlɛ-a. Bɛ̀ Asiirii minin lɛn nə́ wɔ wɔa wɔ lɛ nɛ, bɛ̀ ǹ nə́ wɔ wɔa gána nɛ, a din lɛ á re wɔ sii ǹ la.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Zakarii 3:8

Yesuwa, n too kɔ, nsɛ mɛn bɛ́ Lawa a wúlu-bɔlen kiã lɛa, ka kasɛn kɛn dɔn nɛ kun ni Lawa a wúlu-bɔlen lɛa. A giala, sii mɛn bɛ́ re n zɛnɛɛ, kasɛn Lawa a wúlu-bɔlen kɛn tan nə bɛ giala pii. Á ke man die die ka maa dí-nyali ni, a tɔ n "da ten".

Zakarii 8:9

Dɛnaa Lawa bɛ́ boo mɛn pii á ke: «Ka n foo taã. Ka bɛ́ boon mɛnɛn miɛ pelo, a din boon lɛn manɛ ka ǹ ma Lawa a boo gii-dalin lɛ-n Lawa a kion lɛ a gòã daa li a doe waáraa.

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Matiə 26:61

ǹ nə́ pɛ: «Giĩ kɛ lɛ pɛ mà asɛ á boe la a Lawa a kion kɛ wuru, asɛ wusoo a kɔsɔ dɔ lɛawaa sɔɔ gɔ́ɔ̃ nɛ.»

Marki 14:58

mà ǹsɛn nə́ ma a lɛ-n, mà minbuiinin nə Lawa a kion mɛn dɔ ka ǹ gɔn nɛ, mà asɛ á die bɛ lɛ wurii, a wusoo a kɔsɔ dɔ lɛawaa sɔɔ gɔ́ɔ̃ nɛ, min gòɛ̃ ná a ba a-n wa.

Marki 15:29

Min mɛnɛn bɛ́ ǹ nə́ goã kiɛ̃ walan, bɛn man nə́ goã sɔ kiɛ la, bɛ̀ ǹ nə n mìi papasa ǹ nə́ pii ni: «Ebe! N din mɛn bɛ́ mà nsɛ n die Lawa a kion lɛ wurii, n wusoo n kɔsɔ dɔ lɛawaa sɔɔ gɔ́ɔ̃ nɛ,

Marki 15:39

Sɔraasin goledɛnaa mɛn bɛ́ golee-n Yezu yɔrɔ-a, a ná a gã ǹ gɔn yɛ, bɛ́ tɔ́n pɛ: «Sonbore pɛ á pɛsã, giĩ kɛ n Lawa a Nɛ lɛa!»

Luku 1:78

A giala, wɔa Lawa á wɔ narɛ, a piɛ̃maa-n ka bǐɛ̃baa nɛ. A bǐɛ̃baa n wɔlɔ fúlu lɛa, kiɛ wɔ ganaa ka wasa bɛ́ lɔn.

Zaã a sɛ́wɔ 1:45

Filipi dɔ́ kiɛ̃ á woo dɔ Natanayeli li, á pɛ nɛ: «Muizu boo da min mɛn wɔ gɔn la landa sɛ́wɔ nɛ, Lawa a boo gii-dalin dɔn nə́ boo da a wɔ gɔn la, wɔsɛn nə́ yɛ: Yezu ni, Nazarɛtin Zozɛfu a nɛgiĩ ni.»

Zaã a sɛ́wɔ 19:5

Yezu soo kanaa, kii bafolo nyandɛnaa lɛ ná a mìi-a ka dɔnkɛ tã lɛ dɔ nɛ a ganaa. Pilati tɔ́n pɛ ǹ nɛ mà haya, mà giĩ lɛ á ke!

Nya ǹ dín 13:38

Dɔɔ̃nɔn lɛn ganaa, ka dɔ̃ mà sii baraa toa kɛ na á dɔ ka li, a din Yezu kɛ lɛ barka nɛ. Muizu a dí-pɛn kɛn giulun, ka goã boe la ka tá n mìi siɛ lon Lawa yɔrɔ-a wa.

Nya ǹ dín 17:31

Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Korɛnti1 3:9

Wɔsɛn man kun Lawa a dí-nyalin lɛa, kasɛn man Lawa a wuru lɛa, á n kɔsɛ. Lawa bɛ́ kion mɛn dɔ doe, ka ǹ bɛ lɛa.

Ebrəə 10:12

Sɛnɛ, Krita sɛ na á n din kɔ, wúlu màn goon toto lɛa sii baraan lɛa, bɛ kio á giã Lawa gusin lon yǎa duduu,

Ebrəə 7:24

Sɛnɛ, Yezu sɛ a wúlu-bɔlebaa kɛ miã banban, a wɔ lɛ a boe la, a n kɔ min kɔ́n la wa, a giala, a dinmaa lɛ na a tan yǎa duduu.

Ebrəə 7:4

Ee! Bɛa giĩ kɛ dɔ á min yii guguru-a lɛa dɛ! Ka ga, Abrahamu mɛn bɛ́ wɔ digolo lɛa, bɛ màn mɛn yii yɛ zia la, á bɛ tumaa a talɛɛ fùbaa ǹ wɔ bɔ, á kɔ giĩ kɛ lɛ la.

Ebrəə 8:3

Wúlu-bɔlen kiã tumaa na á n koa, mà a gɔ ǹ mànan laanka wúlu mànan kɔ Lawa la. Bɛ lɛ nɛ, wɔ dɔn wúlu-bɔlen kiã lɛ doamaa nɛ, a màn kɔ́n yɛ a kɔ Lawa la.