Zakarii 14:20 - LAWA A BOO SONBORE

²⁰ Bɛa pinaa, haalɛ toolon mɛnɛn bɛ́ sùin bɔlɔ-a, ǹ tá re kiɛ̃ bɛn ganaa: "Dɛnaa Lawa wɔn". Donkolon mɛnɛn bɛ́ Lawa a kion, bɛn dɔn tá re màn sonboren biɛ ka mà pɛsɛ̃ ǹ taãnan kɛn bɛ́ lɔn, *wúlu bɔ ǹ bǎã yɔrɔ-a.

LAWA A BOO SONBORE 2011

²⁰ Bɛa pinaa, haalɛ toolon mɛnɛn bɛ́ sùin bɔlɔ-a, ǹ tá re kiɛ̃ bɛn ganaa: "Dɛnaa Lawa wɔn". Donkolon mɛnɛn bɛ́ Lawa a kion, bɛn dɔn tá re màn sonboren biɛ ka mà pɛsɛ̃ ǹ taãnan kɛn bɛ́ lɔn, *wúlu bɔ ǹ bǎã yɔrɔ-a.

Zakarii 14:20 ပူးပေါင်းရင်းမြစ်များ

Kiin1 7:50

Tanan kɛn manɛ, sana gɔyan kɛn manɛ, mà pɛsɛ̃ ǹ mànan kɛn manɛ, kaaranan kɛn manɛ, da yon gìĩ kɔɔ̃n tã ǹ mànan kɛn nɛ. Ǹ tumaa n sana yoreen yoreen lɛa. Kiɛnlɛn mɛnɛn bɛ́ woe niɛ̃ bǎã sonbore sonbore lɛ gɔ́ɔ̃ nɛ, kiɛnlɛn lɛn mɛnɛn dɔn bɛ́ die kion gɔ́ɔ̃ gole lɛ-a, ǹ bɛ́ tàanan mɛnɛn la, bɛn man sana lɛa.

KZS2 4:8

Á tabala fù zɛnaa, á ǹ dɔn kaa Lawa a kion lɛ nɛ, sooro n gusin, sooro n gɔsɛ. Á mà si ǹ kaaran paabiɛ zɛnaa ka sana yoreen na.

Loen 110:3

N zaman lɛ á die n din koe ka foo kɔɔ̃n nɛ, n zia-baalin lɛ sɔkɔn pinaa kɛ nɛ. Tɔntɔraan tá die n li, kele sonboren kɛn la, ǹ tumaa n bɔlɔbɔlɔ ka buu buruu bɛ́ lɔn.

Bɔ bɛ̀rɛbaa nɛ 25:29

N wúlu mànan kaa ǹ mànan zɛnaa: tasanan nɛ, gongonən ne, tàanan nɛ ka yɔ zuməə ǹ mànan nɛ. N nə ǹ tumaa zɛnaa ka sana yoreen yoreen ne.

Bɔ bɛ̀rɛbaa nɛ 37:16

Á tabala lɛ a màn bisinin tumaa zɛnaa ka sana yoreen yoreen ne: tasanan nɛ, gongonən ne, tàanan nɛ, yɔ zuməə ǹ mànan nɛ.

Bɔ bɛ̀rɛbaa nɛ 39:30

Bɛ kio doo kəni, ǹ nə́ nyaǹ màn zɛnaa ka sana yoreen ne, ka da buũ bɛ́ lɔn, ǹ nə́ kiɛ̃ a ganaa, ka ǹ bɛ́ gòã-kurii diɛ màn ganaa lɔn, "Kɛ n Dɛnaa wɔ lɛa".

Izayii 23:18

Sɛnɛ, a bɛ́ re là mɛn yii, bɛ n die Dɛnaa Lawa wɔ biɛ. Bɛa là lɛ a re n tamɛɛ wa, a re n koɛ wa. A bɛ́ re màn mɛn yii, bɛ n die Dɛnaa Lawa guguru-kɔlen toe, ǹ kã, ǹ mɔnaa sonboren pii ni.

