Zakarii 6:1 - LAWA A BOO SONBORE

¹ Má n yii saa lon doo, ma yii n ziabaa ǹ wotoro sii ganaa. Maǹ kiɛ̃ kele màn paa bii n ni. Bɛa kelen lɛn man zan lɛa.

LAWA A BOO SONBORE 2011

¹ Má n yii saa lon doo, ma yii n ziabaa ǹ wotoro sii ganaa. Maǹ kiɛ̃ kele màn paa bii n ni. Bɛa kelen lɛn man zan lɛa.

Zakarii 6:1 ပူးပေါင်းရင်းမြစ်များ

Kiin2 6:17

Yiliizee Lawa nyankɔ kɛnɛn: «Dɛnaa Lawa, n dí-nyali lɛ yii bũ, màn mɛn bɛ́ toɛ a yii wɔlɔ yɛ!» Dɛnaa Lawa dí-nyali lɛ yii bũ, a yii kele lɛ yɛ a lalan yii n piɛ̃ nɛ ka sùin laanka ziabaa ǹ wotoro tɛdɛnan nɛ, ǹ nə́ Yiliizee da bii.

Zɔbu 34:29

Sɛnɛ, bɛ̀ Lawa ba li a sii zɛnaa wa, die n die a zɛ̀rɛ biɛ? Bɛ̀ á n duru, die n boe la a yɛ? A bɛ́ giɛ tɔrɔn walan lɔn, a n giɛ min gogoonmaa dɔ walan miɛ̃.

Loen 33:11

Dɛnaa Lawa sɛ a sii yɔrɔ bɔ n goɛ̃ yǎa duduu, bɛ̀ á sii mɛn koa a yiri ni, bɛ lɛ n giala yii biikoo tumaa li.

Loen 36:6

Dɛnaa Lawa, n kɔn-narɛɛ gole lɛ n woe yǎa lon, n bǐɛ̃ duduu lɛ n woe yǎa labaran ganaa.

Suusun 21:30

Minbuiin nɛ a sii-doɛ̃, a yiridɛnaabaa, ka a taasiɛn ba màn kɔn lɛa Dɛnaa Lawa yɔrɔ-a wa.

Izayii 43:13

Man ma tan Lawa lɛa duduu, Min kɔn ba boe la a min si ma gɔn wa. Bɛ̀ má sii mɛn zɛnaa, min kɔn ba boe la a bɔyaa wa.»

Izayii 66:15

Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Zakarii 5:1

Má n yii saa lon doo, má sɛ́wɔ munii goon yɛ piɛ̃ li.

Zakarii 6:5

Á ma lɛ si kɛnɛn: «Lon a piɛ̃ sii kɛ nɛ. Maǹ nə́ goã kunu tán tumaa a Dɛnaa li, kanna, maǹ woe.»

Nya ǹ dín 4:28

Lawa din saa lɛlɛ, á siin mɛnɛn taasɛ, á ǹ yɔrɔ bɔ á ǹ koa, minin lɛn man nə́ bɛn lɛ pã ǹ siin dininsɔɔ̃nɔn zɛnaa.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Efɛɛzi minin 3:11

Lawa na á goã giɛ li mà a bɛa sii lɛ zɛnaa haalɛ bibi. A na á zɛnaa kanna ka wɔa Dɛnaa Yezu Krita nɛ.

Samayeli1 2:8

A n pàãwɛnaa sii gusuũn la. A n doobaa dɔ kuĩ tonton bɔlɔ la, a ǹ kaa tán kun ka min dadaran nɛ, a bǎã tɔnaa kɔ ǹ la. A giala, tán a bìbĩn lɛn man Lawa wɔn lɛa, a na á kanaa lɛ giala doa bɛn la.