Zakarii 12:8 - LAWA A BOO SONBORE

⁸ Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

LAWA A BOO SONBORE 2011

⁸ Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

Zakarii 12:8 ပူးပေါင်းရင်းမြစ်များ

Loen 8:5

minbuiin nɛ n wàa lɛa kəni, n tɔn nə n yiri koa li? A n wàa lɛa, n tá giɛ a walan?

Loen 82:6

Man pii ka nɛ: Ka n lawan lɛa, ka tumaa n Lon a Lawa Gole lɛ a nɛnyaanan lɛa.

Bɔ bɛ̀rɛbaa nɛ 14:19

Dɛnaa a lon a dia dí-a wole mɛn goã tɔ we Izirayeli nɛnyaanan lɛn nyɛɛnɛ, bɛ́ kiɛ̃ á giã ǹ kio ganaa. Tɛmaa bara lɛ dɔ yoo ǹ nyɛɛnɛ, á daa ǹ kio.

Bɔ bɛ̀rɛbaa nɛ 33:2

Ma á re lon a dia dí-a wole goon diɛ n nyɛɛnɛ, ma á re Kanaan minin lui, ka Amɔɔrɔ minin ni, Ɛti laanka Perɛzi minin ni, Ivii laanka Zebuzu minin ni.

Izayii 30:26

Ǹ kɔn pinaa, Dɛnaa Lawa na a zaman lɛ a bayɛrɛn pii. Bɛ̀ a ná a busulɛn nya, mui á re tɛ pii ka wasa bɛ́ lɔn, wasa á re a lɛawaa sɔbaa fúlu kiɛ pinin goon.

Izayii 31:4

Dɛnaa Lawa boo mɛn da ma nɛ, á ke: Bɛ̀ yàra hinlaa yàra nɛ á wɔɔsaa we siĩ la, haalɛ ta ǹ nə́ tɔɔ-lɛduə̃li gigiã bii ǹ nə́ ǹ kaa a ganaa, a nyɛ́ɛbiɛ ǹ gigiãbaa-n wa, ǹ bɛ́ lɛ-dɛ mɛn we, bɛa nyɛ́ɛ diɛ a ganaa wa. A din yɔrɔ goon la masɛ Dɛnaa Lawa Pàãyiidɛnaa á re gisĩ *Siɔn kele la, ma ziabaa ǹ ganaa.

Izayii 33:24

Zeruzalɛmu kiwi, min kɔn ba re pii mà asɛ a lon wa. Zaman mɛn bɛ́ giã-n walan, ǹ tá re a sii baraan toɛ nɛ.

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Izayii 53:3

Ǹ nə́ n la bɔ a ganaa, ǹ nə́ da ǹ gɔn dɔ̀ɔ̃ nɛ. Nɔmaa wole ne, a lɛ mui ka fuu ni. A n ka min mɛn bɛ́ min kɔn ba li mà a ga a ganaa wa. Ǹ nə́ n la bɔ a ganaa, a màn kɔn lɛa wɔ yii li wa.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zeremii 27:10

Ǹ bɛ́ boo mɛn diɛ ka nɛ, soɛ nɛ. Bɛ̀ ka n too kɔ ǹ lon, ka wɔlɔ á re sɔsɔɔ koe kaa gána ganaa. Hiĩ, man die ka pɛsɛ̃ bǎã yii ni, ka gã walan.

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Ozee 12:3

Dɛnaa Lawa n kiri we ka Zudaa minin ni, á re yui Zakɔba a zaman gialaa, ǹ giã ǹ gɔǹ baraa lɛ taman yii. Ǹ sii baraa mɛn lɛ zɛnaa á re bɛ lɛ a dɔlɔ diɛ a mìi ni.

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Lawa a wúlu-bɔlen 26:8

Kaa min sooro á die kaa zɔ́ɔn lɛn min paabiɛ lui, kaa min paabiɛ á die kaa zɔ́ɔn lɛn min duu fù lui. Ka á re kaa zɔ́ɔn lɛn dii, ka ǹ kaa tán.

