Zakarii 14:4 - LAWA A BOO SONBORE

⁴ Bɛa pinaa, a n die gisĩ Olivə kele la, kunu Zeruzalɛmu kiwi ganaa, a lɛ̀giala gɔn la. Olivə kele lɛ n die wɔsɛ a bii ni, a nyankɔrɔ gole goon bɔ, a kũ lɛ̀giala ganaa a wo lɛ̀nyɛɛn yaa. Kele lɛ paǹ goon nə woe gɔsɛ a lɛ̀gɔn la, goon dɔ wo gusin a lɛ̀gɔn la.

LAWA A BOO SONBORE 2011

⁴ Bɛa pinaa, a n die gisĩ Olivə kele la, kunu Zeruzalɛmu kiwi ganaa, a lɛ̀giala gɔn la. Olivə kele lɛ n die wɔsɛ a bii ni, a nyankɔrɔ gole goon bɔ, a kũ lɛ̀giala ganaa a wo lɛ̀nyɛɛn yaa. Kele lɛ paǹ goon nə woe gɔsɛ a lɛ̀gɔn la, goon dɔ wo gusin a lɛ̀gɔn la.

Zakarii 14:4 ပူးပေါင်းရင်းမြစ်များ

Samayeli2 15:30

Davida na á *olivie dan kele kɛa zii saa, á goã dii woe. A na á goã dii, bɛ̀ á n wuu pii. Foo ziziɛ̃ taman yii, màn na á goã koe ne a mìi lɛ, á n tɔ we ka a gòã kooro ne. Zaman mɛn tumaa goã kun ni, bɛn dɔn man nə́ màn kɔ ǹ mìi lɛ, ǹ nə́ goã dii kele lɛ la. Maǹ dii bɛ̀ ǹ tá wuu pii.

Ezekieli 11:23

Dɛnaa Lawa a siĩnbaa yoo á n bɔ kiwi lɛ gɔ́ɔ̃ nɛ, á woo mɛ kele kɛ la Zeruzalɛmu a lɛ̀giala-n.

Ezekieli 38:20

Yìsi mu li ǹ zɔ̀n nɛ, bàanan nɛ, don mànan nɛ, màn mɛn tumaa bɛ́ tɔ we a nɔ̀ la tán, minbuiin nɛ mɛn tumaa bɛ́ kanaa kɛ nɛ, bɛ tumaa gɔ̀nɔn tá re bìn diɛ ma nyɛɛnɛ. Kelen tá re wurii, mu a gisĩ ǹ bǎãn kɛn tá re ziziɛ̃, kungɔnɔn tá re kiɛ.

Ezekieli 43:2

Á ke, ma bɛ́ giɛ, bɛ̀ Izirayeli a Lawa a gugurubaa á ke á n toa lɛ̀giala li, á n die. A wuu na á goã boe ka mu gole wuu bɛ́ lɔn, a tɛ-pɛ kanaa tumaa fúlu.

Abakuku 3:6

Bɛ̀ á gole, tán nə bìn diɛ. Bɛ̀ á ga tɔrɔn ganaa, bɛn man nyɛ́ɛ biɛ nɛ. Kelen mɛnɛn bɛ́ ǹ tan duduu, bɛn man wɔsɛ kɔn. Tentenən mɛnɛn bɛ́ ǹ tan lɛlɛ, bɛn man kiɛ, ǹsɛn mɛnɛn nə goã a kiɛ̃ ǹ zii lɛa lɛlɛ.

Zakarii 14:10

Bǎã mɛn din tumaa bɛ́ Zeruzalɛmu lɛnpɛnɛ, bɛn tumaa á re n bɔyɛɛ ǹ bɔmɔ lɛ baa, a kũ Gebaa ganaa gɔsɛ a lɛ̀gɔn la, a wo Rimɔn yaa gusin a lɛ̀gɔn la. Zeruzalɛmu á re goɛ̃ lon a la bǎã kɔsɔn kɛn manɛ. Kiwi lɛ á re n lɛ boe, a saa Bɛnzamɛn tɔrɔn kiɛnlɛ kɛ ganaa, a wo yǎa kiɛnlɛ bibinaa bǎã kɛ li, yǎa gùrù pusu ǹ kiɛnlɛ kɛ li, a kũ Hanaaneyeli a sanabolo kɛ ganaa, yǎa kii a rezɛ̃ mu bɔ ǹ bǎã kɛ nɛ.

Zakarii 14:7

Ǹ kɔn pinaa, Dɛnaa Lawa dinsɔɔ̃ n bɛ doɛ̃, lɛawaa n die goɛ̃ a tan duduu. Min ba re lɛawaa a bɔ kɔnlɛ doɛ̃ ka tèlò-n wa. Haalɛ wasamiɛ̃nɛ, wɔlɔ n tɛ pii.

Zakarii 14:8

Bɛa pinaa lɛ nɛ, mu fu paɛ̃paɛ̃ tá re pìã woɛ̃ tán Zeruzalɛmu. A mu lɛ a talɛɛ n die baa sii a wo Yìsi mu kɔsɛ kɔsɛ ganaa, a talɛɛ kɔsɔ ke, bɛ n die woe Yìsi mu gole ganaa, a baa si lɛ̀ tumaa gɔ́ɔ̃ nɛ, taãlan laanka bɔ̀nɔn.

Zakarii 4:7

Á pɛ doo: «Kele kaaraa kɛ n die n sàabiɛ a ganaa? Zorobabeli, n tá re bɔyɛɛ n baa nyankɔrɔ basa lɛa. N tá re Lawa a kion a gòã daa ǹ kɔlɔ boe a nɛ. Minin tá re n lɛ dii, ǹ pɛ mà á siĩni, mà á siĩni.»

Marki 11:23

Man pii ka nɛ sonbore ne: Bɛ̀ min mɛn golee Lawa li, ǹ dɛnaa á boe la a pɛ kele kɛ din ni mà a yoo a n bɔ kànaa, a wo n dɔ yìsi mu gole li, bɛ̀ á golee li ma pɛ lɔn, á die n zɛnɛɛ miɛ̃, bɛ̀ á n gɔ́ɔ̃ baa goon, a nə n zɛnɛɛ nɛ.