Zakarii 14:3 - LAWA A BOO SONBORE

³ Dɛnaa Lawa tɔn zia baa tɔrɔn gialakunun kɛn ganaa, ka a bɛ́ zia biɛ lɔn lɛlɛ, zia biikoo li.

LAWA A BOO SONBORE 2011

³ Dɛnaa Lawa tɔn zia baa tɔrɔn gialakunun kɛn ganaa, ka a bɛ́ zia biɛ lɔn lɛlɛ, zia biikoo li.

Zakarii 14:3 ပူးပေါင်းရင်းမြစ်များ

KZS2 20:15

Yahaziyɛli pɛ: – Kasɛn Zeruzalɛmu minin ka Zudaa min kɔsɔn kɛn, sanparɛ nsɛ kii Zozafati, ka n too kɔ sɔnbɔraa nɛ, Dɛnaa Lawa bɛ́ màn mɛn pii ka nɛ, bɛ á ke: «Nyɛ́ɛ nyan ka kũ wa. Ka nyan toa nyɛ́ɛ ka kũ sɔraasi kuru damata kɛ nyɛɛnɛ wa. Zia lɛ bie kasɛn wɔ lɛa wa, sɛnɛ a n masɛ Lawa wɔ lɛa.

Nehemii 4:14

Ka bɛ́ re bɛn wuu miɛ boe bǎã mɛn li, ka da n sɔkɔn wɔ li walan. Wɔa Lawa lɛ á die zia diɛ wɔa lɛa!»

Izayii 29:7

Zeruzalɛmu, gána damata mɛn bɛ́ zia biɛ n ganaa, min mɛnɛn tumaa bɛ́ kungɔn doe n ganaa ǹ nə́ n gɛwɛɛ paǹ yii li, bɛn tumaa á re papaɛ̃ ka narɛɛ bɛ́ lɔn, ka sii-yɛ bɛ́ lɔn tèlò-n.

Zowɛli 3:2

Bɛa biikoo lɛ li, haalɛ bɛ̀rɛgiĩn laanka bɛ̀rɛlɔn nɛ, ma á re ma yiri koe bɛn dɔn la.

Sofonii 3:19

Bɛa biikoo li, min mɛnɛn nə bɔ n yii ni ka mɛnaa ma la siin ni, ma á re yui bɛn gialaa. Ma á re kaa busulən kaka koe. Ǹ wo ka min mɛnɛn nɛ gùli kɔ ǹ bàã nɛ, ma á re die bɛn nɛ piɛ. Kaa tɔ golebaa á re n diɛ wɔlɔ la, sìi ka kũ gánan mɛnɛn tumaa nɛ.

Zakarii 12:9

Dɛnaa Lawa pɛ: «Bɛa waáraa kəni, tɔrɔn mɛnɛn tumaa bɛ́ re yui Zeruzalɛmu gialaa, man die bɛn tumaa dii lenlen.

Zozoe 10:10

Dɛnaa Lawa baa da ǹ gòã li Izirayeli minin lɛn nyɛɛnɛ, á bɔ̀n gole da ǹ ganaa kunu Gabawɔ̃ kiwi li. Á ǹ loo miɛ̃, á Bɛti-Ɔrɔn kele a dii ǹ zii kɛ saa ǹ nɛ. Á saa Azekaa ganaa á ǹ dɛ yǎa Makedaa.

Zozoe 10:14

Dɛnaa Lawa minbuiin nɛ lɛ si bɛa pinaa lɛ nɛ. Bɛa lɛawaa lɛ miã tɔn yɛ wa. A yɛ lɛlɛ wa, a re yii a kio dɔ-n wa. A giala, Dɛnaa Lawa na á goã zia biɛ Izirayeli minin lɛn lɛa.

Zozoe 10:42

Zozoe na á bɛa kiin lɛn tumaa laanka ǹ gánan kũ zia goon toto gòã wuu li. A giala, Dɛnaa Lawa, Izirayeli minin Lawa lɛ na á goã zia diɛ Izirayeli minin lɛn lɛa.