Zakarii 3:1 - LAWA A BOO SONBORE

¹ Dɛnaa Lawa wúlu-bɔlen kiã Yesuwa nyaa ma nɛ. A n golee-n lon Dɛnaa Lawa a lon a dia dí-a wole lɛ yɔrɔ-a. *Sɛtaan, zɛ̀rɛ da ma la wole kɛ n golee-n Yesuwa gusin, a n die a zɛ̀rɛ biɛ.

LAWA A BOO SONBORE 2011

¹ Dɛnaa Lawa wúlu-bɔlen kiã Yesuwa nyaa ma nɛ. A n golee-n lon Dɛnaa Lawa a lon a dia dí-a wole lɛ yɔrɔ-a. *Sɛtaan, zɛ̀rɛ da ma la wole kɛ n golee-n Yesuwa gusin, a n die a zɛ̀rɛ biɛ.

Zakarii 3:1 ပူးပေါင်းရင်းမြစ်များ

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Siin Giala 48:16

Lon a dia dí-a wole mɛn bɛ́, á ma kirisibaa sii baraa tumaa ganaa, a din die a barka da nɛgininin kɛn ganaa. Lawa toa ma tɔ nə n bíi ka ǹsɛn lɛn barka nɛ, ka ma di gole Abrahamu laanka ma di Izaaki wɔ bɛ́ n bíi lɔn. Lawa die a n tɔrɔ mɔnaa gána lɛ nɛ.

KZS1 21:1

Bɛ kio, *Sɛtaan yoo Izirayeli gialaa, á Davida zulu á da minin nimii ganaa.

KZS2 29:11

Kasɛn, maa nɛgiĩn lɛn, ka nyan nə baa sii wɔ ma gɔn lɛbaã wolen lɛa wa. Hiĩ Dɛnaa Lawa na á ka bɔ, mà ka boo la ka gole asɛ yɔrɔ-a, ka yɔrɔ n boe ne, ka da yon gìĩ kɔɔ̃n tã asɛ tɔ bɔ ǹ wɔ lɛa.»

Ɛsidrasi 10:18

Lawa a wúlu-bɔlen bii, ǹ min mɛnɛn yɛ, ǹ nə́ tɔrɔ kɔsɔn wɔ lɔn lɛa, bɛn tɔn nə́ ke: Zozadaaki a nɛgiĩ Zozoe a nɛgiĩn manɛ, ka ǹ dɔɔ̃nɔn nɛ, Maaseya nɛ, Eliezɛɛrɛ nɛ, Yaribu ni, ka Gedalia nɛ.

Ɛsidrasi 2:2

Maǹ nə́ daa kun ka Zorobaabɛli ni, Zozoe ne, Neyemiã nɛ, Seraya nɛ, Relaya nɛ, Mardoose ne, Mispara nɛ, Bigwayii ni, Rewumu ni, ka Baanaa nɛ. Izirayeli tɔrɔn lɛn giĩn lɛ á ke:

Ɛsidrasi 5:2

Salatieli a nɛgiĩ Zorobabeli laanka Zozadaaki a nɛgiĩ Zozoe tɔ́n yoo ǹ nə́ kaa Lawa a kion lɛ a dɔ la Zeruzalɛmu. Lawa a boo gii-dalin nə́ goã kunun ǹ ni, n doe ǹ lɛ.

Loen 106:23

Bɛ lɛ nɛ, Lawa pɛ mà a n die ǹ dii, a ǹ nya. Sɛnɛ, Lawa din a min boe Muizu yoo, á woo Lawa yɔrɔ-a, á ná a nyankɔ á kurəə, mà a baran ǹ dɛ, a foo-yoo lɛ gɔ́ɔ̃ nɛ, a ǹ nya wa.

Loen 109:6

Ǹ nə́ kɛ pɛ dɔn dinin maa wɔ paǹ li: Min bɔ, bɛ yoo a gialaa a zɛ̀rɛ baali lɛa. Toa ǹ dɛnaa goã min babaraa lɛa, a n tele lon a gusin, sɛnɛ, a baran n dɔ lɛ wa.

Zeremii 15:19

Dɛnaa Lawa boo mɛn da ma nɛ, á ke: Bɛ̀ n wusoo n daa ma li, ma á re wusii ma n saa maa dí ni. Boon mɛnɛn bɛ́ là ba ǹ ganaa wa, bɛ̀ n bɛn toa walan, ń tá boo peperen diɛ, ma á re wusii ma n baa maa boo gii-dali lɛa. Zudaa minin doamaa nɛ ǹ da nsɛ ganaa, sɛnɛ nsɛ doamaa bie n wo ǹ li wa.

Ezekieli 44:11

Ǹ tá re goɛ̃ maa kion kɛa dí-nyalin lɛa, bɛ̀ ǹ na a kiɛnlɛn lɛduə̃. Ǹ dinin man die wúlu màn tiɛ̃n kɛn tɔɔn laanka wúlu màn kɔsɔn kɛn tɔɔn dii, zaman lɛ wɔ lɛa. Ǹ dinin man die golee, bɛ̀ ǹ dí nya zaman lɛ nɛ.

Ezekieli 44:15

«Lawa a wúlu-bɔle Levii tɔrɔn kɛn sɛn Sadɔki tɔrɔn lɛa, a laanɛ Izirayeli minin gialakunun kɛn nə́ wusoo ǹ nə́ n bɔ ma kio, bɛn nə́ maa kion lɛ a dí nya sɔnbɔraanɛ. Bɛn dininsɔɔ̃nɔn man die boe la ǹ nə n mɔrɔ ma ganaa, ǹ dí nya ma nɛ, ǹ wúlu mànan kɛn nyɔɔ laanka ǹ mà kɔ ma la. Ma din Dɛnaa Lawa a da ǹ boo ne.

