Zakarii 2:8 - LAWA A BOO SONBORE

⁸ á pɛ-n kɛnɛn: – Baa si n wo pɛ tɔntɔraagiĩ kɛ nɛ biɛ ná a gɔn: «Zeruzalɛmu doamaa nɛ a goã kiwi lɛa kungɔn ná a ba a ganaa wa. A giala, minbuiin nɛn laanka tɔɔn mɛnɛn bɛ́ a nɛ, ǹ tá re mɔnɛɛ ǹ la yii ni.

LAWA A BOO SONBORE 2011

⁸ á pɛ-n kɛnɛn: – Baa si n wo pɛ tɔntɔraagiĩ kɛ nɛ biɛ ná a gɔn: «Zeruzalɛmu doamaa nɛ a goã kiwi lɛa kungɔn ná a ba a ganaa wa. A giala, minbuiin nɛn laanka tɔɔn mɛnɛn bɛ́ a nɛ, ǹ tá re mɔnɛɛ ǹ la yii ni.

Zakarii 2:8 ပူးပေါင်းရင်းမြစ်များ

Siin Giala 20:6

Lawa tɔ́n pɛ nɛ a din narɛɛ lɛ nɛ: «Masɛ dɔ á doɛ̃, máa n nə́ n zɛnaa ka gɔ́ɔ̃ fubaa nɛ, ma dinmaa lɛ dɔ n man kurəə wɔ masɛ lon ganaa. Bɛ lɛ nɛ, ma toa ń nə́ n mɔrɔ lɔ lɛ-a wa.

Kiin2 24:2

Dɛnaa Lawa tɔ́n Kalde minin dia Zoakiimu gialaa, basaã-kɔlen lɛa, ka Siirii minin wɔn nɛ, ka Moabu minin laanka Amɔn tɔrɔn wɔn nɛ, mà ǹ wo Zudaa gána gialaa. A na á ǹ dia woe Zudaa gána lɛ gialaa, màn mɛn bɛ́ toɛ, ǹ na a bɔ̀n baa a kɔnpɛ ka boo kɛ nɛ, Dɛnaa Lawa goã a ná a dí-nyalin, a boo gii-dalin kɛn kaa a pɛ ganaa.

Loen 17:8

N bɛ́ n din yii nàn tamaɛ lɔn, ma tamaa miɛ̃. Ma duru n din nyàa giulun.

Suusun 7:2

Bɛ̀ n tá li n yii goã koo, maa dí-pɛn kɛn tamaa, ka maa daraan kɛn nɛ ka gɔn màn giɔ̀mɔ kaka bɛ́ lɔn.

Izayii 49:19

Hiĩ, n gána lɛ n kɛbɔlɔ lɛa, a n diə gole lɛa, á ziziɛ̃. Sɛnɛ, kànaa ka boɛɛn nɛ, á re kiɛɛrɛ koe n zaman ganaa. Min mɛnɛn nə goã yui ka gialaa, bɛn tá re woe sɔsɔɔ.

Zeremii 12:14

Dɛnaa Lawa boo mɛn da Izirayeli miãkɛn baraan kɛn wɔ paǹ li, ǹsɛn mɛnɛn nə n gɔn da gána kɛ ganaa má kɔ Izirayeli la kíɛ̃ lɛa, á ke: «Man die ǹ woɛ̃ ma ǹ bɔ ǹ tán la. Man die Zudaa zaman woɛ̃ ma bɔ ǹ bii.

Zeremii 27:7

Tɔrɔ tumaa á re dí nyɛɛ nɛ, a nɛgiĩn ni ka a nɔ̀ɔnɔn nɛ. Bɛ n die n zɛnɛɛ miɛ̃ yǎa biikoo mɛn li bɛ̀ tɔrɔ gigiã laanka kii pàãdɛnan ná a dɔ a gána da ǹ dɔn pàã giulun.

Ezekieli 25:12

Masɛ Dɛnaa Lawa gole a da ǹ boo á ke: – Edɔmu minin nə́ gɛ̀ dòo babaraa bɔ Zudaa minin ganaa. Bɛa gɛ̀ dòo kɛ lɛ ǹ nə́ bɔ ǹ ganaa, maǹ nə́ zɛ̀rɛ da ǹ dinin mìi ni. Ǹ sii mɛn zɛnaa,

Ezekieli 25:15

Masɛ Dɛnaa Lawa bɛ́ màn mɛn pii, bɛ n ka kɛ nɛ: – Filisiti minin man nə́ sii zɛnaa, ǹ nə́ ǹ gɛ̀ dòo bɔ nɛ. Ǹ min puusə kɔ ǹ sii gole mɛn zɛnaa ǹ nə́ ǹ gɛ̀ dòo bɔ nɛ, basaã-kɔ dinsɔɔ̃ a lɛa, lɛlɛ a zɔ́ɔbaa taman yii,

Ezekieli 26:2

– Minbuiin a nɛ, Tiiri minin kɛn man yaa we Zeruzalɛmu ganaa kaakaakaa! Ǹ nə́ pii: Kiwi kɛ lɛ, min tumaa goã die a nɛ, a wɔ sàabaa! Kiwi lɛ yu, wɔsɛn dɔn man die pàãma biɛ kɛ gòã wuu li.

