Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zakarii 14:10 - LAWA A BOO SONBORE

10 Bǎã mɛn din tumaa bɛ́ Zeruzalɛmu lɛnpɛnɛ, bɛn tumaa á re n bɔyɛɛ ǹ bɔmɔ lɛ baa, a kũ Gebaa ganaa gɔsɛ a lɛ̀gɔn la, a wo Rimɔn yaa gusin a lɛ̀gɔn la. Zeruzalɛmu á re goɛ̃ lon a la bǎã kɔsɔn kɛn manɛ. Kiwi lɛ á re n lɛ boe, a saa Bɛnzamɛn tɔrɔn kiɛnlɛ kɛ ganaa, a wo yǎa kiɛnlɛ bibinaa bǎã kɛ li, yǎa gùrù pusu ǹ kiɛnlɛ kɛ li, a kũ Hanaaneyeli a sanabolo kɛ ganaa, yǎa kii a rezɛ̃ mu bɔ ǹ bǎã kɛ nɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

10 Bǎã mɛn din tumaa bɛ́ Zeruzalɛmu lɛnpɛnɛ, bɛn tumaa á re n bɔyɛɛ ǹ bɔmɔ lɛ baa, a kũ Gebaa ganaa gɔsɛ a lɛ̀gɔn la, a wo Rimɔn yaa gusin a lɛ̀gɔn la. Zeruzalɛmu á re goɛ̃ lon a la bǎã kɔsɔn kɛn manɛ. Kiwi lɛ á re n lɛ boe, a saa Bɛnzamɛn tɔrɔn kiɛnlɛ kɛ ganaa, a wo yǎa kiɛnlɛ bibinaa bǎã kɛ li, yǎa gùrù pusu ǹ kiɛnlɛ kɛ li, a kũ Hanaaneyeli a sanabolo kɛ ganaa, yǎa kii a rezɛ̃ mu bɔ ǹ bǎã kɛ nɛ.

အခန်းကိုကြည့်ပါ။ ကော်ပီ




Zakarii 14:10
28 ပူးပေါင်းရင်းမြစ်များ  

Bɛ kio kii Azaa tɔ́n lɛ dia Zudaa gána minin tumaa la, a min lɛ bɔ á da wa. Bayesaa goã kungɔn doe Ramaa kiwi ganaa ka kɔlɔn laanka gɔnɔn mɛnɛn nɛ, ǹ nə́ woo ǹ goa Raamaa ǹ nə́ daa ǹ nɛ. Kii Azaa bɛa kɔlɔn lɛn laanka bɛa gɔnɔn lɛn goã á kungɔn dɔ nɛ, Misipaa kiwi ganaa, ka Gebaa kiwi kɛ nɛ, Bɛnzamɛn tɔrɔn tán la.


Zudaa gána a kii Amasiya lɛ Ahaazia a nɔ́ɔn lɛa, Zoasi a nɛ lɛa, Izirayeli gána a kii Zoasi lɛ bɛ da kòso-n Bɛti-Semɛsi. Bɛ kio, Zoasi daa Zeruzalɛmu, á kiwi lɛ a kungɔn paǹ goon wuru. A sasabaa á doe mɛtərə biɛ paa (200) kɛ miã. A n kuĩ Efrayimu a kiɛnlɛ kɛ ganaa yǎa kɛ gùrù a kiɛnlɛ kɛ li.


Ǹ nə́ giã kiwi sooro kɔsɔ dɔ nɛ: Bɛa kiwin lɛn man ka Ayini kiwi ni, Etamu kiwi ni, Rimɔn nɛ, Tokɛn nɛ, ka Asan kiwi ni.


Bɛti-Semɛti lɛ nɛ, Izirayelin kii Zoasi Zudaan kii Amasiya kũ, ke Zoasi a nɛgiĩ lɛa Zoakazi a nɔ̀ɔn lɛa, á baa kòso nɛ lɛa. Á n toa walan á woo ne Zeruzalɛmu. Ǹ nə́ kiwi lɛ a kungɔn ziziɛ̃, a sasabaa dɔ mɛtərə biɛpaa, Efrayimu a kiɛnlɛ bii ni ka gùrù-a kiɛnlɛ kɛ nɛ.


Oziasi gɔnda ǹ kionən dɔ Zeruzalɛmu, tamaa nɛ sɔnbɔraanɛ, gùrù ganaa ǹ kiɛnlɛ kɛ lalan, nyankɔrɔ basa kiɛnlɛ kɛ lalan ka kungɔnɔn wɔ kɔnlɛ ǹ bǎã kɛ nɛ gùrù yiɛ lɛa.


Bɛ kio, wɔ́ bɔ Efrayimu kiɛnlɛ kɛ lalan, ka kiɛnlɛ zizi kɛ nɛ, zɔ̀nɔn kiɛnlɛ kɛ nɛ, Hananeyeli a sanabolo kɛ nɛ, Meya a sanabolo kɛ nɛ, wɔ́ woo yǎa sèren kiɛnlɛ kɛ li. Wɔ́ tɔ́n golee wɔlɔ lɛduə̃ ǹ kiɛnlɛ kɛ lɛ-a.


