Zakarii 4:10 - LAWA A BOO SONBORE

¹⁰ Doa boɛɛn mɛn nə n wɔ sii giala kɔ waáraa, ka nyan zín bɔ bɛ-n wa. Zorobabeli bɛ́ re Lawa a kion lɛ a doe giala koe, ka doamaa-n ka n nyanyaa. «Bolon sɔbaa kɛ n goon ka Dɛnaa Lawa yiin ni. Maǹ giɛ tán tumaa walan.»

LAWA A BOO SONBORE 2011

¹⁰ Doa boɛɛn mɛn nə n wɔ sii giala kɔ waáraa, ka nyan zín bɔ bɛ-n wa. Zorobabeli bɛ́ re Lawa a kion lɛ a doe giala koe, ka doamaa-n ka n nyanyaa. «Bolon sɔbaa kɛ n goon ka Dɛnaa Lawa yiin ni. Maǹ giɛ tán tumaa walan.»

Zakarii 4:10 ပူးပေါင်းရင်းမြစ်များ

KZS2 16:9

A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

Zɔbu 8:7

N màn din yɛ lɛlɛ wa, n biɛ̃ ǹ tá re liɛ n lɛlɛ ǹ kɛ nɛ.

Loen 33:14

A nə n toɛ a giã ǹ bǎã nɛ, á n giɛ kanaa minbuiin tumaa ganaa.

Suusun 15:3

Dɛnaa Lawa yii n bǎã tumaa nɛ, a yii n min baraan ganaa ka min sonboren ne.

Suusun 4:18

Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe.

Izayii 66:11

Nɛ ǹ dan nyɔ bɛ́ piɛ̃ lɔn a nɛ tiɛɛ̃n mi ka foo kɔɔ̃n nɛ a kã, ka dɔn tá re kiɛ̃ miɛ̃, a ka foo waa.

Izayii 66:14

Ka á re bɛ yii, ka foo á re kɔɔ̃n koe, ka wen nə wusoo ǹ yiikoonaabaa yɛ ka buu bɛ́ lɔn la kio. Min mɛnɛn bɛ́ dí nyɛɛ Dɛnaa Lawa nɛ, á re n pàã nyɛɛ bɛn manɛ. Sɛnɛ, a zɔ́ɔn kɛn tá re a foo yoo kɛa gugurubaa yii.

Zeremii 16:17

Ǹ bɛ́ sii mɛn yii zɛnɛɛ, ma yii tá a ganaa. Ǹ kɔn ba durii-n ma ganaa wa. Ma yii tá ǹ siɛ̃n ganaa.

Ezekieli 1:14

Màn yiikoonaan lɛn man nə́ goã baa sii bɛ̀ ǹ woo bɛ̀ ǹ nə n bɔyaa, ǹ yii n fuu ka la a tɛ pɛ bɛ́ lɔn.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Amɔɔsi 7:2

Bisinin lɛn bɛ́ ǹ nə́ gána lɛ a buu tumaa sɔ̃ ǹ nə́ nya, má tɔ́n pɛ kɛnɛn: «Dɛnaa, maa Lawa ma nə n nyankoe, Zakɔba tɔrɔn lɛn siɛ̃n toa ǹ nɛ, bɛ bie wa, maǹ die wàa biɛ? Ǹ nə́ ke ǹ nə́ ǹ ba tɛ dɔn dinin wa!»

Amɔɔsi 7:5

Má tɔ́n pɛ kɛnɛn: «Dɛnaa, maa Lawa, ma nə n nyankoe, a toa miɛ̃. Bɛ bie wa, Zakɔba tɔrɔn kɛn man die wàa biɛ? Ǹ nə́ ke ǹ nə́ ǹ ba tɛ dɔn dinin wa!»

Azee 2:3

Min tá tɔn ka bii á Lawa a kion kɛa lɛlɛ a gugurubaa kɛ yɛ? Sɛnɛ kanna dɔn, ka n giɛ a ganaa lɔn? A bie màn kooro lɛa ka yii li pelo wa?

Zakarii 3:9

Man die kɔlɔ diɛ tán Yesuwa yɔrɔ-a. Bɛa kɔlɔ goon kɛ lɛ la, yii nàn sɔbaa n tɛ pii la. Ma dinmaa n die sɛ́wɔ kiɛ̃ la. Lɛawaa goon toto gɔ́ɔ̃ nɛ, man die gána kɛa sii baraan boe ma ǹ bɔ a ganaa. Masɛ Dɛnaa Lawa Pàãyiidɛnaa a da ǹ boo ne.

Zakarii 9:1

Dɛnaa Lawa a da ǹ boo á ke: Dɛnaa Lawa a boo dɔ Adraki gána nɛ, á dɔ yǎa Damaasi kiwi. A giala, Dɛnaa Lawa bie n yiin doɛ Izirayeli tɔrɔn dininsɔɔ̃nɔn la wa, sɛnɛ, a n doɛ minbuiin nɛ tumaa la.

Luku 15:32

Sɛnɛ, n diɛ̃ ke, táa a n goon ka a na á gã a yii kaa, a na á papaã á wusoo á yɛ. Wɔsɛn doamaa nɛ wɔ zɔ́n zɛnaa bɛa lɛa.»

Sii-nyaan 5:6

Má tɔ́n Sère Nɛ yɛ, kii dankan kɛ genli, màn yiikoonaa sii kɛ laanka min golen kɛn ná a lɛnpɛnɛ. Bɛa Sère Nɛ lɛ n ka maǹ ná a bɔlɔ kuru. A bɛn nə sɔbaa, a yii nàn dɔ n sɔbaa, Lawa yiri sɔbaa mɛn dia tán tumaa la, bɛn man ka bɛ nɛ.

Sii-nyaan 8:2

Bɛ kio, má lon a dia dí-a wole sɔbaa kɛ yɛ golee-n Lawa yɔrɔ-a, ǹ nə́ bɛn gogoon kɔ ǹ tumaa la.