Zakarii 14:7 - LAWA A BOO SONBORE

⁷ Ǹ kɔn pinaa, Dɛnaa Lawa dinsɔɔ̃ n bɛ doɛ̃, lɛawaa n die goɛ̃ a tan duduu. Min ba re lɛawaa a bɔ kɔnlɛ doɛ̃ ka tèlò-n wa. Haalɛ wasamiɛ̃nɛ, wɔlɔ n tɛ pii.

LAWA A BOO SONBORE 2011

⁷ Ǹ kɔn pinaa, Dɛnaa Lawa dinsɔɔ̃ n bɛ doɛ̃, lɛawaa n die goɛ̃ a tan duduu. Min ba re lɛawaa a bɔ kɔnlɛ doɛ̃ ka tèlò-n wa. Haalɛ wasamiɛ̃nɛ, wɔlɔ n tɛ pii.

Zakarii 14:7 ပူးပေါင်းရင်းမြစ်များ

Loen 37:18

Dɛnaa Lawa n giɛ min sonboren walan. Lawa màn mɛn kɔ ǹ la ǹ kíɛ̃ lɛa, bɛ na a tan yǎa duduu.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 24:23

Sìi á re mui kuĩ, sìi á re n koe wasa lɛ. A giala, Dɛnaa Lawa Pàãyiidɛnaa n die kii biɛ Zeruzalɛmu, *Siɔn kele la. Dɛnaa Lawa a gugurubaa n die tɛ pii kiwi, min golen yɔrɔ-a.

Izayii 30:26

Ǹ kɔn pinaa, Dɛnaa Lawa na a zaman lɛ a bayɛrɛn pii. Bɛ̀ a ná a busulɛn nya, mui á re tɛ pii ka wasa bɛ́ lɔn, wasa á re a lɛawaa sɔbaa fúlu kiɛ pinin goon.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Izayii 58:10

bɛ̀ n tá n màn-bii gii kɔn ka bòonaan nɛ, bɛ̀ n ga nɔmaa-wɔlen walan, ka bɛ-n kəni, n tɛ fúlu á re boe tèlò-n, nsɛ a wɔlɔ tì n die goɛ̃ ka penleen bɛ́ lɔn.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zeremii 30:7

Koe n ka kɛ nɛ! Lɛawaa baraa nɛ! A kɔnbɔ ka lɛawaa kɔn nɛ wa! Zakɔba tɔrɔn foo ziziɛ̃ lɛawaa nɛ, sɛnɛ, ǹ tá re kanbiɛ.»

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Amɔɔsi 8:9

Dɛnaa Lawa wusoo á pɛ kɛnɛn: Bɛa pinaa kɛ lɛ nɛ, ma á re wasa diɛ yii-sã ganaa penleen tiɛɛ̃n nɛ. Ma á re wɔlɔ tii tán la wasa yii ni.

Matiə 24:36

Sɛnɛ, min kɔ́n ba Min a Nɛgiĩ a daa pinaa laanka a lɛawaa doɛ̃ wa, haalɛ lon a dia dí-a wolen ba doɛ̃ wa, Lawa a Nɛgiĩ lɛ dɔ dinmaa ba doɛ̃ wa, yǎa Díi Lawa dinsɔɔ̃.

Marki 13:32

«Sɛnɛ, min kɔ́n ba Min a Nɛgiĩ a daa pinaa laanka a daa biikoo doɛ̃ wa, haalɛ lon a dia dí-a wolen dinin ba doɛ̃ wa, Lawa a Nɛgiĩ dɔ dinmaa ba doɛ̃ wa, yǎa Díi Lawa dinsɔɔ̃.

Nya ǹ dín 1:7

Á pɛ ǹ nɛ: «Maa Díi bɛ́ á biikoon mɛnɛn koa ka a din pàã nɛ, ka doamaa bie ka bɛn dɔ̃ wa.

Nya ǹ dín 15:18

Masɛ din Dɛnaa lɛ n pii miɛ̃, masɛ mɛn bɛ́ má bɛa siin kɛn lɛn yɔrɔ bɔ má koa haalɛ lɛlɛ-lɛlɛ.»

Nya ǹ dín 17:26

A kũ min goon toto ganaa, á tɔrɔ tumaa da, mà ǹ giã kanaa paǹ din tumaa nɛ, á ǹ biikoon laanka ǹ giã ǹ bǎãn koa.

Nya ǹ dín 17:31

Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Tesaloniki1 5:2

Ka dininmaan tá doɛ̃ parsiini. Dɛnaa a daa pinaa lɛ n die wɔ tɔwɛɛ, ka wurumu bɛ́ die min tɔwɛɛ tèlò-n lɔn.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 14:6

Bɛ kio, má lon a dia dí-a wole goon kɔsɔ yɛ piɛ̃ lon sɔsɔɔ. Boo Tii Kɔɔ̃n mɛn bɛ́ a kɔɔ̃nbaa a nyɛɛ wa, bɛ na a gɔn, a n die pii tán minin manɛ, ǹ nə́ tɔrɔ tumaa lɛa, gána tumaa nɛ, bɔlɔ tɔrɔ totoro pɛlen lɛa, ka zaman tumaa nɛ.

Sii-nyaan 21:23

Kiwi lɛ laadoo ba wasa ganaa ka mui ni wɔlɔ tɔn fulu wa, a giala mà Lawa a siĩnbaa n wɔlɔ fúlu kiɛ a ganaa, Sère Nɛ kɛ na a wasa lɛa.

Sii-nyaan 21:25

Lɛawaa a biikoo tumaa li, a kiɛnlɛn ba n tiɛ̃ wa, a giala mà kiwi lɛ nɛ, tèlò a re koe wa.

Sii-nyaan 21:3

Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.

Sii-nyaan 22:5

Tèlò a re koe wa, min kɔ́n laadoo a re goɛ̃ bolon fúlu ganaa, ka wasa a yoo lon ne wa, a giala mà Dɛnaa din tá re a fúlu kiɛ ǹ ganaa. Ǹ tá re goɛ̃ pàã la baraabaraa yǎa duduu.