Ezekieli 26:20

Bɛa biikoo li, lɛlɛ minin kɛn yala-n, ma á re n diɛ kun ka bɛn nɛ. Ma á re tán giulun kɛ biɛ n giã ǹ bǎã lɛa. Min mɛnɛn bɛ́ yala-n, n tá re goɛ̃ kun ka bɛn nɛ, n nə n baa ka kɛbɔlɔ zizi á ke lɔn, màn mɛn bɛ́ toɛ, min din baran giã n nɛ doo wa, n nyan bǎã yɛ yiikoonaan kanaa kɛ-n doo wa.

Ezekieli 35:5

A giala, ka dinin Edɔmu minin lɛn man ká goã Izirayeli minin lɛn biɛ zɔ́ɔ duduu. Sii bɛ́ á Izirayeli minin lɛn yɛ ǹ mɛn pinaa, ma bɛ́ má ǹ sii baraa lɛ a dɔlɔ bɔ ǹ ganaa ǹ mɛn pinaa, ka n ká n gɔn kũ bɛ lɛ ganaa, ká Izirayeli minin lɛn dɛ.

Ezekieli 36:11

Ma á re minbuiinin laanka tɔɔn mɔnɛɛ. Ǹ tá re mɔnɛɛ, ǹ nɛnyaanan yɛ. Ma á re toɛ zaman mɔnaa gána lɛ nɛ a la lɛlɛ wɔ nɛ. Ma á re bǐɛ̃ zɛnɛɛ ka nɛ a la lɛlɛ wɔ kɛ nɛ. Ka á re doɛ̃ ka bɛ-n kəni, mà ma din nə Dɛnaa Lawa lɛa.

Ezekieli 38:11

N tá re pii mà gána kɛa kiwin man bii-a kooro, kungɔnɔn nə́ ǹ ba ǹ lɛnpɛnɛ wa, goo ba ǹ kiɛnlɛn lɛ, ǹ nə́ n tiɛ̃ fɔlɔ nə n da ǹ kii la wa. N tá re n siɛ bɛ lɛ li, n pɛ mà nsɛ n die woe gána lɛ gialaa, n wo ǹ minin tɔwaa tán, a da yaa maǹ tán kiĩni, là nyantoro la.

Ezekieli 38:14

Bɛ lɛ taman yii, nsɛ minbuiin a nɛ, a pɛ Gɔgu ni mà masɛ Dɛnaa Lawa n kɛ pii: Bɛ̀ maa minin Izirayeli tɔrɔn lɛn tá là nyantoro la ǹ mɛn waáraa, n tá re a boo miɛ.

Amɔɔsi 1:11

Dɛnaa Lawa na á pɛ kɛnɛn: Edɔmu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ ǹ dɔɔ̃n Izirayeli minin lɛn loo ka gɔya sa nɛ, ǹ makara din nə ǹ kũ boɛɛn dinin wa. Ǹ foo na á goã yoo ne ǹ li miɛ̃, sii lɛ na á goã ǹ gɔ́ɔ̃-n miɛ̃. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:13

Dɛnaa Lawa na á pɛ kɛnɛn: Amɔn tɔrɔn kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, Galaati lɔn mɛnɛn bɛ́ nɔ̀ nɛ, ǹ nə́ bɛn nɔ̀ wɔsɔ, màn mɛn bɛ́ toɛ, ǹsɛn gána gole kɔ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:9

Dɛnaa Lawa na á pɛ kɛnɛn: Tiiri minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ zaman tumaa goa ǹ nə́ woo ǹ kɔ Edɔmu minin kɛn la. Ǹ lɛlɛ a lɛ kɔ kɔn la kɛ tamaa wa. Bɛ lɛ nɛ, ma á ǹ zɛ̀rɛ biɛ, ma á re wusii maa da ǹ boo dɔ kio wa.

Misee 4:11

Sɛnɛ sisia, gána gigiã nə́ n lɛ sɔkɔn, ǹ tá ka gialaa. Maǹ pii: «Ka daa wɔ Zeruzalɛmu zaãbaa, bɛ̀ wɔ yii nàn diɛ̃ bɔ a kɛbɔlɔ la.»

