Zakarii 11:5 - LAWA A BOO SONBORE

⁵ Min mɛnɛn bɛ́ ǹ pii ǹ nə́ ǹ dii, maǹ taasɛ mà ǹsɛn ba sii baraa kɔn zɛnɛɛ wa. Ǹ mɛnɛn bɛ́ ǹ siɛ̃, bɛn man pii: «Lawa barka, a giala, wɔ màndɛnan baa!» Ǹ makara dɔ din ba boe ǹ lɛduə̃lin ganaa wa.

LAWA A BOO SONBORE 2011

⁵ Min mɛnɛn bɛ́ ǹ pii ǹ nə́ ǹ dii, maǹ taasɛ mà ǹsɛn ba sii baraa kɔn zɛnɛɛ wa. Ǹ mɛnɛn bɛ́ ǹ siɛ̃, bɛn man pii: «Lawa barka, a giala, wɔ màndɛnan baa!» Ǹ makara dɔ din ba boe ǹ lɛduə̃lin ganaa wa.

Zakarii 11:5 ပူးပေါင်းရင်းမြစ်များ

Kiin2 4:1

Lawa a boo gii-dalin mɛnɛn bɛ́ giã-n kun zaman lɛa, bɛn goon a lɔ Yiliizee nyankɔ á pɛ nɛ: «Ma zuũ lɛ, n dí-nyali lɛa, á gã. N ta doɛ̃, mà n dí-nyali lɛ goã nyɛ́ɛ biɛ Dɛnaa Lawa yii ni. Sɛnɛ, a giɔ̀mɔdɛnaa na á daa, a gɔ́ɔ̃ na a ganaa, a maa nɛgiĩ min paa kũ a baa a bɛ̀rɛn lɛa, a giɔ̀mɔ lɛ bǎã nɛ.»

Nehemii 5:8

Má pɛ ǹ nɛ: «Ǹ wɔ dɔɔ̃n Zuifun mɛnɛn sã tɔrɔ kɔsɔn la, táa wɔ dininmaan lɛn man wɔ́ bɛn nyin si á kɔnpɛ ka wɔ pàã nɛ. Sɛnɛ, kasɛn man ka dɔɔ̃nɔn siɛ̃, ka n li ka ǹ sã wɔ dininmaan dɔn la!» Ǹ nə́ golee ka kiĩkə́ə̃n, ǹ yii din ba boo ganaa ǹ tá diɛ wa.

Zeremii 2:3

Izirayeli, n nə n goã ma dinsɔɔ̃ wɔ lɛa. N nə n goã ma din wɔ baa nɛ, ka kaa-piɛ da nɛ bibinaa bɛ́ lɔn. Min mɛnɛn gɔn bɛ́ re miɛ n ganaa, zɛ̀rɛ n die bɛn kuĩ, koe bɔ ǹ ganaa. Dɛnaa Lawa a da ǹ boo ne.

Zeremii 50:7

Bɛ̀ min woo min kaa ǹ lɛ, a n basaã koe ǹ bii. Ǹ zɔ́ɔn man nə́ goã pii: Wɔ sii kɔn la ǹ la baraa wa! Ǹ dinin maǹ nə́ wɔ Dɛnaa Lawa lon, ke, ǹ kiri pepere-wɔle lɛa, ǹ digolon nə goã n foo doɛ ǹ mɛn lɛ ganaa.

Ezekieli 34:10

Masɛ Dɛnaa Lawa a da ǹ boo á ke: «Á ke, bɛa tɔɔn-lɛduə̃lin kɛn lɛn, ma á re yui ǹ gialaa, ma ǹ tɔɔn lɛn sii ǹ la ma ǹ sɔkɔn, ma ǹ lɛduə̃lin lɛn kaa ma ǹ bɔ dí ni. Ǹ ba re boe la ǹ nə n dinin too doo wa. Ma á re ma a tɔɔn lɛn sii ǹ lɛ la, ǹ ba re ǹ màn-bii biɛ doo wa.»

Ezekieli 34:21

A giala, tɔɔn lɛn mɛnɛn tumaa bɛ́ ǹ ba lon wa, ká bɛn nyanaa ka ka wàã nɛ, ká n nyàakoo da ǹ li, ká ǹ dɛ ka ka bɛnɛn nɛ, yǎa ká ǹ sasawaa ká ǹ bɔ tɔɔn màn bii ǹ bǎã kɛ nɛ.

Ezekieli 34:6

Maa sèren lɛn nə́ sasawaa, ǹ nə́ woo kelen tumaa laanka tentenen tumaa la. Maa sèren lɛn nə́ pɛsɛ̃ gána lɛ paǹ tumaa nɛ ka tenten sɔsɔrɔn tumaa nɛ. Sɛnɛ, min kɔn ga ǹ li wa, min kɔn nɔ̀n da ka ǹ sii-n wa.

Ozee 12:8

Ka Kanaan a pii-kɔlen bɛ́ lɔn, n màn zɔɔ̃ ǹ kilo lɛ a piɛ̃-n ma, mɛnaa n miã la n kɔɔ̃nɛ n ganaa.

Ozee 12:9

Efrayimu pɛ: Sonbore, má pàãma baa. Má gɔn màn gigiã yɛ. Ma dí mɛn tumaa nya, sii baraa zɛnaa ǹ paǹ kɔn yɛ ma-a wa.

Amɔɔsi 2:6

Dɛnaa Lawa na á pɛ kɛnɛn: Izirayeli minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ min pepere kũ ǹ nə́ sã wɔrɔ-a, ǹ nə́ doobaa lonkɔ ka kɔsɔ nɛ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo kio wa.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Zaã a sɛ́wɔ 10:1

Yezu pɛ: «Man taãn pii ka nɛ, min mɛn bɛ́ a ba we sèren kion ka a kiɛnlɛ-n wa, yǎa a kungɔn nɛ, wurumu n ka bɛa dɛnaa nɛ, mɛnaa minin la wole ne.

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.

Sii-nyaan 18:13

dù wùsu tɔrɔ gigiã nɛ, nyɔɔ gìĩ kɔɔ̃n tɔrɔ gigiã laanka gón gìĩ kɔɔ̃n nɛ, duvɛ̃ nɛ, nyɔɔ nɛ, wùsu ni, ka *belee ne, diin ni, sèren ne, sùin ni, wotoron ne, ka minbuiinin dinin ni ǹ nə́ ǹ siɛ̃ bɛ̀rɛn lɛa.

Sii-nyaan 3:17

Ma n pii mà ma n pàãma lɛa, mà ń gɔn màn-dɛnaa baa, mà n laadoo ba màn kɔ́n ganaa doo wa. N ba doɛ̃ mà ma n yii koe-yɛle lɛa, makara-bɔle lɛa, ma n doobaa lɛa, n nə́ yii tere-a lɛa, n nə́ gɔ̀nɔn kooro-an dɔ lɛa wa.