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Zeremii 31:40

Geren nyankɔrɔ basa kɛ nɛ, tonən wɔ nɛ, ka bǎã mɛn tumaa bɛ́ siɛ Sedrɔn ganaa a wo gùrù kɛ ganaa sùin kiɛnlɛ-a lɛ̀giala gɔn la, bɛn tumaa á re maa wɔ biɛ. Màn kɔn ba re n woɛ̃ walan, a ziziɛ̃ bɛa bǎã lɛ-n doo wa.

Ezekieli 45:1

«Bɛ̀ ǹ nə́ n pã ǹ nə́ gána lɛ gii ǹ mɛn waáraa, ǹ masɛ Dɛnaa Lawa wɔ gii bɔ. Bɛ n die goɛ̃ masɛ wɔ lɛa gána lɛ nɛ, a sasabaa goã gùrù yii duu fuəwensooro (25 000), a pəməbaa goã gùrù yii duu fu (10 000). Bɛ tumaa n die goɛ̃ a gɔrɔn ma din wɔ lɛa.

Lawa a wúlu-bɔlen 8:9

Á mìi yii ǹ mɔnaa gɔn kɛ yii a mìi-a, sana ke da buũ a kɔnboe lɛa, á bɛ da mɔnaa gɔn kɛ ganaa a nyanlɛ-a. Bɛ n nyɛɛ mà ǹ nə́ Aarɔn bɔ ǹ nə́ koa Dɛnaa Lawa wɔ lɛa, ka Dɛnaa Lawa bɛ́ á goã á pɛ Muizu-n lɔn.

Abdiasi 1:17

Sɛnɛ, min mɛnɛn bɛ́ re baa sii ǹ la, bɛn tá re n duri *Siɔn kele kɛ la, á re wusii a kele sonbore baa. Zakɔba tɔrɔn tá re wusii, ǹ nə ǹ bǎã si ǹ zɔ́ɔn la.

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Zakarii 14:19

Bɛ n die dɔlɔ biɛ Ezipti gána ganaa, ka tɔrɔn mɛnɛn bɛ́ ǹ ba re woe bɛa zɔ́n lɛ zɛnɛɛ wa.

Zakarii 8:3

Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»

Zakarii 9:15

Dɛnaa Lawa Pàãyiidɛnaa á re a zaman tamɛɛ. Ǹ tá re boe ǹ zɔ́ɔn la, ǹ nə ǹ baragii kɔlɔn yɔyɔrɛ. Ǹ tá re màn mii, ǹ bìn diɛ gole wɔ ka yɔ bɛ min yii ganaa lɔn. Ǹ tá re piɛ̃ ka *wúlu màn mà bɛ́ lɔn paan nɛ, hinlaa ka mà mɛn bɛ́ ǹ kaa *wúlu bɔ ǹ bǎã karan ganaa.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Minin nimi 4:14

Ǹ bɛ́ a dí nyɛɛ ka mànan mɛnɛn tumaa nɛ, ǹ bɛn kaa la: a tɛ nàn kaa ǹ mànan kɛn nɛ, a siĩ fɔ̃ ǹ bàlàn kɛn nɛ, a ton goa ǹ lasanan kɛn nɛ, ka a mà pɛ̃sɛn tàanan nɛ. Kɔmalɛ mɛn nə́ ke á n zɛnaa ka siĩ ki kəkə ne, ǹ bɛ kɔ lɛ, ǹ na a saa ǹ bàlàn kaa a ganaa.

Minin nimi 4:7

Ma gɔ ǹ buuru bɛ́ n koɛ tabala mɛn la, ǹ mɔnaa bɔlaan naa bɛ la. Tasanan kɛn, ka kaaranan kɛn nɛ, ka tàanan kɛn laanka duvɛ̃ zuməə ǹ mànan kɛn nɛ, ǹ bɛn kaa bɛa tabala lɛ la. Masɛ a baraabaraa gɔ ǹ buuru kɛ n die goɛ̃ walan.

Luku 11:41

Bɛ̀ ka tá kaa paanan laanka kaa kununun lɛn gɔ́ɔ̃gɔ́ɔ̃ ǹ mànan koe doobaan la, kaa màn din tumaa á die yoreen koe: Kaa paanan nɛ, kaa kununun ni, ka ka dininmaan foon dɔn nɛ.