Misee 5:8

N gɔn saa n baa zɔ́ɔbaa wolen lɛn li miɛ̃, toa n zɔ́ɔn lɛn tumaa papaã.

Misee 7:16

Tɔrɔ kɔsɔn lɛn dɔn dinin tá re yii, sìi á die ǹ kuĩ, ǹ laanka ǹ pàãdɛnaabaa kɛ lɛ din tumaa nɛ. Ǹ tá re n kaãbiɛ, boo din ná a re n diɛ ǹ la wa. Ǹ tá re goɛ̃ ka too tere-an bɛ́ lɔn.

Misee 7:8

Wɔa zɔ́ɔn lɛn, ka nyan yaa wɔ wɔ ganaa wa koe! A giala, ta wɔ́ mɛnaa, wɔ á re wusii wɔ yoo. Ta wɔ n giã-n wɔlɔ tì li, Dɛnaa Lawa din nə wɔa tɛ fúlu lɛa.

Zakarii 10:7

Efrayimu minin foo n die tã koe, ka zia-baali zanbian bɛ́ lɔn. Ǹ foo n die kɔɔ̃n koe, ka maǹ nə́ duvɛ̃ mi. Ǹ nɛnyaanan tá re bɛ yii, maǹ die goɛ̃ ǹ foo n kɔɔ̃nɛ, ǹ nə n nyɛnyɛɛ Dɛnaa Lawa taman yii.

Zakarii 2:5

Sii nyaa gɔ́ɔ̃ nɛ, masɛ Zakarii, má n yii saa lon, ma sii mɛn yɛ, á ke: Giĩ goon ne, ka màn zɔ́ɔ̃ ǹ biɛ ná a gɔn.

Zakarii 9:14

Ka bɛ-n kəni, Dɛnaa Lawa n die yui lon ǹ mìi la, a kiɛ kɛ wo ka la a tɛ pɛ bɛ́ lɔn. Dɛnaa Lawa n die bɛn pii, a wo nyɛɛnɛ ka labara nɛ, boe gusin a lɛ̀gɔn la.

Zakarii 9:8

Ma á re maa gána lɛ lɛduĩ, ma a kirisibaa zɔ́ɔ woo a daa wolen ganaa. Tiin kiã kɔn ba re die boe maa zaman yii-n doo wa. A giala, má n yiin doa ǹ la kanna.»

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Rɔmu minin 9:5

Ǹ dinin lɛn man wɔ digolo Abrahamu laanka Izaaki ka Zakɔba a nɛnyaanan lɛa. Haalɛ wɔ Nyin-sili Yezu Krita dɔ dinmaa lɛ nə ǹ dinin tɔrɔ min lɛa, gɔ̀nɔn siĩ wɔ gɔn la. Krita lɛ n Lawa lɛa, a din nə màn tumaa mìi la. Gugurubaa na a wɔ lɛa yǎa duduu. A n miɛ̃!

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Ebrəə 11:34

ǹ nə́ tɛ dadaran pàã nya, ǹ nə́ kirisibaa gɔya gɛ̀ ganaa. Ǹ nə́ goã pàã wɛɛnaan lɛa, ǹ pàã gole kɔ. Ǹ nə́ giĩbaa nyaa zia la, ǹ nə́ gána kɔsɔn zia-baalin loo.

Zozoe 23:10

Kaa min goon na á goã baa diɛ kaa zɔ́ɔn lɛn min duu goon gòã li. A giala, Dɛnaa Lawa lɛ, kaa Lawa lɛa, bɛ na á goã zia diɛ kaa lɛa, ka a bɛ́ á pɛ ka-n lɔn.

Sii-nyaan 22:13

Masɛ din nə bibinaa lɛa, ma din nə giala-nyɔmɔɔ dɔ lɛa, giala-kɔ nɛ, ka a nya ǹ bǎã nɛ.»

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.