Zakarii 12:10 - LAWA A BOO SONBORE

¹⁰ Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

LAWA A BOO SONBORE 2011

¹⁰ Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Zakarii 12:10 ပူးပေါင်းရင်းမြစ်များ

Siin Giala 45:1

Zozɛfu bɛ́ á n din kũ á fɔ̃, a dí-nyalin mɛnɛn tumaa bɛ́ a li, á pɛ ǹ nɛ mà ǹ soo kanaa. A minin lɛn kɔ́n bɛ́ a banban, á tɔn nə n din pɛ ǹ dɔɔ̃nɔn lɛn nɛ.

Siin Giala 45:2

Á n lɛn saa lon á wuu pɛ, yǎa Ezipti minin ná a lɛ ma, *Faarahɔn a kion minin dinin ná a boo ma.

Loen 51:12

Lawa, foo yoreen da ma nɛ, n yiri dii kɔ ma la, yiri mɛn bɛ́ golee ne.

Suusun 1:23

Ka n too kɔ maa doroon li. Man die ma yiri gisĩ ka la kəni, ma toa ka maa da ǹ boon dɔ̃.

Suusun 4:3

Masɛ dɔ nɛ sonbore baa maa díi gɔn. Maa náa ma narɛ parsiini nɛ goondɛnaabaa wɔ nɛ.

Izayii 32:15

Sɛnɛ ǹ kɔn pinaa, Dɛnaa Lawa á re a yiri gisĩ wɔ la. Bɛa biikoo li kəni, diə gole á re n bɔyɛɛ a da nɛ-kɔle wuru baa, da nɛ-kɔle wuru á re n bɔyɛɛ a daã baa.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Zeremii 31:19

Taãn nɛ, wɔ́ n wɔlɔ lui n ganaa. Sɛnɛ sisia, bɛ n busi wɔ ganaa. Wɔ́ wɔa sãn dɔ̃, wɔ́ na ǹ nɛ kanna. Wɔa yii gugurubaa nya, sìi nə n kɔ wɔ lɛ. Sonbore, wɔ́ sii baraa zɛnaa wɔa tenmaa waáraa. Bɛa nɔmaa n ke wɔ gialaa.»

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Zeremii 50:4

Dɛnaa Lawa a da ǹ boo á ke: Bɛa biikoo li, bɛa pinaa kəni Izirayeli minin laanka Zudaa minin tá re die kun. Ǹ tá re tɔ we, ǹ wuu pɛ, ǹ tá re giɛ masɛ Dɛnaa Lawa, ǹ Lawa li.

Zeremii 6:26

Maa zaman, ka gɛ̀ koa ǹ mɔnaa wɔ. Ka n birikəə̃ tii li. Ka gɛ̀ zɛnaa giala kɔ, ka nɛgiĩ goon toto wɔ bɛ́ lɔn. Ka gɛ̀ koa ǹ loe kɔɔsɛ lɔ. A giala, sisia bɛ̀ zɔ́ɔ basaã-kɔle lɛ dɔ ka ganaa.

Ezekieli 20:43

Kaa tɔ wɔ ǹ gɔn nɛ, kaa zɛnaa ǹ siin kɛn tumaa nɛ, ka ǹ mɛnɛn lɛn zɛnaa ká ka dinin gɔgɔrɛ kɔ nɛ, ka yiri á die gisĩ ka bɛn nɛ walan. Ka tìĩ á re boe ka dinin nyin ni, kaa sii baraan kɛn taman yii ká ǹ zɛnaa.

Ezekieli 37:14

Ma á re ma din a yiikoonaabaa ǹ piɛ̃ kɛ diɛ ka nɛ, màn mɛn bɛ́ toɛ, ka yii wusoo a kaa. Ma á re wusii ma ka koa kaa gána lɛ nɛ. Ka á re doɛ̃ bɛa biikoo li kəni, mà bɛ̀ masɛ Dɛnaa Lawa boo mɛn da, mà man bɛ lɛ zɛnɛɛ. Ma din Dɛnaa Lawa a da ǹ boo ne.

Ezekieli 39:29

Ma á re ma din Yiri kɛ koe Izirayeli tɔrɔn la, ma a re n yɔrɔ bɔyɛɛ ma bɔ ǹ la doo wa. Ma din Dɛnaa Lawa a da ǹ boo ne.»

