Zakarii 4:7 - LAWA A BOO SONBORE

⁷ Á pɛ doo: «Kele kaaraa kɛ n die n sàabiɛ a ganaa? Zorobabeli, n tá re bɔyɛɛ n baa nyankɔrɔ basa lɛa. N tá re Lawa a kion a gòã daa ǹ kɔlɔ boe a nɛ. Minin tá re n lɛ dii, ǹ pɛ mà á siĩni, mà á siĩni.»

LAWA A BOO SONBORE 2011

⁷ Á pɛ doo: «Kele kaaraa kɛ n die n sàabiɛ a ganaa? Zorobabeli, n tá re bɔyɛɛ n baa nyankɔrɔ basa lɛa. N tá re Lawa a kion a gòã daa ǹ kɔlɔ boe a nɛ. Minin tá re n lɛ dii, ǹ pɛ mà á siĩni, mà á siĩni.»

Zakarii 4:7 ပူးပေါင်းရင်းမြစ်များ

Ɛsidrasi 3:10

Kion-dɔlen lɛn bɛ́ Dɛnaa Lawa a kion lɛ goã daɛ, ǹ nə́ Lawa a wúlu-bɔlen kaa bii-a, wúlu bɔ ǹ mɔnaan nə́ ǹ ganaa, bɛnɛn nə́ ǹ gɔn. Levii tɔrɔn kɛn Azaafu tɔrɔn lɛa, ǹ nə́ bɛn dɔn kaa bii-a, fɔlɔ màn wuu bɔlen nə́ ǹ gɔn ǹ nə́ diɛ loen li, ń giɛ ǹ tá Dɛnaa Lawa guguru koe a kɔnpɛ ka Izirayeli gána a kii Davida a gɔn-waan nɛ.

Loen 114:4

Kelen gɔ́ɔ̃ wɔ̃, ǹ nə́ paparɛ ka sèren bɛ́ lɔn, tentenen nə́ paparɛ ka bòen bɛ́ lɔn.

Loen 114:6

Kelen lɛn, wàa na á baa, ka á paparɛ ka sèren bɛ́ lɔn? Kasɛn dɔn tentenen lɛn, wàa na á baa, ka á paparɛ ka bòen bɛ́ lɔn?

Loen 118:22

Kion-dɔlen nə n piã ka kɔlɔ mɛn nɛ, a din na á wusoo á kɛ gùrù dɔ ǹ kɔlɔ baa.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Izayii 41:15

Á ke man die n biɛ dí nya ǹ màn dii lɛa, a sɔn nə́ sosolo, a n tii nyui, a sɔn nə màn papaa kɔn la. N tá re kelen yɔyɔrɛ, n nə ǹ bɔyaa n nə ǹ baa gusuũ lɛa. Tentenən kɛn, n tá re bɛn biɛ buu gere lɛa.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Zeremii 51:25

Hiĩ, Baabilonii, ma lɛ nə n li, Dɛnaa Lawa a da ǹ boo ne. Ziziɛ̃ á paǹ li, ń pàã la kele wɔ nɛ, ń kanaa tumaa ziziɛ̃. Man die n gɔn siɛ n li, ma n da birikəə̃ ganaa gɛ̀fun mìi ni, ma n baa kele tɛdɛnaa lɛa.

Misee 1:4

Kelen kɛn man die wurii a gòãn giulun, nyankɔrɔ basan kɛn man die yaliɛ, ka zoo gón bɛ́ tɛ li lɔn, ka mu bɛ́, ǹ nə́ kaa kele baã zuməə ǹ bǎã-n lɔn.

Misee 4:1

Lɛawaan kɔnɔn tá re doe, Dɛnaa Lawa a kion lɛ bɛ́ kele mɛn la, bɛ á die goɛ̃ ǹ miã kelen mìi la, lon tentenen tumaa mìi la, tɔrɔn tá re yiɛ girigiri bɛ̀ ǹ wo la.

Abakuku 3:6

Bɛ̀ á gole, tán nə bìn diɛ. Bɛ̀ á ga tɔrɔn ganaa, bɛn man nyɛ́ɛ biɛ nɛ. Kelen mɛnɛn bɛ́ ǹ tan duduu, bɛn man wɔsɛ kɔn. Tentenən mɛnɛn bɛ́ ǹ tan lɛlɛ, bɛn man kiɛ, ǹsɛn mɛnɛn nə goã a kiɛ̃ ǹ zii lɛa lɛlɛ.

