Zakarii 14:6 - LAWA A BOO SONBORE

⁶ Bɛa pinaa, laadoo ba re doe wɔlɔ fúlu ganaa wa. Nyan ba re boe doo wa, mu á re nyuù we tán la doo wa.

LAWA A BOO SONBORE 2011

⁶ Bɛa pinaa, laadoo ba re doe wɔlɔ fúlu ganaa wa. Nyan ba re boe doo wa, mu á re nyuù we tán la doo wa.

Zakarii 14:6 ပူးပေါင်းရင်းမြစ်များ

Loen 112:4

Wɔlɔ tì li, a n tɛ fúlu boe min pepere kɔsɔn manɛ. A n min pepere lɛa, min bǐɛ̃ lɛa, makara doɛ̃ wole lɛa.

Izayii 13:10

Leeren laanka leere kurun kɛn ba re folon kiɛ doo wa. Wasa n die tii a bɔ tán waáraa. Mui a re folon kiɛ doo wa.

Izayii 24:23

Sìi á re mui kuĩ, sìi á re n koe wasa lɛ. A giala, Dɛnaa Lawa Pàãyiidɛnaa n die kii biɛ Zeruzalɛmu, *Siɔn kele la. Dɛnaa Lawa a gugurubaa n die tɛ pii kiwi, min golen yɔrɔ-a.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Zeremii 4:23

Man giɛ tán ganaa, a gɔ́ɔ̃ kooromaa nɛ, màn kɔ́n banban. Man giɛ lon ganaa, wɔlɔ fúlu banban.

Ezekieli 32:7

Bɛ̀ ń nə́ n yii nimi ǹ mɛn pinaa, ma á re pìi koe lon kɛ lɛ. Ma á re wɔlɔ tii leeren ganaa, ma á re labara koe wasa lɛ, mui dɔ a re folon kiɛ wa.

Ezekieli 32:8

Lon mànan mɛnɛn tumaa bɛ́ folon kiɛ, ma á re wɔlɔ tii ǹ ganaa n din a lɛa, ma á re wɔlɔ tii gána lɛ ganaa. Ma din Dɛnaa Lawa a da ǹ boo ne.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Zowɛli 2:2

A pinaa n die wɔlɔ tì biribiri biɛ, min yii a die wɔlɔ yii wa. A n die goɛ̃ wɔlɔ tì lɛa. Á ke tɔrɔ kɔsɔn nə́ kɔn paã ǹ nə́ die. Ka tèlò bɛ́ lɔn, maǹ gigiã, kakaarɛ, ka bisin bɛ́ lɔn. Kɛ miã bin tɔn nə n zɛnaa wa, ǹ miã dɔ din ba re n zɛnɛɛ doo wa.

Zaã a sɛ́wɔ 1:5

Wɔlɔ tì bɛ́ á goã bǎã mɛn nɛ, wɔlɔ fúlu bɔ walan, wɔlɔ tì bin nə boo la á wɔlɔ fúlu papaã wa.

Zaã a sɛ́wɔ 12:46

Man má daa kanaa kɛ gɔ́ɔ̃ nɛ, ka wɔlɔ fúlu bɛ́ lɔn, màn mɛn bɛ́ toɛ, bɛ̀ min mɛn golee masɛ li, bɛa dɛnaa baran goã wɔlɔ tì li doo wa.

Nya ǹ dín 2:16

Sɛnɛ, ka yii bɛ́ sii mɛn-a ke, Lawa a boo gii-dali Zowɛli boo mɛn pɛ lɛlɛ, bɛ lɛ pã ǹ sii ni.

Nya ǹ dín 2:19

Ma á re kaãbaa ǹ siin zɛnɛɛ lon, ma á re ǹ zɛnɛɛ tán. Minin tá re mà yii, ka tɛ nɛ, ka tɛmaa bara nɛ.

Kolɔɔsi minin 1:12

ka boo la ka barka da Díi Lawa nɛ ka foo kɔɔ̃n nɛ. Lawa mɛn bɛ́ á zii bũ ka nɛ, a bɛ́ màn mɛn koɛ a minin manɛ, a din a wɔlɔ fúlu kɛ nɛ, a die a toa ka kaa wɔ gii yɛ bɛ nɛ.

Piɛrɛ2 1:19

Ka bɛ din tumaa nɛ, Lawa a boo gii-dalin nə màn mɛn da, wɔ foo á doa-n bɛ ganaa dinin. Á soɛ ka ga bɛ ganaa, a giala, a n goon ka bólon ne, kuĩ wɔlɔ tì bǎã nɛ yǎa lɛ̀ wɛɛ, Yezu Krita n baayɛlɛ a leere kɛ lɛa, die wɔlɔ fúlu kiɛ ka foon ne.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 11:3

Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»