Amɔɔsi 8:10

Ma á die kaa zɔ́nɔn kɛn bɔyɛɛ, ma ǹ baa foo-ziziɛ̃ pinaa lɛa. Ma á die kaa loen kɛn tumaa bɔyɛɛ, ma ǹ baa gɛ̀ wuu lɛa. Min tumaa á die gɛ̀ koa ǹ mɔnaa we, min tumaa á die n mìi koɛ̃, ka nɛgiĩ goon toto na á gã. Sii mɛn bɛ́ re koɛ bɛ la kəni, bɛa re koe biɛ.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Minin nimi 21:9

Muizu tɔ́n miɛ̃ nyín zɛnaa ka zan nɛ, á pɛnɛ bàlà sasa ganaa lon. Miɛ̃ goã min mɛn tumaa kuĩ, bɛ̀ ǹ mɛn nə́ n yii saa á ga miɛ̃ nyín lɛ ganaa, ǹ dɛnaa n liɛ.

Matiə 24:30

Bɛa biikoo li, Min a Nɛgiĩ a daa a sii a kɔnbɔ á die soe lon. Kanaa a tɔrɔn tumaa á re n lala diɛ. N tá re Min a Nɛgiĩ yii labaran la, ka pàã gole laanka gugurubaa gole ne.

Matiə 26:75

Yezu boo mɛn pɛ Piɛrɛ nɛ, Piɛrɛ yiri gisĩ a nɛ: «Koo laan bɛ̀ a wuu pɛ, n din kɛ lɛ á re n piɛ̃ ka masɛ nɛ, a dɔ gunyin sɔɔ.» Piɛrɛ soo kanaa, á wuu pɛ parsiini.

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Nya ǹ dín 10:45

Zuifu Lawa-nyankɔlen mɛnɛn nə́ Piɛrɛ da zii, ǹ nə́ bɔ Zoopee kiwi, á kaãbaa da bɛn ganaa parsiini, a giala, Lawa Yiri Fu dia á gisĩ tɔrɔ kɔsɔn dɔn la sisia.

Nya ǹ dín 11:15

Masɛ Piɛrɛ nə n lɛ bũ boɛɛn lɔn gɔrɔ má n boo diɛ, Yiri Fu gisĩ minin lɛn la, ka a bɛ́ á zɛnaa wɔsɛn dɔn man lɔn a giala koe li.

Nya ǹ dín 2:17

A màn mɛn pɛ, bɛ n ka kɛ nɛ Lawa pɛ: «Biikoo a nya waáraa ma á re ma yiri kɛ koe min tumaa la. Kaa nɛgiĩn laanka kaa nɛlɔn tá re maa boo gii diɛ. Ma á re boo diɛ kaa min golen manɛ ka narɛɛn nɛ, ma á re boo diɛ kaa nɛ tenən manɛ ka sii-yɛn nɛ.

Nya ǹ dín 2:33

Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

Nya ǹ dín 2:37

Ǹ bɛ́ ǹ nə́ bɛa boon kɛn ma, á ǹ foo kũ parsiini, ǹ nə́ nɔ̀n da Piɛrɛ laanka dia dí-a wole gialakunun lɛn la: «Dɔɔ̃nɔn lɛn, wɔsɛn man die wàa zɛnɛɛ kəni?»

Rɔmu minin 8:15

Ka doamaa bie ka nyɛ́ɛ baa doo wa. Lawa ná a din Yiri kɔ ka la. Bɛ n nyɛɛ mà ka ba bɛ̀rɛn lɛa wa, sɛnɛ, ka na a nɛnyaanan lɛa. Bɛ̀ wɔ á n lɛ dii Lawa ganaa wáa «Wɔa Díi!»,

Rɔmu minin 8:26

Wɔ bɛ́ pàãwɛɛnaan lɛa ke, Lawa Yiri nə n doe wɔ lɛ. A giala, wɔ doamaa bɛ́ nɛ, wɔ Lawa nyankɔ lɔn, wɔ a bɛ doɛ̃ wa. Sɛnɛ, giniin mɛnɛn bɛ́, min ná a ba ǹ boo giala pii doɛ̃ wa, Lawa Yiri din nə bɛa giniin kɛn lɛn we Lawa ganaa, a ná a nyankoe wɔ a lɛa.

Efɛɛzi minin 6:18

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Zude 1:20

Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!

Samayeli1 7:2

Dɛnaa Lawa a goo lɛ goã Kiriyati-Yarimu á belebɔ, á dɔ lɛ̀ fuə. Bɛ lɛ kio ne, Dɛnaa Lawa sii goã Izirayeli minin tumaa ganaa parsiini.