Zakarii 11:17 - LAWA A BOO SONBORE

¹⁷ Tɔɔn-lɛduə̃li baãnaa mɛn bɛ́ n la boe a tɔɔn ganaa, bɛ wɔ n ka bɔ̀n nɛ! Gɔya sa á re a nyàa goon niɛ̃, a na a gusin a yii puru! A nyàa á re laɛ, a laa kakaka. A gusin a yii á re tiɛ̃, a tã lenlen!

LAWA A BOO SONBORE 2011

¹⁷ Tɔɔn-lɛduə̃li baãnaa mɛn bɛ́ n la boe a tɔɔn ganaa, bɛ wɔ n ka bɔ̀n nɛ! Gɔya sa á re a nyàa goon niɛ̃, a na a gusin a yii puru! A nyàa á re laɛ, a laa kakaka. A gusin a yii á re tiɛ̃, a tã lenlen!

Zakarii 11:17 ပူးပေါင်းရင်းမြစ်များ

Kiin1 13:4

Kii Zeroboamu lɛ bɛ́ á Lawa a boo gii-dali lɛ ma boo diɛ ka paraa nɛ, Betɛli kiwi a wúlu bɔ ǹ bǎã lɛ ganaa, á n gɔn saa á dia lon wúlu bɔ ǹ bǎã lɛ lalan á paraa: «Ka giĩ kɛ kũ.» Sɛnɛ a n gɔn mɛn lɛ nyaa Lawa a boo gii-dali lɛ ganaa, bɛa gɔn lɛ gã, a ba boe la a tá wusii mɔrɛ a din ganaa doo wa.

Izayii 29:10

A giala, Dɛnaa Lawa ka yiri tã, á kaa Lawa a boo gii-dalin sàabaa sii-yɛn ganaa, á màn kɔ kaa gɔn-nɔɔlin yɔrɔ lɛ.

Izayii 44:10

Là ba dì zɛnaa ganaa ka màn nyín zɛnaa-n wa. Bɛ a die ka màn kɔn nɛ wa.

Izayii 9:15

Gána lɛ a nyɛɛnaandɛnan nə́ ǹ zaman sã, ǹ bɛ́ min mɛnɛn nyɛɛnɛ, ǹ nə́ bɛn bɔ̀n baa.

Zeremii 22:1

Dɛnaa Lawa pɛ Zeremii ni: – Yoo, n wo Zudaan kii a kion, n boon kɛn da walan.

Zeremii 23:1

«Wàa koe n ka kɛ nɛ! Nyɛɛnaandɛnan mɛnɛn bɛ́ maa zaman lɛ nyɛɛnaan boe, maǹ nə ǹ sasawɛɛ ǹ nə́ ǹ pɛsɛ̃ paǹ yii li!» Dɛnaa Lawa a da ǹ boo ne.

Zeremii 23:32

Ma á re yui ǹ gialaa. Ǹ narɛɛn man soɛn lɛa. Bɛ̀ ǹ tá ǹ kalɛɛ maa zaman yɔrɔ-a, boo kooron dininsɔɔ̃nɔn manɛ. Ma ǹ dia wa, ma zii kɔ ǹ la wa. Ǹ là goon din ba maa zaman ganaa wa. Dɛnaa Lawa a da ǹ boo ne.

Ezekieli 13:3

Masɛ Dɛnaa Lawa n kɛ pii: Lawa a boo gii-dalin kɛn baãnaan lɛa, koe ǹ dinin taasiɛn lɛ, a da yaa ǹ yii sii kɔn yɛ wa, bɔ̀n na á bɛn yɛ.

Ezekieli 34:2

– Minbuiin a nɛ, maa boo kɛ da Izirayeli zaman nyɛɛnaandɛnan kɛn wɔ paǹ li n pɛ ǹ nɛ, mà masɛ Dɛnaa Lawa a da ǹ boo á ke: «Izirayeli a zaman-lɛduə̃lin mɛnɛn bɛ́ giɛ ǹ dininsɔɔ̃nɔn walan, ǹ nə́ ǹ ba giɛ zaman kɛ walan wa, bɔ̀n nə bɛn wɔ lɛa!

Zakarii 10:2

Lawa kooron kɛn man soɛ boon diɛ, wɔ-kũlin man soɛ siin yii. Maǹ narɛɛ kooron we, fofolo lɛa. Ǹ foo waa ǹ boon tumaa n piɛ̃ lɛa. Bɛ lɛ nɛ, zaman lɛ woo, ka tɔɔ makaradɛnaa bɛ́ lɔn, a giala, lɛduə̃li ba ǹ la wa.

Zakarii 11:15

Dɛnaa Lawa wusoo doo á kɛ pɛ ma nɛ: «Sisia, sère-lɛduə̃li baãnaa a mànan si.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 23:16

Kasɛn nyɛɛnaan sabɔle yii tere-an kɛn, kaa wɔ n ka bɔ̀n nɛ! Ka n pii: «Bɛ̀ min nə́ n liɛ ka Lawa a kion ne, bɛa sii lɛa wa, sɛnɛ, bɛ̀ min mɛn nə́ n liɛ ka Lawa a kion a sana nɛ, bɛa dɛnaa parsii ni.»

Zaã a sɛ́wɔ 12:40

«Lawa na á ǹ yiin tã, màn mɛn bɛ́ toɛ, ǹ baran wɔlɔ yɛ wa. Á ǹ yiri tã, màn mɛn bɛ́ toɛ, ǹ baran boo giala ma wa, màn mɛn bɛ́ toɛ, ǹ baran ǹ lɛ-mui sii kaa ǹ wusoo ǹ da masɛ Lawa li wa. Bɛ̀ maǹ kiɛ, bɛ̀ má ǹ busu nya!»

Zaã a sɛ́wɔ 9:39

Yezu tɔ́n pɛ kəni: «Man má daa kanaa kɛ lɛ gɔ́ɔ̃ nɛ kiri wɔ a lɛa, màn mɛn bɛ́ toɛ, min mɛnɛn bɛ́ yii tere-an lɛa, bɛn yii wɔlɔ yɛ, min mɛnɛn bɛ́ yii wɔlɔ yɛlen lɛa, bɛn yii tã.»

Rɔmu minin 11:7

Wɔ n die pii mà wàa kəni? Izirayeli tɔrɔ lɛ bɛ́ á goã giɛ màn mɛn li, a bɛ yɛ wa. Lawa din boɛɛn mɛn bɔ, bɛn nə́ yɛ, gialakunun kɛn sɛn nə boo la, ǹ ná a giala ma wa.

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Samayeli1 2:31

Á ke, biikoo á re doe, bɛ gɔ́ɔ̃ nɛ, man die n kion min tenən laanka n tanlɛ min tenən dii, min zizi din ná a die yii n kion doo wa.