Zakarii 4:8

Dɛnaa Lawa wusoo á kɛ pɛ ma-n doo:

Zakarii 4:9

«Zorobabeli Lawa a kion lɛ gòã daa. A din dɔ n die nyɔmiɛ̃.» Bɛ̀ bɛ nə́ n zɛnaa ǹ mɛn waáraa, ka á re doɛ̃ ka bɛ nɛ mà Dɛnaa Lawa Pàãyiidɛnaa na á ma dia ka li.

Matiə 21:21

Yezu tɔ́n pɛ ǹ nɛ: – Man pii ka nɛ, sonbore: Bɛ̀ golee Lawa li yɛ ka lon ǹ mɛn pinaa, bɛ̀ ka n gɔ́ɔ̃ baa paa wa, masɛ màn mɛn zɛnaa bɛa gɔ́rɔ da kɛ nɛ, ka a re goɛ̃ bɛ li wa. Haalɛ ta ka n ka pɛ kele kɛ nɛ: «Yoo n nə n bɔ kànaa, n wo n dɔ yìsi mu gole li», a nə n zɛnɛɛ.

Matiə 21:42

Yezu tɔ́n pɛ ǹ nɛ: – Lawa a boo bɛ́ màn mɛn diɛ, ka tɔn bɛ pɛ wa? «Kion-dɔlen bɛ́ ǹ nə́ n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa. Dɛnaa Lawa na á bɛa kaãbaa ǹ dí kɛ nya, wɔsɛn yii na á bɛ lɛ yɛ.»

Marki 12:10

Sàabaa ba la wa, ka boo kɛ pɛ Lawa a sɛ́wɔ-n wa? A n pii: «Kion-dɔlen bɛ́ ǹ nə́ n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa.

Luku 20:17

Sɛnɛ, Yezu ga ǹ ganaa á pɛ: – Lawa a boo lɛ a paǹ kɛ n wàa mɛn giala pii: «Kion-dɔlen bɛ́ ǹ nə́ n piã ka kɔlɔ mɛn nɛ, bɛ lɛ na a wusoo á kɛ gùrù dɔ ǹ kɔlɔ baa?»

Luku 3:5

Ka nyankɔrɔ din tumaa tã! Ka kelen laanka tentenən tumaa sɛlɛ, ǹ kɔnpɛ! Ka zii lɛ a kɔkɔrɔbaa bǎãn yii tele! Ka zii lɛ a ziziɛ̃ bǎãn zɛnaa!

Nya ǹ dín 4:11

A nə n pii Yezu lɛ wɔ gɔn la kɛnɛn: «Kion-dɔlen nə n piã ka kɔlɔ mɛn nɛ, a din na á wusoo á kɛ-gùrù dɔ ǹ kɔlɔ baa»; ka dinin man bɛa kion-dɔlen kɛn lɛn lɛa, Yezu n kɔlɔ lɛ lɛa.

Rɔmu minin 11:6

Lawa na á ǹ bɔ a din a bǐɛ̃baa a lɛa, ǹ nya ǹ dí a lɛa bie wa. Bɛ̀ ǹ nya ǹ dí a lɛa nɛ, bɛ̀ Lawa a bǐɛ̃ lɛ ba n bíi doo mà bǐɛ̃ wa.

Efɛɛzi minin 2:20

Ǹ bɛ́ kion mɛn doe, Yezu a dia dí-a wolen laanka Lawa a boo gii-dalin kion gòã-daa kɛ la, kasɛn dɔn man bɛ lɛa. Yezu Krita dinmaa na a gùrù koa ǹ kɔlɔ lɛa.

Piɛrɛ1 2:7

Haya kəni, kasɛn golee Lawa li wolen lɛn, kɔlɔ kɛ lɛ a barka n kasɛn wɔ lɛa. Sɛnɛ, golee Lawa li baãnaan kɛn, bɛn wɔ á ke: «Kion-dɔlen nə n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa.

Sii-nyaan 16:20

Mu li ǹ kelen nə́ papaã, min tán a kele kɔ́n dɔ yɛ bii-a doo wa.