Zakarii 12:1 - LAWA A BOO SONBORE

¹ Dɛnaa Lawa a da ǹ boo á ke Izirayeli a paǹ li, asɛ mɛn nə lon lɛ bɔ, a ná a gòã daa, á fɔfoã kɔ minbuiin nɛ la, a da ǹ boo á ke:

LAWA A BOO SONBORE 2011

¹ Dɛnaa Lawa a da ǹ boo á ke Izirayeli a paǹ li, asɛ mɛn nə lon lɛ bɔ, a ná a gòã daa, á fɔfoã kɔ minbuiin nɛ la, a da ǹ boo á ke:

Zakarii 12:1 ပူးပေါင်းရင်းမြစ်များ

Siin Giala 1:8

Á gèlè lɛ bíi "Lon". Wasamiɛ̃n yɛ, baayɛlɛ dɔ́ yɛ. A lɛawaa paabaa ǹ wɔ n ka bɛ nɛ.

Siin Giala 2:7

Dɛnaa Lawa tán tii saa, á zɛnaa minbuiin nɛ lɛa. Á yiikoonaabaa ǹ piɛ̃ dɔ a nyin ni, á n baa màn yiikoonaa lɛa.

Zɔbu 26:7

A din na á lon da á lɔɔ lon kooro, á tán zɛnaa á da bii-a kooro.

Zɔbu 37:18

A bɛ́ á labaran kɛn nyɔã lon, kaka, ka fɔlɔ damalen bɛ́ lɔn, n tá boe la n bɛ zɛnaa?

Loen 104:2

tɛ fúlu nə n ganaa ka dɔnkɛ nɛ. N din nə ń lon nyɔmaa ka mɔnaa kion ne.

Loen 134:3

Dɛnaa Lawa mɛn bɛ́ á lon laanka tán zɛnaa, a dɔ die a n toa *Siɔn kele la, a barka da ka ganaa.

Boo-laakalaali 12:7

Bɛa biikoo kɛ lɛ li, minbuiin nɛ gɔ̀nɔn siĩ lɛ bɔ tán tii mɛn li, a nə n bɔyɛɛ a wo walan. Telenboeen nə n bɔyɛɛ a wo Lawa li, Lawa mɛn lɛ kɔ.

Izayii 40:12

Die bin na á yìsi mu zɔɔ̃ a gɔn tìsì bii? Die bin na á lon a golebaa zɔɔ̃ ka a gòon yii ni? Die bin na á tán a gusuũ zɔɔ̃ ka sóo ne? Die bin na á kelen gugurubaa zɔɔ̃, á tentenen gugurubaa zɔɔ̃ ka kilo ne?

Izayii 40:22

Dɛnaa Lawa a kii dankan nə tán a buuriibaa lalan lon. Minbuiin nɛn man ka bisin bɛ́ lɔn a yii li. Á lon lɛ bɔ ka mɔnaa bɛ́ lɔn, A ná a lɛ bɔ ka mɔnaa zìã bɛ́ lɔn, a n die giɛ̃ a nɛ.

Izayii 42:5

Lawa, Dɛnaa Lawa n kɛ pii asɛ mɛn lon zɛnaa, a ná a lɛ bɔ. Á tán lɛ bɔ ka a gɔ́ɔ̃gɔ́ɔ̃ ǹ màn tumaa nɛ. Tɔrɔn mɛnɛn tumaa bɛ́ tán la, a n yiikoonaabaa koe ǹ la, a piɛ̃ kɔ a giã man wolen la.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 45:12

Á bǐɛ̃ kɔ! Ma din ni má tán zɛnaa, ka minbuiin nɛn mɛnɛn bɛ́ giã-n la. Ma din ni má lon lɛ bɔ. Ma din ni leeren tumaa mìi la.

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Izayii 48:13

Ma din ni ma tán giala koa. Ma din ni ma lon lɛ bɔ. Bɛ̀ má ǹ bíi lɔn, maǹ die kun.

Izayii 51:13

N yiri bɔ ka Dɛnaa Lawa nɛ, a da yaa a din na á n da. A din ni á lon lɛ bɔ, á tán zɛnaa. Biikoo tumaa li, n gɔ̀nɔn nə bìn diɛ nyɛ́ɛ gɔn pàã-zɛnaali kɛa foo-yoo nyɛɛnɛ, ka n pɛ mà a n die n nyin boe. Sɛnɛ, bɛa pàã zɛnaali lɛ a foo-yoo á maa kəni?

Izayii 57:16

A giala, ma ba zoɛ̃ li máa ma minin zɛ̀rɛbaa biikoo yii li wa, hinlaa ma foo goã yoo-n duduu wa. Bɛ bie wa, ma min mɛnɛn zɛnaa, bɛn yiikoonaabaa á re n sii ǹ la.

