Zakarii 2:9 - LAWA A BOO SONBORE

⁹ Dɛnaa Lawa a da ǹ boo á ke: Ma dinmaa á re goɛ̃ ma tan ka tɛ kungɔn bɛ́ lɔn kiwi lɛ lɛnpɛnɛ. Ma á re maa tɔ golebaa nyɛɛ kiwi lɛ bii.»

LAWA A BOO SONBORE 2011

⁹ Dɛnaa Lawa a da ǹ boo á ke: Ma dinmaa á re goɛ̃ ma tan ka tɛ kungɔn bɛ́ lɔn kiwi lɛ lɛnpɛnɛ. Ma á re maa tɔ golebaa nyɛɛ kiwi lɛ bii.»

Zakarii 2:9 ပူးပေါင်းရင်းမြစ်များ

Izayii 10:32

A din pinaa kɛ lɛ nɛ, n zɔ́ɔn lɛn man die golee Nɔbu kiwi, ǹ nə n gɔn pepere Siɔn kele li, ka Zeruzalɛmu tenten ne.

Izayii 11:15

Dɛnaa Lawa á re Ezipti tà diɛ piɛ̃ ganaa. Á re parɛɛ Efrati tà li, a n gɔn pepere li. A n die niɛ̃ kɔn gùrù sɔbaa ka a boo sii la pàã nɛ, minin nə boo la ǹ kiɛ̃ a nɛ ka ǹ gòã nɛ.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 13:2

Ka màn zumu sii a kɔnboe lɛa, kele mìi kooro-a la. Ka n lɛ dɛ, ka gòon yiɛ zia-baalin ganaa, ka n gɔn yiɛ ǹ li, mà ǹ nə n bɔyaa ǹ daa, ǹ wɔ ka "kiãn kiɛnlɛ" kɛ nɛ!

Izayii 14:2

Tɔrɔ kɔsɔn tá re Izirayeli minin kuĩ ǹ wo ǹ koa ǹ gána nɛ. Dɛnaa Lawa a tán la walan, Izirayeli minin lɛn tá re n bɔyɛɛ ǹ bɛa minin lɛn baa bɛ̀rɛn lɛa, giĩn laanka lɔn nɛ. Min mɛnɛn nə ǹ baa bɛ̀rɛn lɛa lɛlɛ, ǹ dɔn tá re bɛn biɛ bɛ̀rɛn lɛa. Min mɛnɛn nə nɔmaa da ǹ mii-n lɛlɛ, ǹ dɔn tá re bɛn kiãn biɛ sisia.

Izayii 19:16

Ǹ kɔn pinaa, bɛ̀ Dɛnaa Lawa Pàãyiidɛnaa yoo Ezipti minin gialaa, maǹ die goɛ̃ ka lɔn bɛ́ lɔn, nyɛ́ɛ nə́ ǹ ganaa. Bɛ̀ á n gɔn pepere ǹ li ǹ mɛn pinaa, ǹ gɔ̀nɔn tá re bìn diɛ nyɛ́ɛ gɔn.

Izayii 26:1

Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Izayii 33:1

Nsɛ mɛn bɛ́ basaã koe, n wɔ n ka bɔ̀n nɛ, nsɛ mɛn bɛ́ basaã tɔn nə n yɛ wa, nsɛ mɛn bɛ́ minin yiri siɛ̃ ǹ nə́ ǹ tɔn nə nsɛ yiri sã wa! Bɛ̀ n basaã kɔ n nya ǹ mɛn waáraa, ǹ tá re basaã koe n ne. Bɛ̀ n minin yiri sã n nya biikoo mɛn li, ǹ tá re n dɔ yiri siɛ̃.

Izayii 33:21

Dɛnaa Lawa n die a siĩnbaa nyɛɛ wɔ-n walan lɛn, bɛa bǎã lɛ n die kɔ̀ dadaran, laanka mu zii dadaran bǎã biɛ. Ziabaa ǹ mu la ǹ goo ba re boe walan wa, mu la ǹ goo dadaran ba re kiɛ̃ a-n wa.

Izayii 33:23

Zɔ́ɔn biɛn kɛn paraamaa bie wa. Mu la ǹ goo a bàbàla gole ke a bii ni, ǹ ba boe la ǹ bɛ kũ ǹ golee-n wa. Bɛ lɛ taman yii, naforo gigiã á re n gii. Bɔlɔkan dinin tá re die a kokoo ǹ bǎã nɛ.