Misee 5:6

Zakɔba tɔrɔn mɛnɛn yii goã koo, bɛn tá re giɛ̃ tɔrɔ gigiã kɔsɔn bii. Ǹ tá re ǹ biɛ ka pele bɛ́ lɔn boe Dɛnaa Lawa li, ka la mu bɛ́ lɔn buu ganaa. Bɛn ba giɛ minbuiin nɛ a màn kɔn li wa, ǹ ba n foo doɛ minbuiinin ganaa ka sii kɔn nɛ wa.

Misee 7:10

Wɔa zɔ́ɔn lɛn dɔn dinin tá re yii, sìi á die ǹ kuĩ. A giala, ǹ dinin lɛn man nə́ goã pii wɔ-n kɛnɛn: «Dɛnaa Lawa, kaa Lawa lɛ á maa?» Bɛ̀ ǹ tá tɔtɔrɛ kɛn la tán ǹ gòãn giulun ǹ mɛn waáraa, ka zii gialaa ǹ bɛrɛɛ bɛ́ lɔn, wɔ bɛ́ re giɛ ǹ ganaa mɛnɛn!

Abakuku 2:17

Ka kakaarɛbaa mɛn zɛnaa Liban ganaa, bɛ n die kuĩ ka dinin mìi ni. Ka tɔɔn dɛ, á ke tɔɔn tá re ka gɔ̀nɔn diɛ bìn diɛ ganaa nyɛ́ɛ gunun. Bɛ tumaa ǹ die n zɛnɛɛ a giala ka mà kaa tán, Ka kakaarɛbaa zɛnɛɛ gánan manɛ kiwin ni ka ǹ minin ni.

Abakuku 2:8

Ká tɔrɔ gigiã gɔn duduu. A bɛ́ miɛ̃, tɔrɔ gialakunun tá re ka dɔn gɔn dudui. A giala, ka mà kaa tán. Ka kakaarɛbaa zɛnaa gánan manɛ, kiwin ni ka ǹ minin ni.

Sofonii 2:8

Má Moabu minin sɔ kɔn kɛn ma, ka Amɔnitin din koa ǹ boon kɛn nɛ. Maǹ nə́ sɔ kɔ maa zaman ganaa, ǹ nə́ ǹ dinin gána gole kɔ bɛ̀ ǹ tá maa zaman lɛ a bǎãn tɛnɛn sii ǹ la.

Zakarii 2:11

Ka soo, Zeruzalɛmu minin lɛn, kasɛn mɛnɛn bɛ́ giã-n *Baabilonii, ka soo ka wo fufuu!»

Zakarii 2:9

Dɛnaa Lawa a da ǹ boo á ke: Ma dinmaa á re goɛ̃ ma tan ka tɛ kungɔn bɛ́ lɔn kiwi lɛ lɛnpɛnɛ. Ma á re maa tɔ golebaa nyɛɛ kiwi lɛ bii.»

Zakarii 8:5

Kiwi lɛ a bǎã dadaran tá re piɛ̃ ka nɛnyaanan nɛ, nɛgiĩ laanka nɛlɔn lɛa, sàn koe a nɛ.»

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Matiə 25:45

Kii lɛ á die ǹ lɛ sii kɛnɛn: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa masɛ dɔɔ̃nɔn kɛn kɔ́n nɛ wa, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ dinmaa lɛ-n wa.»

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Zaã a sɛ́wɔ 17:18

N masɛ dia kanaa gɔ́ɔ̃-n lɔn ke, masɛ n má ǹ dɔn dia kanaa gɔ́ɔ̃-n miɛ̃.

Nya ǹ dín 9:4

Á boo-diɛ lɛ ma pii ni: «Sooli, wàa na á baa n tá fuu nyɛɛ masɛ nɛ.»

Timəə dí-pɛn 32:10

Lawa na á woo a minin yaa don, ǹ dininsɔɔ̃nɔn, don mànan lɛ-baa bii, á ǹ tamaa, á ǹ doroo, á ga ǹ walan, ka a din yii nàn bɛ́ lɔn.

Tesaloniki2 1:6

A giala, min mɛnɛn nə goã fuu nyɛɛ ka nɛ, Lawa á re fuu nyɛɛ ǹ dɔn man miɛ̃. Bɛ lɛ n pepere Lawa yɔrɔ-a.

Zaã1 4:14

Wɔsɛn yii yɛ, wɔ na a siére pii, wáa Díi Lawa na á ná a Nɛgiĩ dia, mà a kanaa kirisibaali baa.