Lawa a wúlu-bɔlen kiã Eliasibu tɔ́n yoo kun ka ǹ miã wúlu-bɔlen ne, kiɛnlɛ ke ǹ nə́ bíi "Sèren kiɛnlɛ" ǹ nə́ bɛ dɔ. Bɛ kio, ǹ nə́ kɔ Lawa la, ǹ ná a goon dɔn wɔ lɛ. A saa tán Meya a sanabolo kɛ li, ǹ nə́ kungɔn lɛ kɔ Lawa la yǎa á daa dɔ Hananeyeli a sanabolo kɛ li.


Maǹ koe zii bɔnboɛɛnɛn lɛ kelen bii ǹ nə́ pii: «Ka daa wɔ nyəə Gebaa.» Ramaa kiwi, minin man bìn diɛ ǹ nyɛɛnɛ. Gibeya, Sayulu a kiwi minin man baa sii.


Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.


Á Lawa a boo gii-dali Zeremii lɛ dɛ, ǹ nə́ kũ ǹ nə́ yii bìbì ganaa Lawa a kion a wɔ ǹ kiɛnlɛ-a, lon a lɛ̀gɔn la, ǹ bɛ́ ǹ mɛn bíi mà Bɛnzamɛn tɔrɔn kiɛnlɛ.


Dɛnaa Lawa n kɛ pii: Ma á re Izirayeli minin lɛlɛ ǹ giã ǹ gɔn koe ǹ la. Ma á re makara boe ǹ kion minin ganaa. Ǹ nə ǹ kiwin mɛnɛn yu, ǹ tá re wusii ǹ bɛn dɔ ǹ bǎã nɛ, ǹ kion sonboren kɛn nə ǹ lɛlɛ bǎãn saa.


A bɛ́ á dɔ Bɛnzamɛn minin kiɛnlɛ-a, á n da wɔlɔ-lɛduə̃lin goledɛnaa Iriya lɛ, Anania a nɔ̀ɔn lɛa, Selemia a nɛgiĩ lɛa. Iriya Lawa a boo gii-dali Zeremii bíi á pɛ nɛ: «N nə n woe n kiɛ kun ka Baabilonii minin ni!»


A da yaa, Etiopii min goon goã dí-nyali yii guguru-a lɛa kii a kion, a tɔ n Ebɛdi-Melɛki. Bɛ ma mà maǹ nə́ Zeremii da nyankɔrɔ zuzulu lɛ nɛ. Kii sɛ na á goã golee-n Bɛnzamɛn tɔrɔn kiɛnlɛ-a.


Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.


Lɛawaan kɔnɔn tá re doe, Dɛnaa Lawa a kion lɛ bɛ́ kele mɛn la, bɛ á die goɛ̃ ǹ miã kelen mìi la, lon tentenen tumaa mìi la, tɔrɔn tá re yiɛ girigiri bɛ̀ ǹ wo la.


Bɛa waáraa kəni, ma á re Zudaa a kiã biɛ ka tɛ bɛ́ lɔn gɔn dakɔnla giulun, hinlaa ka tɛ bɛ́ lɔn làpaa ganaa toa giulun. Tɔrɔn mɛnɛn bɛ́ ǹ lɛnpɛnɛ, ǹ tá re bɛn tumaa yɔyɔrɛ lenlen. Sɛnɛ, Zeruzalɛmu minin tá re giɛ̃ ǹ kiwin ni.


Má nɔ̀n da: «Maǹ nə́ daa wàa pɛ?» Á ma lɛ si kɛnɛn: «Maǹ nə́ daa nyɛ́ɛ da gána pàãdɛnan kɛn ganaa ǹ nə́ ǹ ziziɛ̃, ǹ mɛnɛn lɛn nə da Zudaa gána yu. Ǹ nə́ Zudaa a zaman loo paǹ yii li, min kɔn boo la á n gòãn doa ǹ nyɛɛn wa.»


Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»


Lebayɔti, Silimu, Ayini laanka Rimɔn. A tumaa a kaa kun kiwi dadara fuəwenmanangɔrɔ, ka ǹ kiwi bisinin ni.


Ǹ kiwin mɛnɛn bɔ Bɛnzamɛn tɔrɔn bǎã nɛ, bɛn man ka kɛn nɛ: Gabawɔ̃ laanka a lɛkoro lɛ-a bǎãn manɛ, Gebaa laanka a lɛkoro lɛ-a bǎãn nɛ,


Ǹ gialakunun kɛn nə́ n bɔyaa ǹ nə́ baa si, ǹ nə́ n yɔrɔ dia don la, ǹ nə́ woo Irimɔn kiwi a gɛ̀fu bǎã kɛ nɛ. Izirayeli minin lɛn nə́ ǹ min duu sooro dɛ zii la. Ǹ nə́ gialakunun kɛn loo miɛ̃, yǎa ǹ nə́ dɔ ǹ ganaa Gidɔn, ǹ nə́ wusoo ǹ nə́ min duu paa dɛ bɛn dɔn bii.


Min biɛsɔrɔ na á n kio kɔ, ǹ nə́ baa si ǹ nə́ woo don, Irimɔn a gɛ̀fu bǎã kɛ nɛ, ǹ nə́ giã walan yǎa mui sii.


Bɛ kio, zaman lɛ tumaa minin dia Bɛnzamɛn tɔrɔn lɛn li Irimɔn a gɛ̀fu bǎã kɛ nɛ, mà ǹ wo là nyantoro boo da ǹ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