Zakarii 2:7 - LAWA A BOO SONBORE

⁷ Lon a dia dí-a wole mɛn bɛ́ boo diɛ ma nɛ, a bɛ́ á n zɔ̃ á die, lon-a dia dí-a wole kɔsɔ daa n da lɛ,

LAWA A BOO SONBORE 2011

⁷ Lon a dia dí-a wole mɛn bɛ́ boo diɛ ma nɛ, a bɛ́ á n zɔ̃ á die, lon-a dia dí-a wole kɔsɔ daa n da lɛ,

Zakarii 2:7 ပူးပေါင်းရင်းမြစ်များ

Siin Giala 19:17

Ǹ bɛ́ Lɔti baɛ̃ soe-n kiwi lɛ nɛ ǹ mɛn waáraa, ǹ nə́ pɛ nɛ kɛnɛn: «Baa si n la koe! N baran ga n kio wa, n baran golee bǎã lɛ a paǹ kɔ́n nɛ wa. Baa si n wo kele la, màn mɛn bɛ́ toɛ, n baran bɔ̀n baa wa.»

Izayii 47:1

Dɛnaa Lawa pɛ: *Baabilonii kiwi, gisĩ n giã tán gusuũ li, *Kaldee minin kiwi, kii dankan bɛ́ a bǎã mɛn nɛ wa, giã tán furu-n walan. Baabilonii kiwi, giã tán furu-n sonbore! Kanna, ǹ ba re n bíi: "Baabilonii sonbore" doo wa, "Baabilonii siĩn" wa.

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 52:11

Kasɛn mɛnɛn bɛ́ Dɛnaa Lawa a wúlu bɔ ǹ mànan guĩ, ka woo, ka wo fufuu! Ka soo ka n bɔ *Baabilonii, ka nyan nə n gɔn da màn gɔ̀dɛnaa kɔn ganaa wa. Ka soo kiwi lɛ nɛ ka n dinin *yoreen kɔ.

Izayii 52:2

Gusuũ mɛn nə n kɔ n lɛ, bɛ duduu n bɔ n ganaa. Zeruzalɛmu, yoo, n giã tán! Siɔn, kòso nɛ, zɔrɔka bɔ n bɔ n bɔlɔ-a!

Zeremii 50:8

Ka baa si ka n bɔ Baabilonii, ka soo ka n bɔ Baabilonii minin gána kɛ nɛ! Ka n baa ka butumu bɛ́ lɔn tɔɔ kuru mìi la.

Zeremii 51:45

Ee, Maa zaman, soo n nə bɔ kiwi kɛ nɛ! Didie baa si, a ga a din li, a n duru maa foo-yoo baraa kɛ nyɛɛnɛ!

Zeremii 51:6

Ka baa si, ka n wɔlɔ sɔsɔɔ kɔ Baabilonii ganaa! Didie tumaa ga a din li! Ka bɛ nɛ, ka a re giɛ̃, a sii baraan lɛa wa. A giala, Dɛnaa Lawa a dɔlɔ bɔ biikoo ne. A kɔnbɔ ka màn mɛn nɛ, a n die bɛ lɛ a saraa koe la.

Misee 4:10

Zeruzalɛmu minin, ka n mɔmɔɔsɛ là-paparɛɛ gɔn ka n lɛ dɛdɛ, ka lɔ nɔnaa n nɔɔrɔ koe. A giala, kanna, ka n die soe ka kiwi lɛ toa, ka á re giɛ̃ don miɛ̃, yǎa ka woe doe *Baabilonii. Sɛnɛ, ka á re kirisibiɛ walan, Dɛnaa Lawa á re ka sii kaa zɔ́ɔn lɛn la.

Minin nimi 16:26

Muizu pɛ zaman lɛ nɛ: «Ka n zɔ̃ ka n bɔ bɛa min baraan kɛn lɛn mɔnaa zìãn ganaa, ka baran toa ka n gɔn da ǹ màn kɔn ganaa wa. Bɛ bie wa, ka dɔn man die giɛ̃ bɛa min baraan kɛn lɛn sii baraan lɛn tumaa taman yii.»

Minin nimi 16:34

Izirayeli minin mɛnɛn tumaa goã kunu ǹ ganaa, bɛn bɛ́ ǹ nə́ ǹ lɛ-dɛ ma, ǹ nə́ n daa baa la. A giala mà ǹ nə́ goã nyɛ́ɛ biɛ, mà tán lɛ tá re ǹsɛn dɔn mui.

Nya ǹ dín 2:40

Piɛrɛ boo gigiã kɔsɔn da á Lawa a boo nyaa nɛ, á minin lɛn dɔn nyankɔ, á pɛ ǹ nɛ: «Ka baa si, ka n bɔ busii kɛ li die mɛnɛɛ min kɔkɔrɔn kɛn la.»

Sii-nyaan 18:4

Má lɛn kɔsɔ ma boe lon pii: – Lawa a minin lɛn, ka soo ka n bɔ kiwi kɛ nɛ, ń giɛ koe mɛn bɛ́ re ǹ yii, ka gii baran yɛ bɛ laanka ǹ sii baraan kɛn nɛ wa.