Nya ǹ dín 10:15

Sɛnɛ, lɛn goon wusoo á boo da-n doo: «Lawa bɛ́ pii mà màn mɛn tá siĩni, n baran pɛ mà soɛ̃ màn nɛ ka bɛ-n wa.»

Nya ǹ dín 10:28

Piɛrɛ pɛ: «Táa ka tá doɛ̃ mà Zuifu nə n mɔrɔ tɔrɔ kɔsɔ ganaa, hinlaa mà a wɔ a kion dinin, mà a doamaa bie wa. Sɛnɛ, masɛ mɛn nə́ ke, Lawa nyaa masɛ nɛ sisia, mà min kɔ́n doamaa bie a n bíi soɛ̃ min wa.

Nya ǹ dín 11:9

Lɛn lɛ wusoo á bɔ lon doo, á pɛ ka a paabaa ǹ wɔ nɛ: «Lawa bɛ́ pii mà màn mɛn tá siĩni, nsɛ Piɛrɛ baran pɛ mà soɛ̃ màn nə ka bɛ-n wa.»

Nya ǹ dín 15:9

Lawa bɛa tɔrɔ kɔsɔn kɛn lɛn bɔ kɔn lɛ ka wɔsɛn nɛ wa. Ǹ dɔn bɛ́ ǹ nə́ goleemali kɛ wɔ, Lawa nə́ ǹ foo pii.

Kolɔɔsi minin 3:17

Ka bɛ́ boe la ka á boo woo boo diɛ, ka á sii woo sii zɛnɛɛ, ka bɛ tumaa zɛnaa ka wɔa Dɛnaa Yezu tɔ nɛ, bɛ̀ ka n barka diɛ Díi Lawa nɛ, a din lɛ pàã ganaa.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Piɛrɛ1 4:11

Bɛ̀ ka mɛn nə boo-laakalaali lɛa, ǹ dɛnaa toa a Lawa a boo kɛ laakalaa. Bɛ̀ min mɛn dɔ n dí yɔrɔ boe, a toa a zɛnaa ka pàã kɛ nɛ Lawa n koe la. A n zɛnaa miɛ̃, màn mɛn bɛ́ toɛ, sii din tumaa gɔ́ɔ̃ nɛ, tɔ-bɔ goã Lawa nɛ ka Yezu Krita barka nɛ. Gugurubaa laanka mìinaabaa n bɛa Lawa lɛ wɔ lɛa yǎa duduu. A n miɛ̃!

Sii-nyaan 1:6

Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!

Sii-nyaan 20:6

Min mɛnɛn gii bɛ́ á yɛ bɛa yii-kaa bibinaa kɛ lɛ nɛ, bɛn foo á re kɔɔ̃n koe, maǹ Lawa wɔn lɛa. Gɛ̀ a paabaa ǹ wɔ kɛ a boe bɛn la doo wa. Ǹ tá re Lawa laanka Krita a wúlu-bɔlen biɛ, ǹ goã pàã la kun ka Krita nɛ, yǎa lɛ̀ duu goon.

Sii-nyaan 5:10

Kanna, ka bɛ nɛ, n nə́ ǹ tumaa bɔyaa duduu n nə́ ǹ baa wɔa Lawa a dí-nyalin lɛa, n nə́ ǹ baa a wúlu-bɔlen lɛa, n nə́ ǹ baa kii dadaran lɛa, ka boo taãnɛ, n nə ǹ baa kanaa tumaa a dɛnan lɛa.»

Samayeli1 2:14

A n siɛ a dere siĩ màn lɛ nɛ. Bɛ̀ siĩ fɔ̃ ǹ bàlà lɛ kɔnpɛ ka ǹ mɛn nɛ, Lawa a wúlu-bɔle lɛ din ni nɔmɛ bɛ ganaa. Izirayeli min mɛn tumaa goã woe Lawa a kion, Siiloo, maǹ nə́ goã zɛnɛɛ ǹ nɛ miɛ̃.