Azee 1:1

Dariyusu a koa kii lɛa lɛ̀ paabaa ǹ wɔ a mui sɔrɔbaa ǹ wɔ a lɛawaa bibinaa, Lawa a boo gii-dali Azee Dɛnaa Lawa a boo kɛ da Salatieli a nɛgiĩ Zudaan gánadɛnaa Zorobabeli ni ka Lawa a wúlu bɔlen goleedɛnaa Zozoe, Zozadaaki a nɛgiĩ ni, á pɛ:

Azee 1:12

Salatieli a nɛ Zorobabeli, ka Zozadaaki Lawa a wúlu-bɔlen goledɛnaa a nɛ Zozoe, ka zaman gialakun kɛ nə́ ǹ too da Dɛnaa Lawa, ǹ Lawa bɔlɔ li. Ǹ nə́ n too kɔ Lawa a boo gii-dali Azee lon, Dɛnaa Lawa bɛ́ á n mɛn lɛ dia ǹ la, zaman lɛ tɔ́n nyɛ́ɛ baa Dɛnaa Lawa yii ni.

Azee 2:4

Dɛnaa Lawa pɛ: Zorobabeli n foo taã, nsɛ dɔ Zozadaaki a nɛ Lawa a wúlu-bɔlen goledɛnaa Zozoe n foo taã. Gána lɛ a min din tumaa ka n foo taã, Dɛnaa Lawa na á pɛ. Ka n we yii dí li, ma tá kun ka nɛ. Dɛnaa Lawa Pàãyiidɛnaa a da ǹ boo n ke.

Zakarii 1:13

Dɛnaa Lawa tɔ́n boo da ka foo-basiɛ̃ nɛ lon a dia dí-a wole lɛ nɛ boo diɛ ka ma nɛ. Foo taã ǹ boon manɛ, ǹ nə́ foo doɛ.

Zakarii 1:9

Má nɔ̀n da kɛnɛn: «Dɛnaa, sùin kɛn man wàa giala pii?» Lon a dia dí-a wole mɛn bɛ́ á kɔnbɔ a boo da ma nɛ, bɛ́ ma lɛ si kɛnɛn: «Ma á re a giala pii n ni.»

Zakarii 2:3

Bɛ kio, Dɛnaa Lawa fuũ màn sii nyaa ma nɛ.

Zakarii 3:8

Yesuwa, n too kɔ, nsɛ mɛn bɛ́ Lawa a wúlu-bɔlen kiã lɛa, ka kasɛn kɛn dɔn nɛ kun ni Lawa a wúlu-bɔlen lɛa. A giala, sii mɛn bɛ́ re n zɛnɛɛ, kasɛn Lawa a wúlu-bɔlen kɛn tan nə bɛ giala pii. Á ke man die die ka maa dí-nyali ni, a tɔ n "da ten".

Zakarii 4:14

Á tɔn a giala pɛ ma-n kɛnɛn: «Giĩ màn paa mɛnɛn nə n bɔ, ǹ nə́ n koa tán tumaa a Dɛnaa a dí taman yii, bɛn manɛ.»

Zakarii 6:11

Sana laanka wɔrɔ bɔ, n kii bafolo zɛnaa nɛ, n wɔ Zozadaaki a nɛgiĩ Lawa a wúlu-bɔle gole Yesuwa mìi ganaa.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Luku 21:36

Sɛnɛ, ka n yii dɔraa, ka Lawa nyankɔ biikoo tumaa waáraa, màn mɛn bɛ́ toɛ, pàã yɛ ka lon, ka n bɔ bɛa biɛ̃ ǹ siin kɛn lɛn nɛ, ka boo la ka golee biɛ̃ ka foo tãbaa nɛ Min a Nɛgiĩ yɔrɔ-a kiri kuru ǹ bǎã nɛ.»

Luku 22:31

Dɛnaa pɛ: «Simɔn, Simɔn, n too kɔ. Sɛtaan na á nɔ̀n da mà Lawa zii kɔ asɛ la, asɛ nə ǹ duwəə ka ǹ bɛ́ wii duwii lɔn.

Timəə dí-pɛn 10:8

A saa bɛa waáraa lɛ ganaa a da kaa pelo lɛ, Dɛnaa Lawa na á *Levii tɔrɔn kɛn bɔ á ǹ koa ǹ gɔrɔn, mà ǹ na asɛ a *lɛ kɔ kɔn la ǹ goo kɛ gũ, bɛ̀ ǹ golee asɛ yɔrɔ-a, ǹ na asɛ a dí nya, bɛ̀ ǹ barka da minin ganaa ka asɛ tɔ nɛ.

Timəə dí-pɛn 18:15

A din tá re a boo gii-dali diɛ ka la, ka masɛ Muizu bɛ́ lɔn. A n die boe ka dinin bii, ka dinin tɔrɔn lɛn min goon ne. Ka die ka n too kɔ bɛ lɛ lon.

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Samayeli1 6:20

Bɛti-Semɛsi minin nə́ pɛ: «Die n die boe la a golee Dɛnaa Lawa yɔrɔ-a, bɛa Lawa *yoreen kɛ lɛ? A n die woe dien li, a n bɔ wɔsɛn li.»