Izayii 4:5

Bɛa waáraa, Siɔn kele la, ka zaman mɛn tumaa bɛ́ soe-n kɔn, á re labara boe penleen, a tɛmaa laanka tɛ buə̃ bɔ tèlò-n. Dɛnaa Lawa a gugurubaa n die n koe ǹ tumaa lɛ ka zìã gole bɛ́ lɔn,

Izayii 48:16

Ka n zɔ̃ ka dɔ ma li ka n too kɔ. A kũ kanaa giala kɔ waáraa ganaa, ma tɔn boo durii da wa. Siin giala kɔ waáraa, bɛ̀ ma tan. Sisia kəni, Dɛnaa Lawa n ma diɛ, a yiri n ma la.

Izayii 60:18

Kakaarɛbaa boo ba re n miɛ n gána-n doo wa. Basaã laanka kɛbɔlɔ boo á re n diɛ n gána gɔ́ɔ̃-n wa. N kungɔnɔn kɛn tɔ n die goɛ̃ "Kirisibaa", n kiɛnlɛn tɔ goã "tɔ bɔ".

Izayii 60:19

N laadoo á re goɛ̃ wasa ganaa mà a fúlu kaa n nɛ penleen wa. N laadoo á re goɛ̃ mui ganaa tèlò-n wa. Masɛ Dɛnaa Lawa n die n tɛ fúlu biɛ dan ná a ba la wa, ma din, n Lawa n die tɛ fúlu kiɛ n ganaa ka maa gugurubaa nɛ.

Zeremii 27:7

Tɔrɔ tumaa á re dí nyɛɛ nɛ, a nɛgiĩn ni ka a nɔ̀ɔnɔn nɛ. Bɛ n die n zɛnɛɛ miɛ̃ yǎa biikoo mɛn li bɛ̀ tɔrɔ gigiã laanka kii pàãdɛnan ná a dɔ a gána da ǹ dɔn pàã giulun.

Zeremii 28:9

Sɛnɛ, bɛ̀ Lawa a boo gii-dali á là nyantoro boo diɛ, maǹ siɛ lɔn ǹ dɔ̃ mà Lawa na á dia? Biikoo mɛn li bɛ̀ a da ǹ boon lɛn nə́ n zɛnaa, maǹ die doɛ̃ bɛa waáraa.»

Zeremii 8:19

Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Ezekieli 39:10

Ǹ laadoo ba re doe a ganaa ǹ wo gɔn yɔ don wa, ǹ ba re da kuri daã-n wa. A giala, maǹ die tɛ koɛ ka ziabaa ǹ mànan kɛn lɛn nɛ. Min mɛnɛn nə ǹ mànan goa, ǹ tá re bɛn wɔn goɛ, min mɛnɛn nə ǹ mànan si ǹ la, ǹ tá re bɛn wɔn sii ǹ la. Ma din Dɛnaa Lawa a da ǹ boo ne.

Zowɛli 2:27

Ka á re doɛ̃, mà ma tá kun ka Izirayeli minin lɛn nɛ. Ka á re doɛ̃, mà masɛ, Dɛnaa Lawa din nə kaa Lawa lɛa, mà miã na á banban. Sìi á re maa zaman kɛ kuĩ doo duduu wa.

Abakuku 2:17

Ka kakaarɛbaa mɛn zɛnaa Liban ganaa, bɛ n die kuĩ ka dinin mìi ni. Ka tɔɔn dɛ, á ke tɔɔn tá re ka gɔ̀nɔn diɛ bìn diɛ ganaa nyɛ́ɛ gunun. Bɛ tumaa ǹ die n zɛnɛɛ a giala ka mà kaa tán, Ka kakaarɛbaa zɛnɛɛ gánan manɛ kiwin ni ka ǹ minin ni.

Abakuku 2:8

Ká tɔrɔ gigiã gɔn duduu. A bɛ́ miɛ̃, tɔrɔ gialakunun tá re ka dɔn gɔn dudui. A giala, ka mà kaa tán. Ka kakaarɛbaa zɛnaa gánan manɛ, kiwin ni ka ǹ minin ni.

