Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zakarii 11:8 - LAWA A BOO SONBORE

8 Bɛ kio, ma boo la má n foo kũ sèren-lɛduə̃lin lɛn li wa. Ma dɔ nə́ ǹ dɔn gɔ̀nɔn bɔ. Mui goon gɔ́ɔ̃ nɛ, má sère-lɛduə̃li sɔɔ toa walan.

အခန်းကိုကြည့်ပါ။ ကော်ပီ

LAWA A BOO SONBORE 2011

8 Bɛ kio, ma boo la má n foo kũ sèren-lɛduə̃lin lɛn li wa. Ma dɔ nə́ ǹ dɔn gɔ̀nɔn bɔ. Mui goon gɔ́ɔ̃ nɛ, má sère-lɛduə̃li sɔɔ toa walan.

အခန်းကိုကြည့်ပါ။ ကော်ပီ




Zakarii 11:8
25 ပူးပေါင်းရင်းမြစ်များ  

Rezɔn na á goã Izirayeli a zɔ́ɔ lɛa miɛ̃ Salomɔn a yiikoonaabaa tumaa gɔ́ɔ̃ nɛ, ka Adaadi dɔ bɛ́ lɔn. Izirayeli sii goon goã Rezɔn ganaa wa, á kiibaa zɛnaa Siirii gána nɛ.


Bɛ lɛ nɛ, Dɛnaa Lawa foo busu a zaman lɛ li parsiini. A din wɔn lɛn tìĩ bɔ nɛ.


Sii baraa bɛ́ kɔɔ̃n Lawa mɛn-a, nsɛ bie wa, min baraa a boe la a giã n li wa.


Efrayimu minin kɛn, a laanɛ ǹsɛn nə́ goã zia biɛ ka kiɛ nɛ, ǹ nə́ n gòã da baa nɛ ziabaa pinaa.


Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.


Maa wɔ bɛ́ ka min mɛnɛn nɛ, bɛn giã ǹ gɔn na á goã ka yàran bɛ́ lɔn daã nɛ. Ǹ nə́ lɛ baa ma ganaa, bɛ lɛ nɛ, ǹ tìĩ bɔ ma nyin ni.


N tɔ taman yii, n giã ǹ bǎã ke piɛ̃ nɛ ka n gugurubaa kɛ nɛ, n nyan nə n la bɔ bɛ ganaa wa. N nyan nə n la bɔ a ganaa wa. N lɛ kɔ kɔn la mɛn wɔ ka wɔ nɛ, n yiri kɔ ka bɛ nɛ, n nyan a sàabaa wa.


Maǹ bɛa minin kɛn lɛn bíi: "wɔrɔ bɔbɔnɛɛ". A giala, maǹ màn bɔbɔnɛɛ lɛa Dɛnaa Lawa yɔrɔ-a.


Man die zɛnɛɛ miɛ̃ màn mɛn bɛ́ toɛ ma Izirayeli minin lɛn kũ ǹ dinin taasiɛ ganaa, a giala, ǹ tumaa nə́ n na ǹ nə́ n bɔ ma ganaa, ǹ dìn lɛn taman yii.


Lɔ mɛn nə́ ke ǹ zuũ laanka a nɛgiĩn tìĩ bɔ a nyin ni, n nə n bɛa nɛlɔ lɛa. N dɔɔ̃nlɔn dɔn man miɛ̃. N dɔn zuũn laanka ǹ nɛgiĩn tìĩ na á bɔ ǹ nyin ni. Ka dan na á goã Ɛti tɔrɔ lɛa, ka di na á goã Amɔɔrɔ tɔrɔ lɛa.


Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.


A giala, ǹ nə́ Dɛnaa Lawa bebele, ǹ nə́ kikio nɛn yɛ. Sisia kəni, kànaa laanka mui goon, ǹ gána lɛ á re yui.


Ǹ baraabaa lɛ tumaa na á soo kanaa Gilgaali, walan lɛ nɛ, má ǹ baa zɔ́ɔ. Ǹ nya ǹ dí babaraan lɛn taman yii, ma á re ǹ lui ma ǹ bɔ maa kion. Ma a re ǹ narɛ doo wa, ǹ goledɛnan lɛn tumaa n piã-wɔlen lɛa.


Masɛ dinmaa n die giɛ̃ ka bii. Ka tìĩ a re boe ma nyin ni, ma ka tii wa.


Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.


Haalɛ bɛ tumaa kio, ǹ bɛ́ re goɛ̃ ǹ zɔ́ɔn lɛn gána nɛ ǹ mɛn waáraa ke, ma a re n piɛ̃ ǹ nɛ wa, ma a re ǹ tii wa. Ma a re bɛ zɛnɛɛ ma ǹ dɛ ma ǹ nya wa, ma ba re maa lɛ kɔ kɔn la kɛ toɛ̃ ma bɔ kɔn-a ǹ nɛ wa. A giala, masɛ din Dɛnaa Lawa nə ǹ Lawa lɛa.


A n fuu kɔ́n tɔrɔ lɛa masɛ á die yii, a n guĩ lɛa masɛ mìi ni, yǎa a zɛnaa doe!


Sɛnɛ, a kɔɔ̃n a din a gána minin ganaa wa. Ǹ nə́ minin dia a kio mà ǹ pɛ kii gole gole lɛ nɛ, mà ǹsɛn ba li a giã ǹsɛn mìi la wa.


Bɛ̀ kanaa minin tá ka biɛ zɔ́ɔ, ka dɔ̃ mà maǹ nə́ masɛ baa zɔ́ɔ ka nyɛɛnɛ.


Kanaa minin ba boe la ǹ kasɛn baa zɔ́ɔ wa, sɛnɛ, masɛ, maǹ ma biɛ zɔ́ɔ, a giala, masɛ nə ǹ sɔ̀n pii, ǹ zɛnaa ǹ siin ba siĩn wa.


A nɛnyaanan lɛn nə́ wɔ a lon. Dɛnaa Lawa bɛ́ á yɛ miɛ̃, a foo yoo,


Sɛnɛ, maa min mɛn bɛ́, ma din Lawa foo sii zɛnɛɛ ka goleemali ni, bɛ tá re nyin nyabaã yii. Sɛnɛ, bɛ̀ á kanaa á zii da, a sii a re kɔɔ̃n koe ma ganaa doo wa.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