Zakarii 10:8 - LAWA A BOO SONBORE

⁸ Man die maa zaman bíi, ka lɛ pii ni, ma ǹ sɔkɔn. Taãn nɛ, man die ǹ sii ma ǹ kaa, ǹ mɔnaa ka lɛlɛ ǹ bɛ́ lɔn.

LAWA A BOO SONBORE 2011

⁸ Man die maa zaman bíi, ka lɛ pii ni, ma ǹ sɔkɔn. Taãn nɛ, man die ǹ sii ma ǹ kaa, ǹ mɔnaa ka lɛlɛ ǹ bɛ́ lɔn.

Zakarii 10:8 ပူးပေါင်းရင်းမြစ်များ

Kiin1 4:20

Zudaa gána minin laanka Izirayeli minin lɛn nə́ goã mɔnaa nɛ parsiini ka kɔ̀ mu lɛ-a ǹ nyɔɔsɔ̃ nɛ. Ǹ nə́ goã màn bii, màn mii ǹ foo yii n kɔɔ̃nɛ.

Bɔ bɛ̀rɛbaa nɛ 1:7

Izirayeli minin lɛn nə́ nɛnyaanan yɛ, ǹ nə́ mɔnaa Ezipti gána lɛ nɛ, ǹ pàã gole kɔ parsiini.

Izayii 44:22

Má n sãn kɛn tuturu ka labara bɛ́ lɔn. Má n sii baraan kɛn loo ka furuməə bɛ́ lɔn. Wusoo n da ma li, ma nə n si sii la wole lɛa.»

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 5:26

Dɛnaa Lawa gòon yiɛ tɔrɔn ganaa. Maǹ boe gána sɔsɔɔn nɛ. A n lɛ pii pii, a n lɛ diɛ goon la, kanaa lɛ dan ganaa. Á ke die ka baa nɛ.

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Izayii 7:18

Bɛa pinaa kɛ nɛ, Dɛnaa Lawa n die pìi pii, a nyuunun bíi Niili laanka tà a tɔ kɔnlɛ ǹ bǎã kɛ nɛ, ka zoon ne boe Asiirii gána nɛ.

Izayii 7:19

Ǹ tá re kiɛ nyankɔrɔn kɛn nɛ kɔlɔ lɛa, gɛ̀fu yalan nɛ, tewon tumaa nɛ, ka tɔɔn buu sɔ̃ ǹ bǎã tumaa nɛ.

Zeremii 33:22

Min bɛ́ a boe la a lon a leeren nimi lɔn wa, min bɛ́ a boe la a yìsi mu gole lɛ-a ǹ nyɔɔsɔ̃ dɔ nimi lɔn wa ǹ mɔnaabaa taman yii, ma dɔ n die Davida a sumu lɛ minin mɔnɛɛ miɛ̃ ka Levii a sumu lɛ minin ni dí nyɛɛ ma nɛ.»

Misee 2:12

Zakɔba tɔrɔn lɛn, ma á die ka tumaa soekɔn. Ma á die Izirayeli minin gialakunun lɛn soekɔn. Ma á die ǹ soekɔn ka sèren bɛ́ sèren kion lɔn, ka tɔɔn bɛ́ ǹ buu sɔ̃ ǹ bǎã-n lɔn. Ǹ lɛn tá re boe zaman lɛa.

Zakarii 9:11

Dɛnaa Lawa pɛ: «Maa lɛ kɔ kɔn la kɛ taman yii má wɔ kɔn ka ka nɛ, mà na a siére lɛa, min mɛnɛn bɛ́ kòso ne, nyankɔrɔ gole ne, mu ná a ba a-n wa, man die bɛn wɛɛ, ma ǹ kaa.

Matiə 11:28

«Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.

Sii-nyaan 7:9

Bɛ kio, má zaman gole yɛ, min kɔ́n ná a boe la a tá ǹ nimii wa. Ǹ nə́ golee ǹ gòãn la, kii dankan kɛ yɔrɔ-a ka Sère Nɛ kɛ nɛ, mɔnaa fufun ni ǹ ganaa ka gɔ̀lɔ̀baa ǹ da luun nə́ ǹ gɔn. Maǹ zaman gigiã lɛa, ǹ nə́ boe gána tumaa nɛ, ǹ nə́ tɔrɔ tumaa lɛa, ǹ nə́ bɔlɔ totoro tumaa pii.