Sofonii 2:9

Bɛ lɛ nɛ, masɛ kanaa tumaa a Dɛnaa Lawa Pàãyiidɛnaa, Izirayeli a Lawa a da ǹ boo á ke: A ma toa ma yii n koo, Moabu n die n biɛ ka Sodɔmu kiwi bɛ́ lɔn, Amɔn minin kɛn man die goɛ̃ ka Gomɔɔrɔ kiwi bɛ́ lɔn, ǹ gána n die n biɛ nyan tewon lɛa, yìsi yala lɛa, ziziɛ̃-n miɛ̃ yǎa duduu. Maa zaman a min mɛnɛn yii goã koo, bɛn tá re ǹ gɔn dudui. Maa gána minin mɛnɛn yii bɛ́ koo, bɛn tá re ǹ biɛ kíɛ̃ lɛa.

Sofonii 3:15

Zɛ̀rɛ mɛn tumaa bɛ́ ka bɔlɔ-a, Dɛnaa Lawa bɛ bɔ, á kaa zɔ́ɔn kaa baa la. Dɛnaa Lawa, Izirayelin kii tá kun ka ka nɛ. Ka nyan nyɛ́ɛ baa bɔ̀n nɛ doo wa.

Zakarii 2:11

Ka soo, Zeruzalɛmu minin lɛn, kasɛn mɛnɛn bɛ́ giã-n *Baabilonii, ka soo ka wo fufuu!»

Zakarii 2:8

á pɛ-n kɛnɛn: – Baa si n wo pɛ tɔntɔraagiĩ kɛ nɛ biɛ ná a gɔn: «Zeruzalɛmu doamaa nɛ a goã kiwi lɛa kungɔn ná a ba a ganaa wa. A giala, minbuiin nɛn laanka tɔɔn mɛnɛn bɛ́ a nɛ, ǹ tá re mɔnɛɛ ǹ la yii ni.

Zakarii 4:9

«Zorobabeli Lawa a kion lɛ gòã daa. A din dɔ n die nyɔmiɛ̃.» Bɛ̀ bɛ nə́ n zɛnaa ǹ mɛn waáraa, ka á re doɛ̃ ka bɛ nɛ mà Dɛnaa Lawa Pàãyiidɛnaa na á ma dia ka li.

Zakarii 6:15

Min mɛnɛn wɔlɔ bɛ́ sɔsɔɔ, bɛn tá re die n doe Dɛnaa Lawa a kion lɛ a dɔlen lɛ. Ka bɛ-n kəni, ka á re doɛ̃ mà Dɛnaa Lawa Pàãyiidɛnaa na á masɛ Zakarii dia ka li Lawa a boo gii-dali lɛa. Bɛ n die yɔrɔ yii bɛ̀ kaa Dɛnaa Lawa ka Lawa bɔlɔ sii sonbore.

Zakarii 9:15

Dɛnaa Lawa Pàãyiidɛnaa á re a zaman tamɛɛ. Ǹ tá re boe ǹ zɔ́ɔn la, ǹ nə ǹ baragii kɔlɔn yɔyɔrɛ. Ǹ tá re màn mii, ǹ bìn diɛ gole wɔ ka yɔ bɛ min yii ganaa lɔn. Ǹ tá re piɛ̃ ka *wúlu màn mà bɛ́ lɔn paan nɛ, hinlaa ka mà mɛn bɛ́ ǹ kaa *wúlu bɔ ǹ bǎã karan ganaa.

Zaã a sɛ́wɔ 13:19

Man pii ka nɛ sisia, bɛ̀ a biikoo baa doe, màn mɛn bɛ́ toɛ, bɛ̀ á n zɛnaa ǹ mɛn waáraa, ka tɔ́n golee li mà ma bɛ́ min mɛn lɛa mà man bɛ lɛa.

Zaã a sɛ́wɔ 16:4

Sɛnɛ, masɛ n má kɛ pɛ ka nɛ, màn mɛn bɛ́ toɛ, bɛ̀ ǹ biikoo dɔ, ka yiri goã a nɛ mà masɛ goã má pɛ ka nɛ. Ma bɛ pɛ ka nɛ a giala kɔ waáraa wa, a giala, má goã kun ka nɛ.