Zeremii 10:12

Dɛnaa Lawa tán zɛnaa ka a pàã nɛ, á kanaa koa ka sii-doɛ̃ nɛ, á lon lɛ bɔ ka yiridɛnaabaa nɛ.

Zeremii 30:10

Dɛnaa Lawa a da ǹ boo á ke: Nsɛ Zakɔba, maa dí-nyali, nyɛ́ɛ nyan nə n kũ wa, N gɔ̀nɔn nyan bìn da wa nsɛ Izirayeli. Taãn nɛ, ma á re n kirisibiɛ, ma n bɔ ma n bɔ gána sɔsɔɔn kɛn nɛ, ma n nɛnyaanan kɛn waa bɛ̀rɛbaa ǹ bǎã nɛ, ma da ǹ nɛ. Zakɔba, n tá re n bɔyɛɛ n daa, n giã kiĩ ni, yii-nyɛɛ gɔ́ɔ̃ nɛ. Min kɔn ba re nyɛ́ɛ diɛ n ganaa doo wa.

Zeremii 30:16

Sɛnɛ, min mɛn tumaa basaã kɔ n nɛ, ma á re basaã koe ǹ dɔn manɛ. Ń zɔ́ɔn tumaa á re woe bɛ̀rɛbaa ǹ bǎã nɛ. Min mɛnɛn bɛ́ koɛɛn we n ne, ǹ tá re koɛɛɛn we ǹ dɔn manɛ. Min mɛnɛn bɛ́ mɛnɛɛ n la, ǹ tá re mɛnɛɛ ǹ dɔn la.

Zeremii 38:16

Sɛnɛ, kii Sedekiasi lɛ kɔ wɔ ka durii ni Zeremii-n kɛnɛn: «Ká Dɛnaa Lawa Yiikoonaa tɔ nɛ, asɛ mɛn yiikoonaabaa kɔ wɔ la, ma a re n nyin boe wa. Min mɛnɛn dɔn bɛ́ zoɛ̃ n gɛ̀ li, ma a re n we bɛn gɔn wa.»

Zeremii 50:34

Sɛnɛ pàã tá ǹ si sii la wole lon. A tɔ n "Dɛnaa Lawa Pàãyiidɛnaa". A n die ǹ zia gii diɛ ka pàã nɛ. Màn mɛn bɛ́ toɛ, a nyɛ́ɛ da Baabilonii ganaa, a yii-nyɛɛ kɔ tán tumaa la.

Zeremii 51:15

Dɛnaa Lawa tán zɛnaa ka a pàã nɛ, á kanaa koa ka sii-doɛ̃ nɛ, á lon lɛ bɔ ka yiridɛnaabaa nɛ.

Busii pɛ 2:14

Lawa a boo gii-dalin nə sii-nyaa mɛn tumaa yɛ n wɔ lɛa, sii-nyaa kooron manɛ. Maǹ nə n sã pɛ n nɛ wa, màn mɛn bɛ́ toɛ n kanbaa bɛ̀rɛbaa ganaa. Ǹ sii-nyaan mɛnɛn yɛ n wɔ lɛa, soɛ laanka yiri sã ǹ boon manɛ!

Ezekieli 18:4

Sonbore ne, min tumaa n masɛ din wɔ lɛa. Díi bɛ́ maa wɔ lɛa lɔn, nɛ dɔ n maa wɔ lɛa miɛ̃. Min mɛn bɛ́ sii baraa zɛnɛɛ, bɛa dɛnaa lɛ din nə die giɛ̃.

Zakarii 9:1

Dɛnaa Lawa a da ǹ boo á ke: Dɛnaa Lawa a boo dɔ Adraki gána nɛ, á dɔ yǎa Damaasi kiwi. A giala, Dɛnaa Lawa bie n yiin doɛ Izirayeli tɔrɔn dininsɔɔ̃nɔn la wa, sɛnɛ, a n doɛ minbuiin nɛ tumaa la.

Malakii 1:1

Dɛnaa Lawa boo mɛn da Malakii ni mà a pɛ Izirayeli minin manɛ, á ke:

Minin nimi 16:22

Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»

Ebrəə 12:9

Gɔ̀nɔn siĩ a díin nə́ yɛ wɔ lon, ǹ nə́ wɔ dɛ ǹ nə́ wɔ doroo, wɔ ǹ lɛ dɔ si. Sanparɛ ka Lawa mɛn bɛ́ lon a Díi lɛa, wɔ a re n doree bɛ nɛ, wɔ yiikoonaabaa taãn-taãn yɛ wa?